ગીતગોવિન્દ · અધ્યાય 3

કંસારિઃ અપિ સંસાર-વાસના-બન્ધ-શૃઙ્ખલામ્ ।
રાધામ્ આધાય હૃદયે તત્યાજ વ્રજ-સુન્દરીઃ ॥

ઇતઃ તતઃ તામ્ અનુસૃત્ય રાધિકામ્ અનઙ્ગ-બાણ-વ્રણ-ખિન્ન-માનસઃ ।
કૃત-આનુતાપઃ સ કલિન્દ-નન્દિની-તટ-અન્ત-કુઞ્જે વિષસાદ માધવઃ ॥

મામ્ ઇયમ્ ચલિતા વિલોક્ય વૃતમ્ વધૂ-નિચયેન ।
સ-અપરાધતયા મામ્ અપિ ન વારિત-અતિભયેન ॥
હરિહરિ હત-આદરતયા ગતા સા કુપિતા ઇવ ॥

કિમ્ કરિષ્યતિ કિમ્ વદિષ્યતિ સા ચિરમ્ વિરહેણ ।
કિમ્ ધનેન જનેન કિમ્ મમ જીવિતેન ગૃહેણ ॥
હરિહરિ હત-આદરતયા ગતા સા કુપિતા ઇવ ॥

ચિન્તયામિ તત્-આનનમ્ કુટિલ-ભ્રુ કોપ-ભરેણ ।
શોણ-પદ્મમ્ ઇવ ઉપરિ ભ્રમતા આકુલમ્ ભ્રમરેણ ॥
હરિહરિ હત-આદરતયા ગતા સા કુપિતા ઇવ ॥

તામ્ અહમ્ હૃદિ સંગતામ્ અનિશમ્ ભૃશમ્ રમયામિ ।
કિમ્ વને અનુસરામિ તામ્ ઇહ કિમ્ વૃથા વિલપામિ ॥
હરિહરિ હત-આદરતયા ગતા સા કુપિતા ઇવ ॥

તન્વિ ખિન્નમ્ અસૂયયા હૃદયમ્ તવ આકલયામિ ।
તત્ ન વેદ્મિ કુતઃ ગતા અસિ ન તેન તે અનુનયામિ ॥
હરિહરિ હત-આદરતયા ગતા સા કુપિતા ઇવ ॥

દૃશ્યસે પુરતઃ ગત-આગતમ્ એવ મે વિદધાસિ ।
કિમ્ પુરા ઇવ સસંભ્રમં પરિરમ્ભણમ્ ન દદાસિ ॥
હરિહરિ હત-આદરતયા ગતા સા કુપિતા ઇવ ॥

ક્ષમ્યતામ્ અપરમ્ કદાપિ તવ ઈદૃશમ્ ન કરોમિ ।
દેહિ સુન્દરિ દર્શનમ્ મમ મન્મથેન દુનોમિ ॥
હરિહરિ હત-આદરતયા ગતા સા કુપિતા ઇવ ॥

વર્ણિતમ્ જયદેવકેન હરેઃ ઇદમ્ પ્રવણેન ।
કિન્દુબિલ્વ-સમુદ્ર-સમ્ભવ-રોહિણી-રમણેન ॥
હરિહરિ હત-આદરતયા ગતા સા કુપિતા ઇવ ॥

હૃદિ બિસ-લતા-હારઃ ન અયમ્ ભુજઙ્ગમ-નાયકઃ
કુવલય-દલ-શ્રેણી કણ્ઠે ન સા ગરલ-દ્યુતિઃ ।
મલયજ-રજઃ ન ઇદમ્ ભસ્મ પ્રિહાર-હિતે મયિ
પ્રહર ન હર-ભ્રાન્ત્યા અનઙ્ગ ક્રુધા કિમ્ ઉ ધાવસિ ॥

પાણૌ મા કુરુ ચૂત-સાયકમ્ અમુમ્ મા ચાપમ્ આરોપય
ક્રીડા-નિર્જિત-વિશ્વ મૂર્ચ્છિત-જન-આઘાતેન કિમ્ પૌરુષમ્ ।
તસ્યાઃ એવ મૃગી-દૃશઃ મનસિજ-પ્રેઙ્ખત્-કટાક્ષ-આશુગ-
શ્રેણી-જર્જરિતમ્ મનાક્ અપિ મનઃ ન અદ્ય અપિ સંધુક્ષતે ॥

ભ્રૂ-ચાપે નિહિતઃ કટાક્ષ-વિશિખઃ નિર્માતુ મર્મ-વ્યથામ્
શ્યામ-આત્મા કુટિલઃ કરોતુ કબરી-ભારઃ અપિ માર-ઉદ્યમમ્ ।
મોહમ્ તાવત્ અયમ્ ચ તન્વિ તનુતામ્ બિમ્બ-અધરઃ રાગવાન્
સત્-વૃત્ત-સ્તન-મણ્ડલઃ તવ કથમ્ પ્રાણૈઃ મમ ક્રીડતિ ॥

તાનિ સ્પર્શ-સુખાનિ તે ચ તરલાઃ સ્નિગ્ધાઃ દૃશોઃ વિભ્રમાઃ
તત્-વક્ત્ર-અમ્બુજ-સૌરભમ્ સઃ ચ સુધા-સ્યન્દી ગિરામ્ વક્રિમા ।
સા બિમ્બ-અધર-માધુરી ઇતિ વિષય-આસઙ્ગે અપિ ચેત્ માનસમ્
તસ્યામ્ લગ્ન-સમાધિ હન્ત વિરહ-વ્યાધિઃ કથમ્ વર્ધતે ॥

ભ્રૂ-પલ્લવમ્ ધનુઃ અપાઙ્ગ-તરઙ્ગિતાનિ
બાણાઃ ગુણઃ શ્રવણ-પાલિઃ ઇતિ સ્મરેણ ।
તસ્યામ્ અનઙ્ગ-જય-જઙ્ગમ-દેવતાયામ્
અસ્ત્રાણિ નિર્જિત-જગન્તિ કિમ્ અર્પિતાનિ ॥