ગરુડ પુરાણ · અધ્યાય 3.8

ઇતિ શ્રીગારુડે મહાપુરાણે ઉત્તરખણ્ડે તૃતીયાંશે બ્રહ્મકાણ્ડે કૃષ્ણગરુડસંવાદે દેવાદિસ્તુતિતત્તત્તારતમ્યનિરૂપણં નામ સપ્તમો ઽધ્યાયઃ
શ્રીગરુડમહાપુરાણમ્- 8
ક્રતોરનન્તરં જાતો મિત્રો (શ્રો) નામ ખગેશ્વર ।
નારાયણં જગદ્યોનિં સ્તોતું સમુપચક્રમે

મિત્ર ઉવાચ ।
નતોસ્મ્યજ્ઞસ્ત્વચ્ચરણારવિન્દં ભવચ્છિદં સ્વસ્ત્યયનં ભવચ્છિદે ।
વેદ સ્વયં ભગવાન્વાસુદેવો નાહં નાગ્નિર્ન ત્રિદેવા મુનીન્દ્રાઃ

અથાપરે ભાગવતપ્રધાના યદા ન જાનીયુરથાપરે કુતઃ ।
માં પાહિ નિત્યં પરતોપ્યધીશ વિશ્વામિત્રાન્ન્યૂન એવેતિ નિત્યમ્ ।
અહં પર્જન્યાર્દ્વિગુણ એવ નિત્યમતો મમ સ્તવને નાસ્તિ શક્તિઃ

એવં સ્તુત્વા હરિં મિત્રસ્તૂષ્ણીમાસ તદા ખગ ।
તદનન્તરજા તારા સ્તોતું સમુપચક્રમે

તારોવાચ
અનન્યેન તુ ભાવેન ભક્તિં કુર્વન્તિ યે દૃઢામ્ ।
ત્વત્કૃતે ત્યક્તકર્માણસ્ત્યક્તસ્વજનબાન્ધવાઃ

ત્વદાશ્રયાં કથાં શ્રુત્વા (દૃષ્ટ્વા) શૃણ્વન્તિ કથયન્તિ ચ ।
તથૈતે સાધવો વિષ્ણો સર્વસંગવિવર્જિતાઃ

તન્મધ્યે પતિતાં પાહિ સદા મિત્રસમાં પ્રભો ।
તારાનન્તરજઃ પ્રાહ નિરૃતિશ્ચ ખગેશ્વર

નિરૃતિરુવાચ ।
યોગેન ત્વય્યર્પિતયા ચ ભક્ત્યા સંયાન્તિ લોકાઃ પરમાં ગતિં ચ ।
આસેવયા સર્વગુણાધિકાનાં જ્ઞાનેન વૈરાગ્યયુતેનદવે

ચિત્તસ્ય નિગ્રહેણૈવ વિષ્ણોર્યાન્તિ પરં પદમ્ ।
અતો માં પાહિ દયયા સદા તારાસમં પ્રભો ।
તદનન્તરજા સ્તોતું પ્રાવહી તં પ્રચક્રમે

પ્રવાહ્યુવાચ ।
સુતાઃ પ્રસંગેન ભવન્તિ વીર્યાત્તવ પ્રસાદાત્પરમાઃ સમ્પદશ્ચ ।
યા હ્યુત્તમશ્લોકરસાયનાઃ કથાસ્તત્સેવનાદાસ્ત્વપવર્ગવર્ત્મનિ

ભક્તિર્ભવેત્સર્વદા દેવદેવ સદાપ્યહં નિરૃતેઃ સામ્યમેવ ।
સહર્ભાષ્યકોમિત્રઃ ત્કયીતારઃ પ્રકીર્તિતાઃ

કોણાધિપો નિરૃતિશ્ચ પ્રાવહી પ્રવહપ્રિયા ।
ચત્વાર એતે પર્જન્યાત્ત્રિગુણાઃ પરિકીર્તિતાઃ

તદનન્તરજાન્વક્ષ્યે તાઞ્છૃણુ ત્વં ખગેશ્વર ।
પ્રવાહભાર્યાનન્તરજો વિષ્વક્સેનોથપાર્ષદઃ ।
વાયુપુત્રો મહાભાગઃ હરિં સ્તોતું પ્રચક્રમે

વિષ્વક્સેન ઉવાચ ।
ભગવાન્મોક્ષદઃ કૃષ્ણઃ પૂર્ણાનન્દો સદાયદિ ।
યદિ સ્યાત્પરમા ભક્તિર્હ્ય પરોક્ષત્વસાધના

તથા સ્વગુરુમારભ્ય બ્રહ્માન્તેષુ ચ સાધુષુ ।
તદ્યોગ્યતાનુસારેણ ભક્તિર્નિષ્કપટા યદિ

તુલસ્યાદિષુ જીવેષુ યદિ સ્યાત્પ્રીતિરણ્ડજ ।
સંસ્મૃતિશ્ચ તદા નાશી ભૂયાદેવ ન સંશયઃ

એવં સ્તુત્ત્વા મહાભાગો વિષ્વક્સે નો મહાપ્રભો ।
તૂષ્ણીં બભૂવ ગરુડ પ્રાઞ્જલિર્નમ્રકન્ધરઃ ।
મિત્રાદહં ન્યૂન એવ નાત્ર કાર્યા વિચારણા