ગરુડ પુરાણ · અધ્યાય 3.9

ઇતિ શ્રીગા- મ- ઉ- તૃ- ધ- વિષ્ણુસ્તુતિર્દેવતારમ્યાદિ- અષ્ટમો ઽધ્યાયઃ
શ્રીગરુડમહાપુરાણમ્- 9
શ્રીગરુડ ઉવાચ ।
અજાનજસ્વરૂપં ચ બ્રૂહિ કૃષ્ણ મહામતે ।
તદન્યાંશ્ચ ક્રમેણેવ વક્તું કૃષ્ણ ત્વમર્હસિ

શ્રીકૃષ્ણ ઉવાચ ।
અજાનાખ્યા દેવતાસ્તુ તત્તદ્દેવકુલે ભવાઃ ।
અજાનદેવતાસ્તા હિ તેભ્યોગ્યાઃ કર્મદેવતાઃ

વિરાધશ્ચારુદેષ્ણશ્ચ તથા ચિત્રરથસ્તથા ।
ધૃતરાષ્ટ્રઃ કિશોરશ્ચ હૂહૂર્હાહાસ્તથૈવ ચ

વિદ્યાધરશ્ચોગ્રસેનો વિશ્વાવસુપરાવસૂ ।
ચિત્રસેનશ્ચ ગોપાલો બલઃ પઞ્ચદશ સ્મૃતાઃ

એવમાદ્યશ્ચ ગન્ધર્વાઃ શતસંખ્યાઃ ખગેશ્વર ।
અજાનજસમા જ્ઞેયા મુક્તૌ સંસાર એવ ચ

અજ્ઞાનજાસ્તુ મે દેવાઃ કર્મજેભ્યઃ શતાવરાઃ ।
ઘૃતાચી મેનકા રંભા ઉર્વશી ચ તિલોત્તમા

સુકેતુઃ શબરી ચૈવ મઞ્જુઘોષા ચ પિઙ્ગલા ।
ઇત્યાદિકં યક્ષરત્નં સહ સંપરિકીર્તિતમ્

અજાનજસમા હ્યેતે કર્મજેભ્યઃ શતાવરાઃ ।
વિશ્વામિત્રો વસિષ્ઠશ્ચ નારદશ્ચ્યવનસ્તથા

ઉતથ્યશ્ચ મુનિશ્ચૈતાન્દ્રાજપિત્વા ખગેશ્વર ।
ઋષયશ્ચ મહાત્માનો હ્યજાનજસમાઃ સ્મૃતાઃ

શતર્ચિઃ કશ્યપો જ્ઞેયો મધ્યમશ્ચ પરાશરઃ ।
પાવમાન્યઃ પ્રગાથશ્ચ ક્ષુદ્રસૂક્તશ્ચ દેવલઃ

ગૃત્સમદો હ્યાસુરિશ્ચ ભરદ્વાજોથ મુદ્ગલઃ ।
ઉદ્દાલકો હ્યૃ શૃઙ્ગઃ શઙ્ખઃ સત્યવ્રતસ્તથા

સુયજ્ઞશ્ચૈવ બાભ્રવ્યો માણ્ડૂકશ્ચૈવ બાષ્કલઃ ।
ધર્માચાર્યસ્તથાગસ્ત્યો દાલ્ભ્યો દાર્ઢ્યચ્યુતસ્તથા

કવષો હરિતઃ કણ્વો વિરૂપો મુસલસ્તથા ।
વિષ્ણુવૃદ્ધશ્ચ આત્રેયઃ શ્રીવત્સો વત્સલેત્યપિ

ભાર્ગવશ્ચાપ્નવાનશ્ચ માણ્ડૂકેયસ્તથૈવ ।
મણ્ડ્કશ્ચૈવ જાબચલિઃ વીતિહવ્યસ્તથૈવ ચ

ગૃત્સમદઃ શૌનકશ્ચ ઇત્યાદ્યા ઋષયઃ સ્મૃતાઃ ।
એતેષાં શ્રવણાદેવ હરિઃ પ્રીણાતિ સર્વદા

બ્રુવે દ્વ્યષ્ટસહસ્રં ચ શૃણુ તાર્ક્ષ્ય મમ સ્ત્રિયઃ ।
અગ્નિપુત્રાસ્તુ યદ્દ્વ્યષ્ટસહસ્રઞ્ચ મમ સ્ત્રિયઃ ।
અજાનજસમા હ્યેતા (તે) નાત્ર કાર્યા વિચારણા

ત્વષ્ટુઃ પુત્રી કશેરૂશ્ચ તાસાં મધ્યે ગુણાધિકા ।
તદનન્તરજાન્વક્ષ્યે શૃણુ સમ્યક્ ખગેશ્વર

આજાનેભ્યસ્તુ પિતરઃ સપ્તભ્યોન્યે શતાવરાઃ ।
તથાધિકા હિ પિતર ઇતિ વેદવિદાં મતમ્

તદનન્તરાજાન્વક્ષ્યે શૃણુ ત્વં દ્વિજસત્તમ ।
અષ્ટાભ્યો દેવગન્ધર્વા અષ્ટોત્તરશતં વિના

તેભ્યઃ શતગુણાનન્દા દેવપ્રેષ્યાસ્તુ મુખ્યતઃ ।
સ્વમુકેનેવ દેવૈશ્ચ આજ્ઞાપ્યાઃ સર્વદા ગણાઃ

આખ્યાતા દેવગન્ધર્વાસ્તેભ્યસ્તે ચ શતાવરાઃ ।
તેભ્યસ્તુ ક્ષિતિપા જ્ઞેયા અવરાશ્ચ શતૈર્ગુણૈઃ

તેભ્યઃ શતગુણાજ્ઞેયા માનુષેષૂત્તમા ગણાઃ ।
એવં પ્રાસંગિકાનુક્ત્વા પ્રકૃતં હ્યનુસરામ્યહમ્ ।
એવં બ્રહ્માદયો દેવા લક્ષ્મ્યાદ્યા અપિ સર્વશઃ

સ્તુત્વા તૂષ્ણીં સ્થિતાઃ સર્વે પ્રાઞ્જલીકૃત્ય ભો દ્વિજ

ઇતિ સ્તુતશ્ચ દેવેશો ભગવાન્ હરિરવ્યયઃ ।
તેષામાયતનં દાતું મનસા સમચિન્તયત્

ઇદં પવિત્રમારોગ્યં પુણ્યં પાપપ્રણાશનમ્ ।
હરિપ્રસાદજનકં સ્વરૂપસુખસાધનમ્

ઇદં તુ સ્તવનં વિપ્રા ન પઠન્તીહ માનવાઃ ।
ન શૃણ્વન્તિ ચ યે નિત્યં તે સર્વે ચૈવ માયિનઃ

નસ્મરન્તોન્તરં નિત્યં યે ભુઞ્જન્તિ નરાધમાઃ ।
તૈર્ભુક્તા સતતં વિષ્ઠા સદા ક્રિમિશતૈર્યુતા