ગરુડ પુરાણ · અધ્યાય 1.86

ઇતિ શ્રીગારુડે મહાપુરાણે પુર્વખણ્ડે પ્રથમાંશાખ્યે આચારકાણ્ડે ગયામાહાત્મ્યં નામ પઞ્ચાશીતિતમો ઽધ્યાયઃ
શ્રીગરુડમહાપુરાણમ્- 86
બ્રહ્મોવાચ ।
યેયં પ્રેતશિલા ખ્યાતા ગયાયાં સા ત્રિધા સ્થિતા ।
પ્રભાસે પ્રેતકુણ્ડે ચ ગયાસુરશિરસ્યપિ

ધર્મેણ ધારિતા ભૂત્યૈ સર્વદેવમયી શિલા ।
પ્રેતત્વં યે ગતા નૄણાં મિત્રાદ્યા બાન્ધવાદયઃ

તેષામુદ્ધરણાર્થાય યતઃ પ્રેતશિલા શુભા ।
અતો ઽત્ર મુનયો ભૂપા રાજપત્ન્યાદયઃ સદા

તસ્યાં શિલાયાં શ્રાદ્ધાદિકર્તારો બ્રહ્મલોકગાઃ ।
ગયાસુરસ્ય યન્મુણ્ડં તસ્ય પૃષ્ઠે શિલા યતઃ

મુણાડપૃષ્ઠો ગિરિસ્તસ્માત્સર્વદેવમયો હ્યયમ્ ।
મુણ્ડપૃષ્ઠસ્ય પાદેષુ યતો બ્રહ્મસરોમુખાઃ

અરવિન્દવનં તેષુ તેન ચૈવોપલક્ષિતઃ ।
અરવિન્દો ગિરિર્નામ ક્રૌઞ્ચપાદાઙ્કિતો યતઃ

તસ્મા દ્ગિરિઃ ક્રૈઞ્ચપાદઃ પિતૄણાં બ્રહ્મલોકદઃ ।
ગદાધરાદયો દેવા આદ્યા આદૌ વ્યવસ્થિતાઃ

શિલારૂપેણ ચાવ્યક્તાસ્તસ્માદ્દેવમયી શિલા ।
ગયા શિરશ્છાદયિત્વા ગુરુત્વાદાસ્થિતા શિલા

કાલાન્તરેણ વ્યક્તશ્ચસ્થિત આદિગદાધરઃ ।
મહારુદ્રાદિદેવૈસ્તુ આનાદિનિધનો હરિઃ

ધર્મ સંરક્ષણાર્થાય અધર્માદિવિનષ્ટયે ।
દૈત્યરાક્ષસનાશાર્થં મત્સ્યઃ પૂર્વં યથાભવત્

કૂર્મો વરાહો નૃહરિર્વામનો રામ ઊર્જિતઃ ।
યથા દાશરથી રામઃ કૃષ્ણોબુદ્ધો ઽથ કલ્ક્યપિ

તથા વ્યક્તો ઽવ્યક્તરૂપી આસીદાદિર્ગદાધરઃ ।
આદિરાદૌ પૂજિતો ઽત્ર દેવૈર્બ્રહ્માદિભિર્યતઃ

પાદ્યાદ્યૈર્ગન્ધપુષ્પાદ્યૈરત આદિગદાધરઃ ।
ગદાધરં સુરૈઃ સાર્ધમાદ્યં ગત્વા દદાતિ યઃ

અર્ઘ્યં પાત્રં ચ પાદ્યં ચ ગન્ધપુષ્પં ચ ધૂપકમ્ ।
દીપં નૈવૈદ્યમુત્કષ્ટં માલ્યાનિ વિવિધાનિ ચ

વસ્ત્રાણિ મુકુટં ઘણ્ટા ચામરં પ્રેક્ષણીયકમ્ ।
અલઙ્કારાદિકં પિણ્ડમન્નદાનાદિકં તથા

તેષાં તાવદ્ધનં ધાન્યમાયુરારો ગ્યસમ્પદઃ ।
પુત્ત્રાદિસન્તતિશ્રેયોવિદ્યાર્થં કામ ઈપ્સિતઃ

ભાર્યા સ્વર્ગાદિવાસશ્ચ સ્વર્ગાદાગત્ય રાજ્યકમ્ ।
કુલીનઃ સત્ત્વસમ્પન્નો રણે મર્દિતશાત્રવનઃ

વધબન્ધવિનિર્મુક્તશ્ચાન્તે મોક્ષમવાપ્નુયાત્ ।
શ્રાદ્ધપિણ્ડાદિકર્તારઃ પિતૃભિર્બ્રહ્મલોકગાઃ

જગન્નાથં યે ઽપ્ચયન્તિ સુભદ્રાં બલભદ્રકમ્ ।
જ્ઞાનં પ્રાપ્ય શ્રિયં પુત્રાન્વ્રજન્તિ પુરુષોત્તમમ્

પુરુષોત્તમરાજસ્ય સૂર્યસ્ય ચ ગણસ્ય ચ ।
પુરતસ્તત્ર પિણ્ડાદિ પિતૄણાં બ્રિહ્મલોકદઃ

નત્વા કપર્દિવિઘ્નેશં સર્વવિઘ્નૈઃ પ્રમુચ્યતે ।
કાર્તિકેયં પૂજયિત્વા બ્રહ્મલોકમવાપ્નુયાત્

દ્વાદશાદિત્યમભ્યર્ચ્ય સર્વરોગૈઃ પ્રમુચ્યતે ।
વૈશ્વાનરં સમભ્યર્ચ્ય ઉત્તમાં દીપ્તિમાપ્નુયાત્

રેવન્તં પૂજયિત્વાથ અશ્વાનાપ્નોત્યનુત્તમાન્ ।
અભ્યર્ચ્યેન્દ્રં મહૈશ્વર્યં ગૌરીં સૌભાગ્યમાપ્નુયાત્

વિદ્યાં સરસ્વતીં પ્રાર્ચ્ય લક્ષ્મીં સંપૂજ્ય ચ શ્રિયમ્ ।
ગરુડં ચ સમભ્યર્ચ્ય વિઘ્નવૃન્દાત્પ્રમુચ્યતે

ક્ષેત્રપાલં સમભ્યર્ચ્ય ગ્રહવૃન્દૈઃ પ્રમુચ્યતે ।
મુણ્ડપૃષ્ઠં સમભ્યર્ચ્ય સર્વકામમવાપ્નુયાત્

નાગાષ્ટકં સમભ્યર્ચ્ય નાગદષ્ટો વિમુચ્યતે ।
બ્રહ્માણં પૂજયિત્વા ચ બ્રહ્મલોકમવાપ્નુયાત્

બલભદ્રં સમભ્યર્ચ્ય બલારોગ્યમવાપ્નુયાત્ ।
સુભદ્રાં પૂજયિત્વા તુ સૌભાગ્યં પરમાપ્નુયાત્

સર્વાન્કામાનવાપ્નોતિ સંપૂજ્ય પુરુષોત્તમમ્ ।
નારાયણં તુ સંપૂજ્ય નરાણામધિપો ભવેત્

સ્પૃષ્ટ્વા નત્વા નારસિંહં સંગ્રામે વિજયી ભવેત્ ।
વરાહં પૂજયિત્વા તુ ભૂમિરાજ્યમવાપ્નુયાત્

માલાવિદ્યાધરૌ સ્પષ્ટ્વા વિદ્યાધરપદં લભેત્ ।
સર્વાન્કામાનવાપ્નોતિ સંપૂજ્યાદિગદાધરમ્

સોમનાથં સમભ્યર્ચ્ય શિવલોકમવાપ્નુયાત્ ।
રુદ્રેશ્વરં નમસ્કૃત્ય રુદ્રલોકે મહીયતે

રામેશ્વરં નરો નત્વા રામવત્સુપ્રિયો ભવેત્ ।
બ્રહ્મેશ્વરં નરઃ સ્તુત્વા બ્રહ્મલોકાય કલ્પ્યતે

કાલેશ્વરં સમભ્યર્ચ્ય નરઃ કાલઞ્જયો ભવેત્ ।
કેદારં પૂજયિત્વા તુ શિવલોકે મહીયતે

સિદ્ધેશ્વરં ચ સંપૂજ્ય સિદ્ધો બ્રહ્મપુરં વ્રજેત્ ।
આદ્યૈ રુદ્રાદિભિઃ સાર્ધં દૃષ્ટ્વા હ્યાદિગદાધરમ્

કુલાનાં શતમુદ્ધૃત્ય નયેદ્બ્રહ્મપુરં નરઃ ।
ધર્માર્થો પ્રાપ્નુયાદ્ધર્મમર્થાર્થો ચાર્થમાપ્નુયાત્

કામાન્સંપ્રાપ્નુયાત્કામી મોક્ષાર્થો મોક્ષમાપ્નુયાત્ ।
રાજ્યાર્થો રાજ્યમાપ્નોતિ શાન્ત્યર્થો શાન્તિમાપ્નુયાત્

સર્વાર્થો સર્વમાપ્નોતિ સંપૂજ્યાદિગદાધરમ્ ।
પુત્રાન્પુત્રાર્થિની સ્ત્રી ચ સૌભાગ્યં ચ તદર્થિની

વંશાર્થિની ચ વંશાન્વૈ પ્રાપ્યાર્ચ્યાદિગદાધરમ્ ।
શ્રાદ્ધેન પિણ્ડદાનેન અન્નદાનેન વારિદઃ

બ્રહ્મલોકમવાપ્નોતિ સંપૂજ્યાદિગદાધરમ્ ।
પૃથિવ્યાં સર્વતીર્થેભ્યો યથા શ્રેષ્ઠા ગયા પુરી

તથા શિલાદિરૂપશ્ચ શ્રેષ્ઠશ્ચૈવ ગદાધરઃ ।
તસ્મિન્દૃષ્ટે શિલા દૃષ્ટા યતઃ સર્વં ગદાધરઃ