ગૌરગઓવિન્દાર્ચનસ્મરણપદ્ધતિ · શ્લોક 41-60

પાર્શ્વાધઃ-પદ્મ-પટિ-ઘટિત-હરિ-મણિ-સ્તમ્ભ-વૈદૂર્ય-પૃષ્ઠં
ચિત્ર-છાદાવલમ્બિ-પ્રવર-મણિ-મહા-મૌક્તિકં કાન્તિ-જાલમ્ ।
તૂલાન્તશ્ ચીન-ચેલાસનમ્-ઉડુપ-મૃદુ-પ્રાન્ત-પૃષ્ઠોપધાનં
સ્વર્ણાન્તશ્ ચિત્ર-મન્ત્રં વસુ-હરિ-ચરણ-ધ્યાન-ગમ્યાષ્ટ-કોશમ્

તન્-મધ્યે શ્રી-ગૌર-ચન્દ્રં વામે શ્રીલ-ગદાધરમ્ ।
તદ્-દક્ષિણે ઽવધૂતેન્દ્રં શ્રીલાદ્વૈતં તતઃ સ્મરેત્

તદ્-દક્ષિણે શ્રીનિવાસં સ્મરેત્ શ્રી-પણ્ડિતોત્તમમ્ ।
સ્મરેત્ શ્રી-ભક્ત-વૃન્દં ચ ચતુર્-દિક્ષુ સુવેષ્ટિતમ્

શ્રીમદ્-ગૌર-ભક્ત-વૃન્દે સ્વીય-સ્વીય-ગણાન્વિતે ।
રૂપ-સ્વરૂપ-પ્રમુખે સ્વ-ગણ-સ્થાન્ ગુરૂન્ સ્મરેત્

તત્રાદૌ શ્રી-ગુરુ-સ્મરણં યથા સનત્-કુમાર-સંહિતાયામ્--
શશાઙ્કાયુત-સંકાશં વરાભય-લસત્-કરં ।
શુક્લામ્બર-ધરં દિવ્ય-શુક્લ-માલ્યાનુલેપનમ્

પ્રસન્ન-વદનં શાન્તં ભજનાનન્દ-નિર્વૃતમ્ ।
દિવ્ય-રૂપ-ધરં ધ્યાયેદ્ વરદં કમલેક્ષણમ્

રૂપ-પૂર્વ-ગુરુ-ગણાન્-ઉગતં સેવનોત્સુકમ્ ।
એવં રૂપં ગુરું ધ્યાયેન્ મનસા સાધકઃ શુચિઃ

તત્-સમીપે સેવોત્સુકમ્ આત્માનં ભાવયેદ્ યથા--
દિવ્ય-શ્રી-હરિ-મન્દિરાઢ્ય-તિલકં કણ્ઠં સુમાલાન્વિતં
વક્ષઃ શ્રી-હરિ-નામ-વર્ણ-સુભગં શ્રીખણ્ડ-લિપ્તં પુનઃ ।
શુદ્ધં શુભ્ર-નવામ્બરં વિમલતાં નિત્યં વહન્તીં તનું
ધ્યાયેચ્-છ્રી-ગુરુ-પાદ-પદ્મ-નિકટે સેવોત્સુકાં ચાત્મનઃ

શ્રીમન્-મૌક્તિક-દામ-બદ્ધ-ચિકુરં સુસ્મેર-ચન્દ્રાનનં
શ્રીખણ્ડાગુરુ-ચારુ-ચિત્ર-વસનં સ્રગ્-દિવ્ય-ભૂષાઞ્ચિતમ્ ।
નૃત્યાવેશ-રસાનુમોદ-મધુરં કન્દર્પ-વેશોજ્જ્વલં
ચૈતન્યં કનક-દ્યુતિં નિજ-જનૈઃ સંસેવ્ય્માનં ભજે

કઞ્જારેન્દ્ર-વિનિન્દિ-સુન્દર-ગતિં શ્રી-પાદમ્ ઇન્દીવર*
શ્રેણી-શ્યામ-સદ્-અમ્બરં તનુ-રુચા સાન્ધ્યેન્દુ-સંમર્દકમ્ ।
પ્રેમોદ્ઘૂર્ણ-સુકઞ્જ-ખઞ્જન-મદા-જિન્-નેત્ર-હાસ્યાનનં
નિત્યાનન્દમ્ અહં સ્મરામિ સતતં ભૂષોજ્જ્વલાઙ્ગ-શ્રિયમ્

સદ્-ભક્તાલિ-નિષેવિતાઙ્ઘ્રિ-કમલં કુન્દેન્દુ-શુક્લામ્બરં
શુદ્ધ-સ્વર્ણ-રુચિં સુબાહુ-યુગલં સ્મેરાનનં સુન્દરમ્ ।
શ્રી-ચૈતન્ય-દૃશં વરાભય-કરં પ્રેમાઙ્ગ-ભૂષાઞ્ચિત*
મદ્વૈતં સતતં સ્મરામિ પરમાનન્દૈક-કન્દં પ્રભુમ્

કારુણ્યૈક-મરન્દ-પદ્મ-ચરણં ચૈતન્ય-ચન્દ્ર-દ્યુતિં
તામ્બૂલાર્પણ-ભઙ્ગિ-દક્ષિણ-કરં શ્વેતામ્બરં સદ્-વરમ્ ।
પ્રેમાનન્દ-તનું સુધા-સ્મિત-મુખં શ્રી-ગૌર-ચન્દ્રેક્ષણં
ધ્યાયેચ્ છ્રીલ-ગદાધરં દ્વિજ-વરં માધુર્ય-ભૂષોજ્જ્વલમ્

શ્રિ-ચૈતન્ય-પદારવિન્દ-મધુ-પાઃ સત્-પ્રેમ-ભૂષોજ્જ્વલાઃ
શુદ્ધ-સ્વર્ણ-રુચો દૃગ્-અમ્બુ-પુલક-સ્વેદૈઃ સદ્-અઙ્ગ-શ્રિયઃ ।
સેવોપાયન-પાણયઃ સ્મિત-મુખાઃ શુક્લામ્બરાઃ સદ્-વરાઃ
શ્રીવાસાદિ-મહાશયાન્ સુખ-મયાન્ ધ્યાયેમ તાન્ પાર્ષદાન્

ઇતિ સ્મરણાનન્તરં શ્રી-ગુરોર્ આજ્ઞયા શ્રીમન્-મહાપ્રભું ષોડશોપચારાદિભિઃ તન્-મૂલ-મન્ત્રેણૈવ પૂજયેત્ ।
શ્રીમન્-મહાપ્રભુ-મન્ત્રોદ્ધારો યથા ઊર્દ્ધ્વામ્નાયે શ્રી-વ્યાસં પ્રતિ શ્રી-નારદ-વાક્યમ્ (3.14-16)
અહો ગૂઢતમઃ પ્રશ્નો ભવતા પરિકીર્તિતઃ ।
મન્ત્રં વક્ષ્યામિ તે બ્રહ્મન્ મહા-પુણ્ય-પ્રદં શુભમ્

ક્લીં ગૌરાય નમ ઇતિ સર્વ-લોકેષુ પૂજિતઃ ।
માયા-રમાનઙ્ગ-બીજૈઃ વાગ્-બીજેન ચ પૂજિતઃ ।
ષડક્ષરઃ કીર્તિતો ઽયં મન્ત્ર-રાજઃ સુર-દ્રુમઃ

મન્ત્રો યથા--ક્લિં ગૌરાય નમઃ; હ્રીં, શ્રીં, ક્લીં, ઐં ગૌરાય નમઃ ।
એતત્ પાદ્યમ્, એતદ્ અર્ઘ્યમ્, એતદ્ આચમનીયમ્, એષ ગન્ધઃ, એતત્ પુષ્પમ્, એષ ધૂપઃ, એષ દીપઃ, એતન્ નૈવેદ્યમ્, એતત્ પાનીય-જલમ્, ઇદમ્ આચમનીયમ્, એતત્ તામ્બૂલમ્, એતદ્ ગન્ધ-માલ્યમ્, એષ પુષ્પાઞ્જલિર્ ઇત્યાદિ ।
એવં શ્રી-નિત્યાનન્દ-પ્રભું પૂજયેત્, શ્રીમન્-નિત્યાનન્દ-પ્રભોર્ મન્ત્રોદ્ધારો યથા (બ્રહ્માણ્ડ-પુરાણે ધરણી-શેષ-સમ્વાદે)--
ઇતિ નામાષ્ટ-શતકં મન્ત્રં નિવેદિતં શૃણુ ।
મયા ત્વયિ પુરા પ્રોક્તં કામ-બીજેતિ સંજ્ઞકમ્

વહ્નિ-બીજેન પૂતાન્તે ચાદૌ દેવ નમસ્ તથા ।
જાહ્નવી-પદં તત્રૈવ વલ્લભાય તતઃ પરમ્ ।
ઇતિ મન્ત્રો દ્વાદશાર્ણઃ સર્વત્રૈવ મનોહરઃ

મન્ત્રો યથા--ક્લિં દેવ-જાહ્નવી-વલ્લભાય સ્વાહા ।
ઇતિ મન્ત્રેણૈવ પૂજયેત્ ।
એવં શ્રી-અદ્વૈત-પ્રભું પૂજયેત્ ।
અથ શ્રી-અદ્વૈત-પ્રભોર્ મન્ત્રોદ્ધારો યથા પાદ્મે--
અહો ગૂઢતમઃ પ્રશ્નો નારદ મુનિ-સત્તમ ।
ન પ્રકાશ્યસ્ ત્વયા હ્ય્ એતદ્ ગુહ્યાદ્ ગુહ્યતરં મહત્

કામ-બીજ-સમાયુક્તા અદ્વૈત-વહ્નિ-નાયિકા ।
ઙે ઽન્તા વૈ ઋષિ-વર્ણો ઽયં મન્ત્રઃ સર્વાતિદુર્લભઃ

મન્ત્રો યથા--ક્લીં અદ્વૈતાય સ્વાહા ।
તદ્-અનન્તરં શ્રીમન્-મહાપ્રભોઃ શેષ-નિર્માલ્યેન શ્રી-ગદાધર-પણ્ડિતં પૂજયેત્ તન્-મન્ત્રેણૈવ, શ્રી-ગદાધર-પણ્ડિત-મન્ત્રો યથા--શ્રીં ગદાધરાય સ્વાહા ।
અથ તથૈવ શ્રી-શ્રીવાસાદિ-ભક્તાન્ ગુરુ-વર્ગાદીન્ મહાપ્રભુ-નિર્માલ્ય-પ્રસાદેન પૂજયેત્, સ્વ-સ્વ-નામ-ચતુર્થ્યન્તેન શ્રી-ગુરુ-દેવં તુ તન્-મૂલ-મન્ત્રેણૈવ પૂજયેત્ ।
શ્રી-ગુરુ-મન્ત્રોદ્ધરો યથા બૃહદ્-બ્રહ્માણ્ડ-પુરાણે સૂત-શૌનક-સમ્વાદે--
શ્રીં ગુમ્ ઇત્ય્ એવ ભગવદ્-ગુરવે વહ્નિ-વલ્લભા ।
દશાર્ણ-મન્ત્ર-રાજશ્ ચ સર્વ-કાર્યેષુ રક્ષિતા