ગરુડ પુરાણ · અધ્યાય 1.93

ઇતિ શ્રીગારુડે મહાપુરાણે પૂર્વખણ્ડે પ્રથમાંશાખ્યે આચારકાણ્ડે વિષ્ણુધ્યાનં નામ દ્વિનવતિતમો ઽધ્યાયઃ
શ્રીગરુડમહાપુરાણમ્- 93
મહેશ્વર ઉવાચ ।
યાજ્ઞવલ્ક્યેન યત્પૂર્વં ધર્મં પ્રોક્તં કયં હરે ! ।
તન્મે કાથય કેશિઘ્ન ! યથા તત્ત્વેન માધવ !

હરિરુવાચ ।
યાજ્ઞવલ્ક્યં નમસ્કૃત્ય મિથિલાયાં સમાસ્થિતમ્ ।
અપૃચ્છન્નૄષયો ગત્વા વર્ણધર્માદ્યશેષતઃ ।
તેભ્યઃ સ કથયામાસ વિષ્ણું ધ્યાત્વા જિતેન્દ્રિયઃ

યાજ્ઞવલ્ક્ય ઉવાચ ।
યસ્મિન્દેશે મૃગઃ કૃષ્ણસ્તસ્મિન્ધર્માન્નિબોધત ।
પુરાણન્યાયમીમાંસાધર્મશાસ્ત્રાઙ્ગમિશ્રિતાઃ

વેદાઃ સ્થાનાનિ વિદ્યાનાં ધર્મસ્ય ચ ચતુર્દશ ।
વક્તારો ધર્મશાસ્ત્રાણાં મનુર્વિષ્ણુર્યમો ઽઙ્ગિરાઃ

વસિષ્ઠદક્ષસંવર્તશાતાતપપરાશરાઃ ।
આપસ્તમ્બોશનોવ્યાસાઃ કાત્યાયનબૃહસ્પતી

ગૌતમઃ શઙ્ખલિખિતો હારીતો ઽત્રિરહં તથા ।
એતે વિષ્ણું સમારાધ્ય જાતા ધર્મોપદેશકાઃ

દેશકાલ ઉપાયેન દ્રવ્યં શ્રદ્ધાસમન્વિતમ્ ।
પાત્રે પ્રદીયતે યત્તત્સકલં ધર્મલક્ષણમ્

ઇજ્યાચારો દમો ઽહિંસા દાનં સ્વાધ્યાયકર્મ ચ ।
અયં ચ પરમો ધર્મો યદ્યોગેનાત્મદર્શનમ્

ચત્વારો વેદધર્મજ્ઞાઃ પર્ષત્ત્રૈવિદ્યમેવ વા ।
સા બ્રૂતે યત્સ્વધર્મઃ સ્યાદેકો વાધ્યાત્મવિત્તમઃ

બ્રહ્મક્ષાત્ત્રિયવિટ્શૂદ્રા વર્ણાસ્ત્વાદ્યાસ્ત્રયો દ્વિજાઃ ।
નિષેકાદ્યાઃ શ્મશાનાન્તાસ્તેષાં વૈ મન્ત્રતઃ ક્રિયાઃ

ગર્ભાધાનમૃતૌ પુંસઃ સવનં સ્પન્દનાત્પુરા ।
ષષ્ઠે ઽષ્ટમે વા સીમન્તઃ પ્રસવે જાતકર્મ ચ

અહન્યેકાદશે નામ ચતુર્થે માસિ નિષ્ક્રમઃ ।
ષષ્ઠે ઽન્નપ્રાશનં માસિ ચૂડાં કુર્યાદ્યથાકુલમ્

એવમેનઃ શમં યાતિ બીજગર્ભસમુદ્ભવમ્ ।
તૂષ્ણ ઈમેતાઃ ક્રિયાઃ સ્ત્રીણાં વિવાહશ્ચ સમન્ત્રકઃ