ગરુડ પુરાણ · અધ્યાય 1.97

ઇતિ શ્રીગારુજે મહાપુરાણે પૂર્વખણ્ડે પ્રથમાંશાખ્યે આચારકાણ્ડે યાજ્ઞવલ્ક્યોક્તશ્રાદ્ધનિરૂપણં નામ ષણ્ણવતિતમો ઽધ્યાયઃ
શ્રીગરુડમહાપુરાણમ્- 97
યાજ્ઞવલ્ક્ય ઉવાચ ।
દ્રવ્યશુદ્ધિંપ્રવક્ષ્યામિ તન્નિબોધત સત્તમાઃ ।
સૌવર્ણરાજતાબ્જાનાં શઙ્ખરજ્જ્વાદિચર્મણામ્

પાત્રાણાં ચાસનાનાં ચ વારિણા શુદ્ધિરિષ્યતે ।
ઉષ્ણવાભઃ સ્ત્રુક્સ્ત્રુવયોર્ધાન્યાદેઃ પ્રોક્ષણેન ચ

તક્ષણાદ્દારુશૃઙ્ગાદેર્યજ્ઞપાત્રસ્ય માર્જનાત્ ।
સોષ્ણૈરુદકગોમૂત્રૈઃ શુધ્યત્યાવિકકૌશિકમ્

ભૈક્ષ્યં યોષિન્મુખં પશ્યન્પુનઃ પાકાન્મહીમયમ્ ।
ગાઘ્નાતે ઽન્ને તથા કેશમક્ષિકાકીટદૂષિતે

ભસ્મક્ષેપાદ્વિશુદ્ધિઃ સ્યાદ્ભૂશુદ્ધિર્માજનાદિના ।
ત્રપુસીસકતામ્રાણાં ક્ષારામ્લોદકવારિભિઃ

ભસ્માદ્ભિર્લોહકાંસ્યાનામજ્ઞાતં ચ સદા શુચિ ।
અમેધ્યાક્તસ્ય મૃત્તોયૈર્ગન્ધલેપાપકર્ષણાત્

શુચિ ગોતૃપ્તિદં તોયં પ્રકૃતિસ્થં મહીગતમ્ ।
તથા માંસં શ્વચાણ્ડાલક્રવ્યાદાદિનિપાતિતમ્

રશ્મિરગ્ની રજશ્છાયા ગૌરશ્વો વસુધાનિલાઃ ।
અશ્વાજવિપ્રુષો મેધ્યા સ્તથાચમનબિન્દવઃ

સ્નાત્વા પીત્વા ક્ષુતે સુપ્તે ભુક્ત્વા રથ્યાપ્રસર્પણે ।
આચાન્તઃ પુનરાચામેદ્વાસો ઽન્યત્પરિધાય ચ

ક્ષુતે નિષ્ઠીવિતે સ્વાપે પરિધાને ઽશ્રુપાતને ।
પઞ્ચસ્વેતેષુ નાચામેદ્દક્ષિણં શ્રવણં સ્પૃશેત્ ।
તિષ્ઠન્ત્યગ્ન્યાદયો દેવા વિપ્રકર્ણે તુ દક્ષિણે