ગૌરગઓવિન્દાર્ચનસ્મરણપદ્ધતિ · શ્લોક 141-160

શુક્રાર્ણમ્ અમૃતાર્ણેન
મુખ-વૃત્તેન સંયુતમ્ ।
ગગનં મુખ-વૃત્તેન
પ્રોક્તા શક્તિઃ પરાત્પરા

દશાક્ષરો મન્ત્રો, યથા --ક્લીં ગોપીજન-વલ્લભાય સ્વાહા ।
અષ્ટાદશાક્ષરો મન્ત્રો, યથા --ક્લીં કૃષ્ણાય ગોવિન્દાય ગોપીજન-વલ્લભાય સ્વાહા ।
ફુલ્લેન્દીવર-કાન્તિમ્ ઇન્દુ-વદનં બર્હાવતંસ-પ્રિયં
શ્રીવત્સાઙ્કમ્ ઉદાર-કૌસ્તુભ-ધરં પીતામ્બરં સુન્દરમ્ ।
ગોપીનાં નયનોત્પલાર્ચિત-તનું ગો-ગોપ-સઙ્ઘાવૃતં
ગોવિન્દં કલ-વેણુ-વાદન-પરં દિવ્યાઙ્ગ-ભૂષં ભજે

અથ કામ-ગાયત્રી-મન્ત્રોદ્ધારો યથા સ્વાયમ્ભુવાગમે--
ક્લીં તતઃ કામ-દેવાય વિદ્મહે ચ પદં તતઃ ।
તતશ્ ચ પુષ્પ-બાણાય ધીમહીતિ પદં તતઃ

તતસ્ તન્ નો ઽનઙ્ગ ઇતિ તતશ્ ચૈવ પ્રચોદયાત્ ।
એષા વૈ કામ-ગાયત્રી ચતુર્વિંશાક્ષરી માતા

કામ-ગાયત્રી, યથા -ક્લીં કામદેવાય વિદ્મહે પુષ્પ-બાણાય ધીમહિ તન્ નો ઽનઙ્ગઃ પ્રચોદયાત્ ।
ક્રીડાસક્તો મદન-વશ-ગો રાધયાલિઙ્ગિતાઙ્ગઃ
સ-ભ્રૂ-ભઙ્ગઃ સ્મિત-સુવદનો મુગ્ધ-નેપથ્ય-શોભઃ ।
વૃન્દારણ્યે પ્રતિ-નવ-લતા-સદ્મસુ પ્રેમ-પૂર્ણઃ
પૂર્ણાનન્દો જયતિ મુરલીં વાદયાનો મુકુન્દઃ

યથા બૃહદ્-ગૌતમીય-તન્ત્રે--
દેવી કૃષ્ણ-મયિ પ્રોક્તા રાધિકા પર-દેવતા ।
સર્વ-લક્ષ્મી-મયી સર્વ-કાન્તિઃ સમ્મોહિની પરા

ઋક્-પરિશિષ્ટે ચ--
રાધયા માધવો દેવો
માધવેનૈવ રાધિકા
વિભ્રાજન્તે જનેષ્વ્ આ

માત્સ્યે ચ--
વારાણસ્યાં વિશાલાક્ષી વિમલા પુરુષોત્તમે ।
રુક્મિણી દ્વારવત્યાં તુ રાધા વૃન્દાવને વને

પાદ્મે ચ (ઉન્ 4.5)--
યથા રાધા પ્રિયા વિષ્ણોસ્ તસ્યાઃ કુણ્ડં પ્રિયં તથા ।
સર્વ-ગોપીષુ સૈવૈકા વિષ્ણોર્ અત્યન્ત-વલ્લભા

(ઉન્ 4.3-4, 6-7)--
મહા-ભાવ-સ્વરૂપેયં ગુણૈર્ અતિવરીયસી ।
ગોપાલોત્તર-તાપન્યાં યદ્ ગાન્ધર્વેતિ વિશ્રુતા

હ્લાદિની યા મહા-શક્તિઃ સર્વ-શક્તિ-વરીયસી ।
તત્-સાર-ભાવ-રૂપેયમ્ ઇતિ તન્ત્રે પ્રતિષ્ઠિતા

સુષ્ઠુ-કાન્ત-સ્વરૂપેયં સર્વદા વાર્ષભાનવી ।
ધૃત-ષોડશ-શૃઙ્ગારા દ્વાદશાભરણાન્વિતા

તત્ર સુષ્ઠુ-કાન્ત-સ્વરૂપા, યથા શ્રી-કૃષ્ણ-વાક્યમ્ (ઉન્ 4.8)--
કચાસ્ તવ સુકુઞ્ચિતા મુખમ્ અધીર-દીર્ઘેક્ષણં
કઠોર-કુચ-ભાગ્-ઉરઃ ક્રશિમ-શાલિ મધ્ય-સ્થલમ્ ।
નતે શિરસિ દોર્લતે કરજ-રત્ન-રમ્યૌ કરૌ
વિધૂનયતિ રાધિકે ત્રિ-જગદ્ એષ રુપોત્સવઃ

ધૃત-ષોડશ-શૃઙ્ગારા યથા (ઉન્ 4.9)--
સ્નાતા નાસાગ્ર-જાગ્રન્-મણિ-રસિત-પટા સૂત્રિણી બદ્ધ-વેણી
સોત્તંસા ચર્ચિતાઙ્ગી કુસુમિત-ચિકુર સ્રગ્વિણી પદ્મ-હસ્તા ।
તામ્બૂલાસ્યોરુ-બિન્દુ-સ્તવકિત-ચિબુકા કજ્જલાક્ષી સુચિત્રા
રાધાલક્તોજ્જ્વલાઙ્ઘ્રિઃ સ્ફુરિતિ તિલકિની ષોડશા-કલ્પિનીયમ્

દ્વાદશાભરણાશ્રિતા યથા (ઉન્ 4.10)--
દિવ્યશ્ ચૂડામણીન્દ્રઃ પુરટ-વિરચિતાઃ કુણ્ડલ-દ્વન્દ્વ-કાઞ્ચિ*
નિષ્કાશ્ ચક્રી-શલાકા-યુગ-વલય-ઘટાઃ કણ્ઠ-ભૂષોર્મિકાશ્ ચ ।
હારાસ્ તારાનુકાર ભુજ-કટક-તુલાકોટયો રત્ન-ક્ પ્તા*
સ્તુઙ્ગા પાદાઙ્ગુરીય-ચ્છવિર્ ઇતિ રવિભિર્ ભૂષણૈર્ ભાતિ રાધા

મધ્યે વયસિ કૈશોર એવ તસ્યાઃ સ્થિતિઃ ।
પૂર્વવદ્ દિવસ-ગણનયા વિંશતિ-દિનોત્તર-પઞ્ચ-માસાધિક-નવ-વર્ષ-પરિમિતં મધ્ય-કૈશોરં વયઃ (9-5-20); રાજ-કુમારીત્વાદ્ ભોગાતિશયેન સમૃદ્ધ્યા વર્ષ-માસ-દિનાનાં સાર્ધતયા પઞ્ચ-દશ-દિનોત્તર-માસ-દ્વયાધિક-ચતુર્દશ-વર્ષ પરિમિતં વયો ઽસ્યાઃ જ્ઞેયમ્ (14-2-15) ।
અસ્યા મદીયતા-ભાવો મધુ-સ્નેહસ્ તથૈવ ચ ।
મઞ્જિષ્ઠાખ્યો ભવેદ્ રાગઃ સમર્થા કેવલા રતિઃ

કન્દર્પ-કૌતુકં કુઞ્જં ગૃહમ્ અસ્યાસ્ તુ યાવટે ।
માતાસ્યાઃ કીર્તિદા પ્રોક્તા વૃષભાનુઃ પિતા સ્મૃતઃ

અભિમન્યુઃ પતિસ્ તસ્યા દુર્મુખો દેવરઃ સ્મૃતઃ ।
જટિલાખ્યા સ્મૃતા શ્વશ્રૂર્ નનન્દા કુટિલા મતા

યથા સ્યુર્ નાયકાવસ્થા નિખિલા એવ માધવે ।
તથૈવ નાયિકાવસ્થા રાધાયાં પ્રાયશો મતાઃ

(ઉન્ 4.50-54)--
તસ્યા વૃન્દાવનેશ્વર્યાઃ સખ્યઃ પઞ્ચ-વિધા મતાઃ ।
સખ્યશ્ ચ નિત્ય-સખ્યશ્ ચ પ્રાણ-સખ્યશ્ ચ કાશ્ચન ।
પ્રિય-સખ્યશ્ ચ પરમ-પ્રેષ્ઠ-સખ્યશ્ ચ વિશ્રુતાઃ