ગરુડ પુરાણ · અધ્યાય 3.22

ઇતિ શ્રીગારુડે મહાપુરાણે ઉત્તરખણ્ડે તૃતીયાંશે બ્રહ્મકાણ્ડે ભગવતઃ કાલિન્દ્યા વિવાહે હેતુનિરૂપણં નામૈકવિંશો ઽધ્યાયઃ
શ્રીગરુડમહાપુરાણમ્- 22
શ્રીકૃષ્ણ ઉવાચ ।
યા લક્ષ્મણા પૂર્વસર્ગે ખગેન્દ્ર પુત્રી હ્યભૂદ્વહ્નિવેદસ્ય વેત્તુઃ ।
સુલક્ષણૈઃ સંયુતત્વાદ્યતઃ સા સુલક્ષ્મણેતિ પ્રથિતા ખગેન્દ્ર

યથા લક્ષ્મીર્લક્ષણૈઃ સા સુપૂર્ણા યથા હરિર્લક્ષણૈર્વૈ સુપૂર્ણઃ ।
યથા વાયુર્લક્ષણૈઃ પૂર્ણ એવ યથા ગાયત્રી લક્ષણૈઃ સા સુપૂર્ણા

યથા રુદ્રાદ્યા લક્ષણૈર્વૈ પ્રપૂર્ણા રુદ્રાદિલ્લક્ષ્મણા ચૈવ પૂર્ણા ।
ગુણેનૈવં ધર્મતઃ કિઞ્ચિદેવ તથાનુસંધાનાદ્વ્રિયતે નામ ચાપિ

તસ્મા દાહુર્લક્ષ્મણેત્યેવ સર્વે તલ્લક્ષણં શૃણુ ચાદૌ ખગેન્દ્ર ।
નારાયણે પૂર્ણગુણે રમેશે દ્વાત્રિંશત્સંખ્યાનિ સુલક્ષણાનિ

સંત્યેવ પક્ષીન્દ્ર વદામ્યનુ ક્રમાન્મત્તઃ શ્રુત્વા મોક્ષમાપ્નોતિ નિત્યમ્ ।
યઃ સપ્તપાદઃ ષણ્ણવત્યઙ્ગુલોઙ્ગશ્ચતુર્હસ્તઃ પુરુષસ્તીક્ષ્ણદન્તઃ

ય એતત્સર્વં મિલિતં ચૈકમેવ હરેર્વિષ્ણોર્લક્ષણં ચાહુરાર્યાઃ ।
મુખં સ્ત્રિગ્ધં વર્તુલં પુષ્ટિરૂપં દ્વિતીયં તલ્લક્ષણં ચાહુરાર્યાઃ

હનુર્યસ્યાનુન્નતં ચાસ્તિ વીન્દ્ર તલ્લક્ષણં પ્રાહુરાર્યાસ્તૃતીયમ્ ।
યદ્દન્તા વૈ તીક્ષ્ણસૂક્ષ્માશ્ચ સંતિ તલ્લક્ષણં ચાહુરાર્યાશ્ચતુર્થમ્

યસ્યાધરે રક્તિમા ત્વસ્તિ વીન્દ્ર તલ્લક્ષણં પઞ્ચમં ચાહુરાર્યાઃ ।
યસ્ય હસ્તા અતિરક્તાઃ ખગેન્દ્ર તલ્લક્ષણં પ્રાહુરાર્યાશ્ચ પષ્ઠમ્

યસ્મિન્નખાઃ સંતિ રક્તાઃ સુશોભાસ્તલ્લક્ષણં સપ્તમં ચાહુરાર્યાઃ ।
યસ્મિન્કપોલે રક્તિમા ત્વસ્તિ વીન્દ્ર તલ્લક્ષણં હ્યષ્ટમં પ્રાહુરાર્યા

યસ્મિન્કરે શઙ્ખચક્રાદિરેખા વર્તન્તે તન્નવમં પ્રાહુરાર્યાઃ ।
યસ્યો દરં તન્તુરૂપં સુપુષ્ટં વલિત્રયૈરઙ્કિતં સુંદરં ચ

તલ્લક્ષણં દશમં પ્રાહુરાર્યા એકાદશં નિમ્નનાભિં તદાહુઃ ।
ઊરુદ્વયં યસ્ય ચ માંસલં વૈ તલ્લક્ષણં દ્વાદશં પ્રાહુરાર્યાઃ

કટિર્હિ દીર્ઘા પૃથુલાસ્તિ યસ્ય ત્રયોદશં લક્ષ્મ તદાહુરાર્યાઃ ।
યસ્યાસ્તિ મુષ્કો સુપરિષ્ઠિતો વૈ ચતુર્દશં લક્ષ્મ તદાહુરાર્યાઃ

સમુન્નતં શિશ્રમથો હિ લક્ષ્મ યસ્યાસ્તિ તત્ પઞ્ચદશં વદન્તિ ।
સુતામ્રકં પાદતલં ખગેન્દ્ર તલ્લક્ષણં ષોડશં પ્રાહુરાર્યાઃ

નિમ્નૌ ચ ગુલ્ફૌ સપ્તદશં તદાહુર્ગ્રી વારૂપં પ્રાહુરષ્ટાદશં ચ ।
એકોનવિંશં ત્વક્ષિપદ્મં સુરક્તં પ્રાહુર્બાહું જાનુ વિંશં તથૈવ

વિસ્તીર્ણોરશ્ચૈકવિંશં તદાહુઃ સિંહાસ્કન્ધં દ્વ્યુત્તરં વિંશમાહુઃ ।
ત્રયોવિંશં સૂક્ષ્મમાસ્યં તદાહુશ્ચતુર્વિશં સુપ્રસન્ને ચ દૃષ્ટી

હ્રસ્વં લિઙ્ગં માર્દવં ચાપિ વીન્દ્ર તલ્લક્ષણં પઞ્ચવિંશં વદન્તિ ।
સમૌ ચ પાદૌ કટિજાનુ ચોરૂ ષડ્વિંશમાહુશ્ચ સમે ચ જઙ્ઘે

સમાનહસ્તૌ સમકર્ણૌ મિલિત્વા દ્વાત્રિંશત્કં લક્ષણં પ્રાહુરાર્યાઃ ।
દ્વાત્રિંશત્કં લક્ષણં વૈ મુકુન્દે દ્વાત્રિંશત્કં લક્ષણં વૈ રમાયામ્

દ્વાત્રિંશત્કં લક્ષણં બ્રહ્મણોપિ તદ્ભારત્યાઃ પ્રવદન્ત્યેવ સત્યમ્ ।
તથા ચ શઙ્કા સમમેવ ચક્રિણેત્યેવં સદામા કુરુ નિર્ણયં બ્રુવે

એકસ્ય વૈ લક્ષણસ્યાપિ વિષ્ણોર્લક્ષ્મીરન્તં નૈવ સમ્યક્ પ્રપેદે ।
અતોનન્તૈર્લક્ષણૈઃ સંયુતં ચ હરિં ચાહુર્લક્ષણજ્ઞાઃ સદૈવ

જાનાતિ લક્ષ્મીર્લક્ષણં વાયુરૂપે સ્વાપેક્ષયા હ્યતિરિક્તં ખગેન્દ્ર ।
સ્વલક્ષણાપેક્ષયા ભારતી તુ શતૈર્ગુણૈરધિકા વેધસોપિ

ખગેન્દ્ર તસ્માલ્લક્ષણે સામ્યચિત્તં વિશ્વાદીનાં સર્વદા મા કુરુષ્વ ।
અષ્ટાવિંશતિં પ્રાહૂ રુદ્રાદિકાનાં ભ્રૂનેત્રયોર્લક્ષણેનૈવ હીનાઃ

અલક્ષણં મન્યતે યદ્ધિ તસ્ય દુર્લક્ષણં નૈવ તચ્ચિન્તનીયમ્ ।
અષ્ટાવિંશતિં લક્ષણં વૈ હરસ્ય ન ભારતીવચ્ચિન્તનીયં ખગેન્દ્ર

અતો હરઃ ક્રોધરૂપી સદૈવ તયોરભાવાત્સત્યમુક્તં તથૈતત્ ।
અતો દ્વયં નાસ્તિ રુદ્રે ખગેન્દ્ર શિશ્રોદરે કિઞ્ચિદાધિક્યમસ્તિ

સપ્તાધિકૈર્વિશતિલક્ષણૈસ્તુ સમાયુતાઃ સ્વસ્ત્રિયો લક્ષ્મણાદ્યાઃ ।
ષડ્વવિંશત્યા લક્ષણૈશ્ચાપિ યુક્તા વારુણ્યાદ્યા પઞ્ચવિંશૈશ્ચ ચન્દ્રઃ

અર્થશ્ચતુર્વિંશતિભિશ્ચૈવ યુક્તો નાસાવાયોર્દ્વ્યધિકા વિંશતિશ્ચ લક્ષણૈશ્ચૈકવિંશત્યા શચી યુક્તા ન સંશયઃ

પ્રવાહા વિંશકૈર્યુક્તા યમ એકોનવિંશકૈઃ ।
પાશ્યષ્ટાદશભિર્યુક્તો દશસપ્તયુતો ઽનલઃ

વૈવસ્વતઃ ષોડશભિમિત્રઃ પઞ્ચદશૈર્યુતઃ ।
ચત્રુર્વિંશૈસ્તુ ધનપઃ પાવકસ્તુ ત્રયોદશૈઃ

ગઙ્ગા દ્વાદશભિર્યુક્તા બુધ એકાદશૈર્યુતઃ ।
શનિસ્તુ દશસંખ્યાકૈઃ પુષ્કરો નવભિર્યુતઃ

અથ ષોડશસાહસ્રં ભાર્યારતુ મમ વલ્લભાઃ ।
અષ્ટભિશ્ચૈવ સંયુક્તાઃ સપ્તભિઃ પિતરસ્તથા

ષડ્ભિશ્ચ દેવગન્ધર્વાઃ પઞ્ચભિસ્તદનન્તરાઃ ।
ચતુર્ભૈઃ ક્ષિતિપાઃ પ્રોક્તાસ્ત્રિભિરન્યે ચ સંયુતાઃ

ઉદરે કિઞ્ચિદાધિક્યે હ્રસ્વે પાદે ચ કર્ણયોઃ ।
શિખાધિક્યં વિના વિપ્ર ભાર્યાયાં ચ શિવસ્ય ચ

લક્ષ્મણાયાં પઞ્ચ દોષાઃ શિરોગુલ્ફાદિકં વિના ।
નાભ્યાધિક્યે સહૈવાષ્ટૌ દોષાઃ સંત્યતિવાહિકે

જઙ્ઘાધિક્યે સહૈવાષ્ટૌ દોષાઃ શચ્યાઃ સદા સ્મૃતાઃ ।
એવમેવ હિ દોષાશ્ચાપ્યૂહનીયાઃ ખગેશ્વર

દુર્લક્ષણૈઃ સદા વીન્દ્ર સંશ્રુતૈસ્તત્ત્વવિદ્ભવેત્ ।
મહોદરો લંબનાભિરીષામાત્રોગ્રદંષ્ટ્રકઃ

અન્ધકૂપગભીરાક્ષો લંબકર્ણૌષ્ઠનાસિકઃ ।
લંબગુલ્ફો વક્રપાદઃ કુનખી શ્યાવદન્તકઃ

દીર્ઘજઙ્ઘો દીર્ઘશિશ્રસ્ત્વેકાણ્ડશ્ચૈકનાસિકઃ ।
રક્તશ્મશ્રૂ રક્તરોમા વક્રાસ્યઃ સંપ્રકીર્તિતઃ

દગ્ધપર્વ તસંકાશો રક્તપૃષ્ઠઃ કલિઃ સ્મૃતઃ ।
અલોમાંસો ઽલોમશિરા રક્તગણ્ડકપોલકઃ

લલાટે પાણ્ડુતા નિત્યં વામસ્કન્ધે કરે ખગ ।
ક્રૂરદૃષ્ટિર્દૃષ્ટિપાદસ્તથા વૈ ઘર્ઘરસ્વરઃ

અત્યાશી ચાતિપાનશ્ચ સ્તનૌ શુષ્કફલોપમૌ ।
ઊરૌ નવાઞ્જિકારોમઃ તથા પૃષ્ઠે ચ મસ્તકે

લલાટે ત્રીણિ દીર્ઘે તુ સમે દ્વૌ સંપ્રકીર્તિતૌ ।
સર્પાકારસ્તુ યો મત્સ્યસ્તસ્ય શિશ્રે પ્રકીર્તિતઃ

પાદત્રાણોપમો મત્સ્યો રસનાગ્રે પ્રકીર્તિતઃ ।
શિશ્રાકારશ્ચ યો મત્સ્યો ગુદે તસ્ય પ્રશસ્યતે

વૃશ્ચિકાકારમત્સ્યસ્તુ પદોસ્તસ્ય પ્રશસ્યતે ।
શ્વાકારશ્ચાપિ મત્સ્યો વૈ મુખે તસ્ય પ્રકીર્તિતઃ

હસ્તે તુ બહુરેખાઃ સ્યુર્લોમ નાસાપુટે સ્મૃતમ્ ।
અતિદીર્ઘં તુ ચાઙ્ગુષ્ઠં કનિષ્ઠં ચાતિદીર્ઘકમ્

દુર્લક્ષણં ત્વે વમાદિ કલાવસ્તિ હ્યનેકશઃ ।
સુલક્ષણાન્યનેકાનિ મયિ સંતિ ખગેશ્વર

દ્વાત્રિંશલ્લક્ષણં વિષ્ણોર્બ્રહ્માદ્યાપેક્ષયૈવ તત્ ।
સહાભિપ્રાય ગર્ભેણ બ્રહ્મણોક્તં તવ પ્રભો

બ્રહ્મોક્તસ્ય મયોક્તસ્ય વિરોધો નાસ્તિ સત્તમ ।
મયોક્તસ્યૈવ સ વ્યાસઃ કંબુગ્રીવઃ પ્રદર્શ્યતે

રક્તાધરં રક્ત તાલુ ચૈકીકૃત્ય મયોદિતમ્ ।
અતો વિરોધો નાસ્ત્યેવ તથા જ્ઞાનાત્પ્રતીયતે

સપ્તાધિકૈર્વિંશતિલક્ષણૈસ્તુ સમાયુતા યાઃ સ્ત્રિયો લક્ષ્મણાદ્યાઃ

ભગે નેત્રે ચ હસ્તે ચ સ્તને કુક્ષૌ તથૈવ ચ ।
ભારત્યપેક્ષયા પઞ્ચભિર્ન્યૂના ત્વસ્તિ લક્ષણૈઃ

ન રુદ્રવન્ન ચાન્યાનિ લક્ષણાનિ ખગેશ્વર ।
ષડ્વિંશત્યા લક્ષણૈશ્ચાપિ યુક્તા વારુણ્યાઃ ષડ્લક્ષણૈશ્ચૈવ હીના

કર્ણે કુક્ષૌ નાસિકાકેશપાશે ગુલ્ફે ભગે કિઞ્ચિદાધિક્યમસ્તિ ।
ઇન્દ્રો યુક્તઃ પઞ્ચવિંશત્યા ખગેન્દ્ર સદા હીનો લક્ષણૈઃ સપ્તસંખ્યૈઃ

હસ્તે પાદે ઉદરે કર્ણયોશ્ચ શિશ્રે ગુલ્ફે ત્વધરોષ્ઠેધિકં ચ ।
ચતુર્વિંશત્યા લક્ષણૈશ્ચાપિ યુક્તો નાસ્તિક્યવાયુસ્તદ્વદેવાષ્ટભિશ્ચ

નાભ્યાં ગુલ્ફે હનુરર્ઙ્ઘ્યોશ્ચ સ્કન્ધે દ્વિજે નેત્રે ત્વધરોષ્ઠેધિકં ચ ।
ત્રયોવિંશત્યા લક્ષણૈશ્ચાપિ યુક્તા શચી તથા નવદોષૈશ્ચ યુક્તા

ભગે કેશે હ્યધરોષ્ઠે ચ કર્ણે જઙ્ઘે ગણ્ડે વક્ષસિ ગુલ્ફયોશ્ચ ।
તથોત્તરોષ્ઠે કિઞ્ચિદાધિક્યમસ્તિ એવં વિજાનીહિ ખગેન્દ્રસત્તમ

દ્વાવિંશત્યા લક્ષણૈઃ સંયુતસ્તુ દશભિર્દેષૈઃ પ્રવહો નામ વાયુઃ ।
તથાઙ્ગુષ્ઠે કિઞ્ચિદાધિક્યમસ્તિ વિંશત્યેકાદશભિર્દેષતોર્કઃ

તદ્વિંશત્યા લક્ષણૈઃ સંયુતસ્તુ તદા દોષેર્દ્વાદશભિશ્ચ યુક્તઃ ।
એકોનવિંશત્યા લક્ષણૈશ્ચાપિ યુક્તસ્ત્રયોદશભિસ્તદભાવૈર્યુતોગ્નિઃ

અષ્ટાદશભિર્લક્ષણૈઃ સંયુતસ્તુ વૈવસ્વતસ્તદભાવૈશ્ચતુર્દશભિઃ ।
મિત્રસ્તુ સપ્તદશભિર્લક્ષણૈઃ સંયુતઃ ખગ

સદોષૈઃ પઞ્ચદશભિઃ સંયુક્તો નાત્ર સંશયઃ ।
તૈશ્ચ ષોડશભિર્યુક્તો ધનપો નાત્ર સંશયઃ

તદભાવૈઃ ષોડશભિઃ સંયુક્તઃ સંપ્રકીર્તિતઃ ।
તૈઃ પઞ્ચદશભિશ્ચૈવ યુક્તોગ્રેજ્યષ્ઠપુત્રકઃ

તૈઃ સપ્તદશભિર્દેષૈઃ સંયુક્તો નાત્ર સંશયઃ ।
તૈશ્ચતુર્દશભિશ્ચૈવ ગઙ્ગા સંપરિકીર્તિતા

તથાષ્ટાદશભિર્દેષૈઃ સંયુતા નાત્ર સંશયઃ ।
તૈસ્ત્રયોદશભિશ્ચૈવ સંયુતો બુધ એવ તુ

દોષૈરેકોનવિંશત્યા સંયુતો નાત્ર સંશયઃ ।
શનિર્વિંશતિદોષેણ યુતો દ્વાદશલક્ષણૈઃ

લક્ષણૈશ્ચૈકાદશભિઃ પુષ્કરઃ પરિકીર્તિતઃ ।
એકવિંશતિસંખ્યાકૈરસદ્ભાવૈઃ પ્રકીર્તિતઃ

દશભિર્લક્ષણૈર્યુક્તાઃ પિતરો યે ચિરાઃ ખગ ।
ત્રયોવિંશતિદોષૈશ્ચ સંયુતા નાત્ર સંશયઃ

અષ્ટભિર્લક્ષણૈર્યુક્તા દેવગન્ધર્વસત્તમાઃ ।
દોષૈશ્ચતુર્વિંશતિભિઃ સંયુક્તાઃ પરિકીર્તિતાઃ

સપ્તલક્ષણસંયુક્તા ગન્ધર્વા માનુષાતમકાઃ ।
યૈસ્તુ પઞ્ચવિંશતિભિર્દેષૈઃ સંયુક્તાઃ પ્રકીર્તિતાઃ

ષદ્ગુણૈઃ ક્ષિતિપા યુક્તા ષડ્વિંશત્યા ચ દોષતઃ ।
તદન્યે પઞ્ચભિર્યુક્તાશ્ચતુર્ભિઃ કેચિદેવ ચ

ત્રિભિઃ કેચ્ચિત્તતો હીના ન સંતિ ખગસત્તમ ।
યસ્મિન્નરે ક્ષિતિપે વા ખગેન્દ્ર આધિક્યં યદ્દૃશ્યતે લક્ષણસ્ય

ન તે નરા નૈવ તે વૈ ક્ષિતીશાઃ સર્વે નૈવ હ્યુત્તમાઃ સર્વદૈવ ।
યે દેવા યે ચ દૈત્યાશ્ચ સર્વેપ્યેવં ખગાધિપ

લક્ષણાલક્ષણૈશ્ચૈવ ક્રમેણોક્તા ન સંશયઃ ।
લક્ષણૈઃ સપ્તવિંશત્યાલક્ષણૈઃ સંયુતાઃ ખગ

અતઃ સલક્ષણા જ્ઞેયા દ્વાત્રિંશલ્લક્ષણૈર્ન હિ ।
પિતુર્ગૃહે વર્ધમાના સદાપિ સ્વકુટુંબં શ્રેષ્ઠયિતું ખગેન્દ્ર

ઉવાચ સા પિતરં દીયમાનમન્નાદિકં ત્રમિત્રાદિકેષુ ।
સદાપિ યે ત્વનુસંધાનેન યુક્તા અન્તર્ગતે તત્રતત્ર સ્થિતે ચ

અજ્ઞાતત્વે ચાન્નપાનાદિકં ચ દત્તં સંતો વ્યર્થમેવં વદન્તિ ।
હરિં વક્ષ્યે તત્રતત્ર સ્થિતં ચં તં વૈ શૃણુ ત્વાદરેણાદ્ય નિત્યમ્

બાલો હરિર્બાલરૂપેણ કૃષ્ણઃ ક્ષીરાદિકં નવનીતં ઘૃતં ચ ।
ગૃહ્ણાતિ નિત્યં ભૂષણં વસ્ત્રજાતમેવં દદ્યાત્સર્વદા વિષ્ણુતુષ્ટ્યૈ

મિત્રૈર્હરિઃ કેશવાખ્યો મુકુન્દો ભુઙ્ક્તે દત્તં ત્વન્નપ્રાનાદિકં ચ ।
પૂર્વં દદ્યાત્સર્વદા વૈ ગૃહસ્થો ધન્યો ભવેદન્યથા વ્યર્થમેવ

ગૃહ્ણાતિ નિત્યં માધવાખ્યો હરિશ્ચેત્યેવં જ્ઞાત્વા દેયમન્નાદિકં ચ ।
એવં જ્ઞાત્વા દીયમાનેન નિત્યં પ્રીણાતિ વિષ્ણુર્નાન્યથા વ્યર્થમેવ

ગૃહે નિત્યં વાસુદેવો હરિસ્તુ પ્રીણાતિ નિત્યં તત્ર તિષ્ઠન્સુપર્ણ ।
એવં જ્ઞાત્વા સ્વગૃહં સર્વદૈવ અલઙ્કુર્યાદ્ધાતુરૂપૈઃ સદૈવ

ગોવિન્દાખ્યસ્તિષ્ઠતિ વષ્ણવાનાં પુત્રૈર્યુતસ્તિષ્ઠતિ વાસુદેવઃ ।
મિત્રે મુકુન્દઃ શાલકે ચાનિરૂદ્ધો નારાયણો દ્વિજવર્યે સદાસ્તિ

ગોષ્ઠે ચ નિત્યં વિષ્ણુરૂપી હરિસ્તુ અશ્વે સદા તિષ્ઠતિ વામનાખ્યઃ ।
સંકર્ષણઃ શૂદ્રવર્ણે સદાસ્તિ વૈશ્યે પ્રદ્યુમ્નસ્તિષ્ઠતિ સર્વદૈવ

જનાર્દનઃ ક્ષત્ત્રજાતૌ સદાસ્તિ દાશેષુ નિત્યં મહિદાસો હરિસ્તુ ।
મહ્યાં નિત્યં તિષ્ઠતિ સર્વદૈવ હ્યુપેન્દ્રાખ્યો હરિરેકઃ સુપર્ણ

ગજે સદા તિષ્ઠતિ ચક્રપાણિઃ સદાન્તરે તિષ્ઠતિ વિશ્વરૂપઃ ।
નિત્યં શુનિ તિષ્ઠતિ ભૂતભાવનઃ પિપીલકાયામપિ સર્વદૈવ

ત્રિવિક્રમો હરિરૂપ્યન્તરિક્ષે સર્વજાતાવનન્તરૂપી હરિશ્ચ ।
હરેર્ન વર્ણોસ્તિ ન ગોત્રમસ્તિ ન જાતિરીશે સર્વરૂપે વિચિત્રે

એવં જ્ઞાત્વા સર્વદા લક્ષ્મણા તુ હરિં સદા પ્રીણયામાસ દેવી ।
સપર્યયા વૈ ક્રિયમાણયા હરિઃ પતિર્મમસ્ય દિતિ ચિન્તયાના

તત્યાજ દેહં વિષ્ણુપતિત્વકામા મદ્રેષુ વૈ વીન્દ્ર પુત્રી પ્રજાતા ।
સ્વયંવરે લક્ષ્મણાયા અહં ચ ભિત્ત્વા લક્ષ્યં ભૂપતીન્દ્રાવયિત્વા

પાણિગ્રહં લક્ષ્મણાયાશ્ચ કૃત્વા ગત્વા પુરીં રમયામાસ દેવી ।
તથૈવાહં જાંબવત્યા વિવાહં મત્પત્નીત્વે કારણં ત્વાં બ્રવીમિ