ગ્રંથ પાઠ

ગીતગોવિન્દ · અધ્યાય 6

6.1

અથ તામ્ ગન્તુમ્ અશક્તામ્ ચિરમ્ અનુરક્તામ્ લતા-ગૃહે દૃષ્ટ્વા ।
તત્-ચરિતમ્ ગોવિન્દે મનસિજ-મન્દે સખી પ્રાહ ॥

6.2

પશ્યતિ દિશિ દિશિ રહસિ ભવન્તમ્ ।
તત્-અધર-મધુર-મધૂનિ પિબન્તમ્ ॥
નાથ હરે સીદતિ રાધા વાસ-ગૃહે ॥

6.3

ત્વત્-અભિસરણ-રભસેન વલન્તી ।
પતતિ પદાનિ કિયન્તિ ચલન્તી ॥
નાથ હરે સીદતિ રાધા વાસ-ગૃહે ॥

6.4

વિહિત-વિશદ-બિસ-કિસલય-વલયા ।
જીવતિ પરમ્ ઇહ તવ રતિ-કલયા ॥
નાથ હરે સીદતિ રાધા વાસ-ગૃહે ॥

6.5

મુહુઃ અવલોકિત-મણ્ડન-લીલા ।
મધુરિપુઃ અહમ્ ઇતિ ભાવન-શીલા ॥
નાથ હરે સીદતિ રાધા વાસ-ગૃહે ॥

6.6

ત્વરિતમ્ ઉપૈતિ ન કથમ્ અભિસારમ્ ।
હરિઃ ઇતિ વદતિ સખીમ્ અનુવારમ્ ॥
નાથ હરે સીદતિ રાધા વાસ-ગૃહે ॥

6.7

શ્લિષ્યતિ ચુમ્બતિ જલધર-કલ્પમ્ ।
હરિઃ ઉપગતઃ ઇતિ તિમિરમ્ અનલ્પમ્ ॥
નાથ હરે સીદતિ રાધા વાસ-ગૃહે ॥

6.8

ભવતિ વિલમ્બિનિ વિગલિત-લજ્જા ।
વિલપતિ રોદિતિ વાસક-સજ્જા ॥
નાથ હરે સીદતિ રાધા વાસ-ગૃહે ॥

6.9

શ્રીજયદેવ-કવેઃ ઇદમ્ ઉદિતમ્ ।
રસિક-જનમ્ તનુતામ્ અતિમુદિતમ્ ॥
નાથ હરે સીદતિ રાધા વાસ-ગૃહે ॥

6.10

વિપુલ-પુલક-પાલિઃ સ્ફીત-સીત્કારમ્ અન્તર્-
જનિત-જડિમ-કાકુ-વ્યાકુલમ્ વ્યાહરન્તી ।
તવ કિતવ વિધાય અમન્દ-કન્દર્પ-ચિન્તામ્
રસ-જલધિ-નિમગ્ના ધ્યાન-લગ્ના મૃગાક્ષી ॥

6.11

અઙ્ગેષુ આભરણમ્ કરોતિ બહુશઃ પત્રે અપિ સંચારિણિ
પ્રાપ્તમ્ ત્વામ્ પરિશઙ્કતે વિતનુતે શય્યામ્ ચિરમ્ ધ્યાયતિ ।
ઇતિ આકલ્પ-વિકલ્પ-તલ્પ-રચના-સંકલ્પ-લીલા-શત-
વ્યાસક્તા અપિ વિના ત્વયા વર-તનુઃ નૈષા નિશામ્ નેષ્યતિ ॥

મૂળ પાઠ: Gītagovinda · Edition: Barbara Stoler-Miller (New York 1977), with occasional amendments. · Data entry Jakub Cejka · GRETIL (Göttingen) · CC BY-NC-SA 4.0