ગરુડ પુરાણ · અધ્યાય 1.98

ઇતિ શ્રાગારુડે મહાપુરાણે પૂર્વખણ્ડે પ્રથમાંશાખ્યે આચારકાણ્ડે યાજ્ઞવલ્ક્યોક્તદ્રવ્યશુદ્ધિનિરૂપણં નામ સપ્તનવતિતમો ઽધ્યાયઃ
શ્રીગરુડમહાપુરાણમ્- 98
યાજ્ઞવલ્ક્ય ઉવાચ ।
અથ દાનિવિધિં વક્ષ્યે તન્મે શૃણુત સુવ્રતાઃ ।
અન્યેભ્યો બ્રાહ્મણાઃ શ્રેષ્ઠાસ્તેભ્યશ્ચૈવ ક્રિયાપરાઃ

બ્રહ્મવેત્તા ચ તેભ્યો ઽપિ પાત્રં વિદ્યાત્તપો ઽન્વિતાઃ (તમ્) ।
ગોભૂધાન્યહિરણ્યાદિ પાત્રે દાતવ્યમર્ચિતમ્

વિદ્યાતપોભ્યાં હીનેન ન તુ ગ્રાહ્યઃ પ્રતિગ્રહઃ ।
ગૃહ્ણન્પ્રદાતારમધો નયત્યાત્માનમેવ ચ

દાતવ્યં પ્રત્યહં પાત્રે નિમિત્તેષુ વિશેષતઃ ।
યાચિતેનાપિ દાતવ્યં શ્રદ્ધાપૂતં તુ શક્તિતઃ

હેમશૃઙ્ગી શફૈઃ રૌપ્યૈઃ શુશીલા વસ્ત્રસંયુતા ।
સકાંસ્યાપાત્રા દાતવ્ય ક્ષીરિણી ગૌઃ સદક્ષિણા

દશસૌવર્ણિકં શૃઙ્ગં શફં સપ્તપલૈઃ કૃતમ્ ।
પઞ્ચાશત્પલિકં પાત્રં કાંસ્યં વત્સસ્ય કીર્ત્યતે

સ્વર્ણપિપ્પલપાત્રેણ વત્સો વા વત્સિકાપિ વા ।
અસ્યા અપિ ચ દાતવ્યમપત્યં રોગવર્જિતમ્

દાતા સ્વર્ગમવાપ્નોતિ વત્સરાન્રોમસંમિતાન્ ।
કષિલા ચેતારયેત્ ભૂયશ્ચાસપ્તમં કુલમ્

યાવદ્વત્સસ્ય દ્વૌ પાદૌ મુખં યોન્યાં પ્રદૃશ્યતે ।
તાવદ્ગૌઃ પૃથિવી જ્ઞેયા યાવદ્ગર્ભં ન મુઞ્ચતિ

યથા કથઞ્ચિદ્દત્ત્વા ગાન્ધેનું વાધેનુમેવ વા ।
અરોગામપરિક્લિષ્ટાં દાતા સ્વર્ગે મહીયતે

શ્રાન્તસંવાહનં રોગિપરિચર્યા સુરાર્ચનમ્ ।
પાદશૌચં દ્વિજોચ્છિષ્ટમાર્જનં ગાપ્રદાનવત્

દ્વિજાય યદભીષ્ટં તુ દત્ત્વા સ્વર્ગમવાપ્નુયાત્ ।
ભૂદીપાંશ્ચાન્નવસ્ત્રાણિ સર્પિર્દત્ત્વા વ્રજેચ્છિયમ્

ગૃહધાન્યચ્છત્રમાલ્યવૃક્ષયા નઘૃતં જલમ્ ।
શય્યાનુલેપનં દત્ત્વા સ્વર્ગલોકે મહીયતે

બ્રહ્મદાતા બ્રહ્મલોકં પ્રાપ્નોતિ સુરદુર્લભમ્ ।
વેદાર્થયજ્ઞશાસ્ત્રાણિ ધર્મશાસ્ત્રાણિ ચૈવ હિ

મૂલ્યેનાપિ લિખિત્વાપિ બ્રહ્મલોકમવાપ્નુયાત્ ।
એતન્મૂલં જગદ્યસ્માદસૃજત્પૂર્વમીશ્વરઃ

તસ્માત્સર્વપ્રયત્નેન કાર્યો વેદાર્થસંગ્રહઃ ।
ઇતિહાસપુરાણં વા લિખિત્વા યઃ પ્રયચ્છતિ

બ્રહ્મદાનસમં પુણ્યં પ્રાપ્નોતિ દ્વિગુણોન્નતિમ્ ।
લોકાયતં કુતર્કશ્ચ પ્રાકૃતમ્લેચ્છભાષિતમ્

ન શ્રોતવ્યં દ્વિજેનૈતદધો નયતિ તં દ્વિજમ્ ।
સમર્થો યો ન ગૃહ્ણીયાદ્દાતૃલોકાનવાપ્નુયાત્

કુશાઃ શાકં પયો ગન્ધાઃ પ્રત્યાખ્યેયા ન વારિ ચ ।
અયચિતાહૃતં ગ્રાહ્યમપિ દુષ્કૃતકર્મણઃ

અન્યત્ર કુલટાષણ્ઢપતિતેભ્યો દ્વિષસ્તથા ।
દેવાતિથ્યર્ચનકૃતે પિતૃતૃપ્ત્યર્થમેવ ચ ।
સર્વતઃ પ્રતિગૃહ્ણીયાદાત્મતૃપ્સર્થમેવ ચ