ગરુડ પુરાણ · અધ્યાય 1.90

ઇતિ શ્રીગારુડે મહાપુરાણે પૂર્વખણ્ડે પ્રથમાંશાખ્યે આચારકાણ્ડે રુચિકૃતપિતૃસ્તોત્રં નામૈકોનનવતિતમો ઽધ્યાયઃ
શ્રીગરુડમહાપુરાણમ્- 90
માક્રણ્ડેય ઉવાચ ।
તતસ્તસ્માન્નદીમધ્યાત્સમુત્તસ્થૌ મનોરમા ।
પ્રમ્લૌચા નામ તન્વઙ્ગી તત્સમીપે વરાપ્સરાઃ

સા ચોવાચ મહાત્માનં રુચિં સુમધુરાક્ષરકમ્ ।
પ્રસાદયામાસ ભૂયઃ પ્રમ્લોચા ચ વરાપ્સરાઃ

અતીવરૂપિણી કન્યા મત્પ્રસાદ્વરાઙ્ગના ।
જાતા વરુણપુત્રેણ પુષ્કરેણ મહાત્મના

તાં ગૃહાણ મયા દત્તાં ભાર્યાર્થે વરવર્ણિનીમ્ ।
મનુર્મહામતિસ્તસ્યાં સમુત્પત્સ્યતિ તે સુતઃ

માર્કણ્ડેય ઉવાચ ।
તથેતિ તેન સાપ્યુક્તા તસ્માત્તોયાદ્વપુષ્મતીમ્ ।
ઉદ્દધાર તતઃ કન્યાં માનિનીં નામ નામતઃ

નદ્યાશ્ચ પુલિને તસ્મિન્સ મુનિર્મુનિસત્તમાઃ ।
જગ્રાહ પાણિં વિધિવત્સમાનીય મહામુનિઃ