ગૌરગઓવિન્દાર્ચનસ્મરણપદ્ધતિ · શ્લોક 21-40

નિત્યાનન્દમ્ અહં વન્દે કર્ણે લમ્બિત-મૌક્તિકમ્ ।
ચૈતન્યાગ્રજ-રૂપેણ પવિત્રી-કૃત-ભૂતલમ્

નિસ્તારિતાશેષ-જનં દયાલું
પ્રેમામૃતાબ્ધૌ પરિમગ્ન-ચિત્તમ્ ।
ચૈતન્ય-ચન્દ્રાદૃતમ્ અર્ચિતં તમ્
અદ્વૈત-ચન્દ્રં શિરસા નમામિ

ગદાધર નમસ્ તુભ્યં યસ્ય ગૌરાઙ્ગો જીવનમ્ ।
નમસ્ તે શ્રી-શ્રીનિવાસ-પણ્ડિત પ્રેમ-વિગ્રહ

એવં ક્રમેણ ગૌર-ભક્ત-ગણાન્ દણ્ડવત્ પ્રણમેત્ ।
શ્રી-નવદ્વીપ-ધામ્ને નમઃ ।
શ્રી-ગઙ્ગાયૈ નમઃ ।
શ્રી-સઙ્કીર્તનાય નમઃ ।
શ્રી-ગૌડ-મણ્ડલાય નમઃ ।
કન્દર્પ-કોટિ-રમ્યાય સ્ફુરદ્-ઇન્દીવર-ત્વિષે ।
જગન્-મોહન-લીલાય નમો ગોપેન્દ્ર-સૂનવે

તપ્ત-કાઞ્ચન-ગૌરાઙ્ગિ રાધે વૃન્દાવનેશ્વરિ ।
વૃષભાનુ-સુતે દેવિ પ્રણમામિ હરિ-પ્રિયે

શ્રી-રાધિકા-પ્રાણ-સમાં કનીયસીં
વિશાખિકા-શિક્ષિત-સૌખ્ય-સૌષ્ઠવામ્ ।
લીલામૃતેનોચ્છલિતાઙ્ગ-માધુરીમ્
અનઙ્ગ-પુર્વાં પ્રણમામિ મઞ્જરીમ્

લલિતાદિ-પરમ-પ્રેષ્ઠ-સખી-વૃન્દેભ્યો નમઃ ।
કુસુમિકાદિ-સખી-વૃન્દેભ્યો નમઃ ।
કસ્તૂર્યાદિ-નિત્ય-સખી-વૃન્દેભ્યો નમઃ ।
શશિમુખ્યાદિ-પ્રાણ-સખી-વૃન્દેભ્યો નમઃ ।
કુરઙ્ગાક્ષ્યાદિ-પ્રિય-સખી-વૃન્દેભ્યો નમઃ ।
શ્રી-રૂપાદિ-મઞ્જરીભ્યો નમઃ ।
શ્રીદામાદિ-સખિ-વૃન્દેભ્યો નમઃ ।
સર્વ-ગોપ-ગોપીભ્યો નમઃ ।
વ્રજ-વાસિભ્યો નમઃ ।
શ્રી-વૃન્દા-વિપિનેભ્યો નમઃ ।
શ્રી-રાસ-મણ્ડલાય નમઃ ।
શ્રી-યમુનાયૈ નમઃ ।
શ્રી-રાધા-કુણ્ડ-શ્યામ-કુણ્ડાભ્યાં નમઃ ।
શ્રી-ગોવર્ધનાય નમઃ ।
શ્રી-દ્વાદશ-વિપિનેભ્યો નમઃ ।
શ્રી-વ્રજ-મણ્ડલાય નમઃ ।
શ્રી-મથુરા-મણ્ડલાય નમઃ ।
સર્વાવતારેભ્યો નમઃ ।
અનન્ત-કોટિ-વૈષ્ણવેભ્યો નમઃ ।
વાઞ્છા-કલ્પ-તરુભ્યશ્ ચ કૃપા-સિન્ધુભ્ય એવ ચ ।
પતિતાનાં પાવનેભ્યો વૈષ્ણવેભ્યો નમો નમઃ

અથ સ્નાનમ્ આચરેત્ યથા--નદ્ય્ આદૌ પ્રવાહાભિમુખે તડાગાદિષુ પૂર્વાભિમુખી તીર્થાનિ આહ્વયેદ્ યથા--
ગઙ્ગે ચ યમુને ચૈવ ગોદાવરિ સરસ્વતિ ।
નર્મદે સિન્ધો કાવેરિ જલે ઽસ્મિન્ સન્નિધિં કુરુ

મહા-પાપ-ભઙ્ગે દયાલો નુ ગઙ્ગે
મહેશોત્તમાઙ્ગે લસચ્ ચિત્ત-રઙ્ગે ।
દ્રવ-બ્રહ્મ-ધામાચ્યુતાઙ્ઘ્ર્યબ્જજે મા
પુનીહીન-કન્યે પ્રવાહોર્મિ-ધન્યે

વિષ્ણોર્ નાભ્ય્-અમ્બુ-મધ્યાદ્ વર-કમલમ્ અભૂત્ તસ્ય નાલી-સુમેરોર્
મધ્યે નિઃસ્યન્દમાના ત્વમ્ અસિ ભગવતિ બ્રહ્મ-લોકાત્ પ્રસૂતા ।
ખાદ્-ભ્રષ્ટા રુદ્ર-મૂર્ધ્નિ પ્રણિપતિત-જલા ગાં ગતાસીતિ ગઙ્ગા
કસ્ ત્વાં યો નાભિવન્દેન્ મધુ-મથન-હર-બ્રહ્મ-સમ્પર્ક-પૂતામ્

ગઙ્ગા ગઙ્ગેતિ યો બ્રૂયાત્ યોજનાનાં શતૈર્ અપિ ।
મુચ્યતે સર્વ-પાપેભ્યો વિષ્ણુ-લોકં સ ગચ્છતિ

ચિદાનન્દ-ભાનોઃ સદા નન્દ-સૂનોઃ
પર-પ્રેમ-પાત્રી દ્રવ-બ્રહ્મ-ગાત્રી ।
અઘાનાં લવિત્રી જગત્-ક્ષેમ-ધાત્રી
પવિત્રી-ક્રિયાન્ નો વપુર્ મિત્ર-પુત્રી

રાધિકા-સમ-સૌભાગ્ય સર્વ-તીર્થ-પ્રવન્દિત ।
પ્રસીદ રાધિકા-કુણ્ડ સ્નામિ તે સલિલે શુભે

તતઃ શુક્લ-વસ્ત્રે પરિધાય શ્રી-હરિ-મન્દિર-ધારણં કૃત્વા શ્રી-હરિ-નામાક્ષરમ્ અઙ્કયેદ્ ગાત્રે--
લલાટે કેશવં ધ્યાયેન્ નારાયણમ્ અથોદરે ।
વક્ષઃ-સ્થલે માધવં તુ ગોવિન્દં કણ્ઠ-કૂપકે

વિષ્ણું ચ દક્ષિણે કુક્ષૌ બાહૌ ચ મધુસૂદનમ્ ।
ત્રિવિક્રમં કન્ધરે તુ વામનં વામ-પાર્શ્વકે

શ્રીધરં વામ-બાહૌ તુ હૃષીકેશં ચ કન્ધરે ।
પૃષ્ઠે તુ પદ્મ-નાભં ચ કટ્યાં દામોદરં ન્યસેત્ ।
તત્ પ્રક્ષાલન-તોયં તુ વાસુદેવેતિ મૂર્ધનિ

પૂર્વવત્ સ્થિરાસને સ્થિર-ચિત્તઃ તત્રાદૌ શ્રી-નવદ્વીપ-મધ્યે શ્રી-રત્ન-મન્દિરે રત્ન-સિંહાસનોપરિ ભક્ત-વૃન્દ-પરિસેવિતં શ્રી-શ્રી-કૃષ્ણ-ચૈતન્ય-દેવં ગુર્વાદિ-ક્રમેણ ધ્યાત્વા પૂજયેત્ ।
તત્રાદૌ શ્રી-જગન્નાથ-મિશ્રસ્ય મન્દિરં ધ્યાયેત્ ।
યથા ચૈતન્યાર્ચન-ચન્દ્રિકાયામ્--
શ્રી-જગન્નાથ-મિશ્રસ્ય મન્દિરાઙ્ગનમ્ ઉત્તમૈઃ ।
નાના-રત્ન-મણિ-યુક્તૈર્ વિચિત્ર-મન્દિર-પુરમ્

તન્-મધ્યે રવિ-કાન્તિ-નિન્દિ-કનક-પ્રાકાર-સતોરશં
શ્રી-નારાયણ-ગેહમ્ અગ્ર-વિલસત્ સંકીર્તન-પ્રાઙ્ગણમ્ ।
લક્ષ્મ્ય્-અન્તઃપુર-પાક-ભોગ-શયન-શ્રી-ચન્દ્રશાલં પુરં
યદ્-ગૌરાઙ્ગ-હરેર્ વિભાતિ સુખદં સ્વાનન્દ-સંવૃહિતમ્

તન્-મધ્યે નવ-ચૂડ-રત્ન-કલસં વ્રજેન્દ્ર-રત્નાન્તરા*
મુક્તા-દામ-વિચિત્ર-હેમ-પટલં સદ્-ભક્તિ-રત્નાચિતમ્ ।
વેદ-દ્વાર-સદ્-અષ્ટ-મૃષ્ટ-મણિ-રુટ્-શોભા-કવાટાન્વિતં
સચ્-ચન્દ્રાતપ-પદ્મ-રાગ-વિધુ-રત્નાલમ્બિયન્-મન્દિરમ્

તન્-મધ્યે મણિ-ચિત્ર-હેમ-રચિતે મન્ત્રાર્ણ-યન્ત્રાન્વિતે
ષટ્-કોણાન્તર-કર્ણિકાર-શિખર-શ્રી-કેશરૈઃ સન્નિભે ।
કૂર્માકાર-મહિષ્ઠ-યોગ-મહસિ શ્રી-યોગ-પીઠામ્બુજે
રાકેશાવલિ-સૂર્ય-લક્ષ-વિમલે યદ્-ભાતિ સિંહાસનમ્