ગરુડ પુરાણ · અધ્યાય 1.91

તસ્યાં તસ્ય સુતો જજ્ઞે મહાવીર્યો મહાદ્યુતિઃ ।
શ્રીગરુડમહાપુરાણમ્- 91
સૂત ઉવાચ ।
સ્વાયમ્ભુવાદ્યા મુનયો હરિં ધ્યાયન્તિ કર્મણા ।
વ્રતાચારાર્ચનાધ્યાનસ્તુતિજપ્યપરાયણાઃ

દેહેન્દ્રિયમનોબુદ્ધિપ્રાણાહઙ્કારવર્જિતમ્ ।
આકશેન વિહીનં વૈ તેજસા પરિવર્જિતમ્

ઉદકેન વિહીનં વૈ તદ્ધર્મપરિવર્જિતમ્ ।
પૃથિવીરહિતં ચૈવ સર્વભતવિવર્જિતમ્

ભૂતાધ્યક્ષં તથા બદ્ધનિયન્તારં પ્રભું વિભુમ્ ।
ચૈતન્યરૂપતારૂપં સર્વાધ્યક્ષં નિરઞ્જનમ્

મુક્તસઙ્ગં મહેશાનં સર્વદેવપ્રપૂજિતમ્ ।
તેજોરૂપમસત્ત્વં ચ તપસા પરિવર્જિતમ્

રહિતં રજસા નિત્યં વ્યતિરિક્તં ગુણૈસ્ત્રિભિઃ ।
સર્વરૂપવિહીનં વૈ કર્તૃત્વાદિવિવર્જિતમ્

વાસનારહિતં શુદ્ધં સર્વદોષવિવર્જિતમ્ ।
પિપાસાવર્જિતં તત્તચ્છો કમોહવિવર્જિતમ્

જરામરણહીનં વૈ કૂટસ્થં મોહવર્જિતમ્ ।
ઉત્પત્તિરહિતં ચૈવ પ્રલયેન વિવર્જિતમ્

સત્યં સર્વાચારહીનં નિષ્કલં પરમેશ્વરમ્ ।
જાગ્રત્સ્વપ્નસુષુપ્ત્યાદિવર્જિતં નામવર્જિતમ્

અધ્યક્ષં જાગ્રદાદીનાં શાન્તરૂપં સુરેશ્વરમ્ ।
જાગ્રદાદિસ્થિતં નિત્યં કાર્યકારણવર્જિતમ્

સર્વદૃષ્ટં તથા મૂર્તં સૂક્ષ્મં સૂક્ષ્મતરં પરમ્ ।
જ્ઞાનદૃક્ શ્રોત્રવિજ્ઞાનં પરમાનન્દરૂપકમ્

વિશ્વેન રહિતં તદ્વત્તૈજસેન વિવર્જિતમ્ ।
પ્રાજ્ઞેન રહિતઞ્ચૈવ તુરીયં પરમાક્ષરમ્

સર્વગોપ્તૃ સર્વહન્તૃ સર્વભૂતાત્મરૂપિ ચ ।
બુદ્ધિધર્મવિહીનં વૈ નિરાધારં શિવં હરિમ્

વિક્રિયારહિતં ચૈવ વેદાન્તૈર્વેદ્યમેવ ચ ।
વેદરૂપં પરં ભૂતમિન્દ્રિયેભ્યઃ પરં શુભમ્

શબ્દેન વર્જિતઞ્ચૈવ રસેન ચ વિવર્જિતમ્ ।
સ્પર્શેન રહિતં દેવં રૂપમાત્રવિવર્જિતમ્

રૂપેણ રહિતં ઞ્ચૈવ ગન્ધેન પરિવર્જિતમ્ ।
અનાદિ બ્રહ્મ રન્ધ્રાન્તમહં બ્રહ્માસ્મિ કેવલમ્

એવં જ્ઞાત્વા મહાદેવધ્યાનં કુર્યાજ્જિતેન્દ્રિયઃ ।
ધ્યાનં યઃ કુરુતે હ્યેવં સ ભવેદ્બહ્મ માનવઃ

ઇતિ ધ્યાનં સમાખ્યાતમશ્વિરસ્ય મયા તવ ।
અધુના કથયામ્યન્યત્કિન્તદ્બ્રૂહિ વૃષધ્વજ