ગૌરગઓવિન્દાર્ચનસ્મરણપદ્ધતિ · શ્લોક 81-100

નિવાસં યાવટે નિત્યં ગુરુ-રૂપા-સખી-યુતઃ ।
શ્રી-યાવટ-પુરે શ્રીમદ્-વૃષભાનુ-પુરે ઽપિ ચ

નન્દીશ્વર-પુરે રાધા-કૃષ્ણ-કુણ્ડ-તટ-દ્વયે ।
શ્રીમદ્-વૃન્દાવને રમ્યે શ્રીમદ્-વૃન્દાવનેશયોઃ

પ્રાતર્ આદ્યષ્ટ-સમયે સેવનં તુ ક્રમેણ ચ ।
નાનોપકરણૈર્ દિવ્યૈર્ ભક્ષ્ય-ભોજ્યાદિભિઃ સદા ।
ચામર-વ્યજનાદ્યૈશ્ ચ પાદ-સંવાહનાદિભિઃ

કિશોરી ગોપ-વનિતા સર્વાલઙ્કાર-ભૂષિતા ।
પૃથુ-તુઙ્ગ-કુચ-દ્વન્દ્વા ચતુઃષષ્ટિ-ગુણાન્વિતા

નિગૂઢ-ભાવા ગોવિન્દે મદનાનન્દ-મોહિની ।
નાના-રસ-કલાલાપ-શાલિની દિવ્ય-રૂપિની

સઙ્ગીત-રસ-સંજાત-ભાવોલ્લાસ-ભરાન્વિતા ।
દિવા-નિશં મનો-મધ્યે દ્વયોઃ પ્રેમા-ભરાકુલા

સર્વ-લક્ષન-સમ્પન્ના ભાવ-હાવાદિ-ભૂષિતા ।
ગુરુ-પ્રસાદ-જનની ગુરુ-રૂપા-પ્રિયાનુગા ।
ગાન્ધર્વિકા-સ્વ-યૂથ-સ્થા લલિતાદિ-ગણાન્વિતા

સ્વ-યૂથેશ્વર્ય્-અનુગતા યાવટ-ગ્રામ-વાસિની ।
ચિન્તનીયાકૃતિઃ સા ચ કામ-રૂપાનુગામિની

ચિદ્-આનન્દ-રસમયી દ્રુત-હેમ-સમ-પ્રભા ।
સુચીન-નીલ-વસના નાનાલઙ્કાર-ભૂષિતા

શ્રી-રાધા-કૃષ્ણયોઃ પાર્શ્વ-વર્તિની નવ-યૌવના ।
ગુરુ-દત્તસ્ય નામ્નો ઽસ્યા માતા વર્ગાદ્ય-મઞ્જરી ।
પિતા વર્ગ-તૃતીયાખ્યો વર્ગાન્તાહ્વયકઃ પતિઃ

નિવાસો યાવટે તસ્યા દક્ષિણા મૃદ્વિકા હિ સા ।
શ્રી-રાધા-વસ્ત્ર-સેવાઢ્યા નાનાલઙ્કાર-ભૂષિતા

અસ્યૈવ સિદ્ધ-દેહસ્ય સાધનાનિ યથા-ક્રમમ્ ।
એકાદશ-પ્રસિદ્ધાનિ લક્ષ્યન્તે ઽતિમનોહરમ્

નામ રૂપં વયો વેશઃ સમ્બન્ધો યૂથ એવ ચ ।
આજ્ઞા સેવા પરાકાષ્ઠા પાલ્ય-દાસી નિવાસકઃ

એતેષાં વિશેષ-લક્ષણાન્ય્ ઉચ્યન્તે--
શ્રી-રૂપ-મઞ્જરીત્યાદિ-નામાખ્યાનાનુરૂપતઃ ।
ચિન્તનીયં યથા-યોગ્યં સ્વનામ વ્રજ-સુભ્રુવામ્

રૂપં યૂથેશ્વરી-રૂપં ભાવનીયં પ્રયત્નતઃ ।
ત્રૈલોક્ય-મોહનં કામોદ્-દીપનં ગોપિકા-પતેઃ

વયો નાના-વિધં તત્ર યત્ તુ ત્રિદશ-વત્સરમ્ ।
માધુર્યાદ્ભુત-કૈશોરં વિખ્યાતં વ્રજ-સુભ્રુવામ્

વેશો નીલ-પટાદ્યૈશ્ ચ વિચિત્રાલઙ્કૃતૈસ્ તથા ।
સ્વસ્ય દેહાનુરૂપેણ સ્વભાવ-રસ-સુન્દરઃ

સેવ્ય-સેવક-સમ્બન્ધઃ સ્વમનોવૃત્તિ-ભેદતઃ ।
પ્રાણાત્યયે ઽપિ સમ્બન્ધં ન કદા પરિવર્તયેત્

યથા યૂથેશ્વરી-યૂથઃ સદા તિષ્ઠતિ તદ્-વશે ।
તથૈવ સર્વથા તિષ્ઠે-દ્ભૂત્વા તદ્-વશ-વર્તિની

યૂથેશ્વર્યાઃ શિરસ્ય્ આજ્ઞા-માદાય હરિ-રાધયોઃ ।
યથોચિતાં ચ શુશ્રૂષાં કુર્યાદ્ આનન્દ-સંયુતા