ગરુડ પુરાણ · અધ્યાય 1.85

ઇતિ શ્રાગારુડે મહાપુરાણે પૂર્વખણ્ડે પ્રથમાંશાખ્યે આચારકાણ્ડે ગયામાહાત્મ્યં નામ ચતુરશીતિતમો ઽધ્યાયઃ
શ્રીગરુડમહાપુરાણમ્- 85
બ્રહ્મોવાચ ।
સ્નાત્વા પ્રેતશિલાદૌ તુ વરુણાસ્થામૃતેન ચ ।
પિણ્ડં દદ્યાદિમૈર્મન્ત્રૈરાવાહ્ય ચ પિતૄન્પરાન્

અસ્મત્કુલે મૃતા યે ચ ગતિર્યેષાં ન વિદ્યતે ।
આવાહયિષ્યેતાન્સર્વાન્ દર્ભપૃષ્ઠે તિલોદકૈઃ

પિતવંશે મૃતા યે ચ માતૃવંશે ચ યે મૃતાઃ ।
તષામુદ્ધરણાર્થાયે ઇમં પિણ્ડે દદામ્યહમ્

માતામહકુલે યે ચ ગતિર્યેષાં ન વિદ્યતે ।
તેષામુદ્ધરણાર્થાય ઇમં પિણ્ડં દદામ્યહમ્

અજાતદન્તા યે કેચિદ્યે ચ ગર્ભે પ્રપીડિતાઃ ।
તેષામુદ્ધરણાર્થાય ઇમ પિણ્ડં દદામ્યહમ્

બન્ધુવર્ગાશ્ચ યે કેચિન્નામગોત્રવિવર્જિતાઃ ।
સ્વગોત્રે પરગોત્રે વા ગતિર્યેષાં ન વિદ્યતે ।
તેષામુદ્ધરણાર્થાય ઇમ પિણ્ડં દદામ્યહમ્

ઉદ્બન્ધનમૃતા યે ચ વિષશસ્ત્રહતાશ્ચ યે ।
આત્મોપઘાતિનો યે ચ તેભ્યઃ પિણ્ડં દદામ્યહમ્

અગ્નિદાહે મૃતા યે ચ સિંહવ્યાઘ્રહતાશ્ચયે ।
દંષ્ટ્રિભિઃ શૃઙ્ગિભિર્વાપિ તેષાં પિણ્ડં દદામ્યહમ્

અગ્નિદગ્ધાશ્ચ યે કેચિન્નાગ્નિદગ્ધાસ્તથાપરે ।
વિદ્યુચ્ચૌરહતા યે ચ તેભ્યઃ પિણ્ડં દદામ્યહમ્

રૌરવે ચાન્ધતામિસ્ત્રે કાલસૂત્રે ચ યે ગતાઃ ।
તેષામુદ્ધરણાર્થાય ઇમં પિણ્ડં દદામ્યહમ્

અસિપત્રવને ઘોરે કંભીપાકે ચ યે ગતાઃ ।
તેષામુદ્ધરણાર્થાય ઇં પિણ્ડં દદામ્યહમ્

અન્યેષાં યાતના સ્થાનાં પ્રેતલોકનિવાસિનામ્ ।
તેષામુદ્ધરણાર્થાય ઇમ પિણ્ડં દદામ્યહમ્

પુશુયોનિં ગતા યે ચ પક્ષિકીટસરીસૃપાઃ ।
અથવા વૃક્ષયોનિ સ્થાસ્તેભ્યઃ પિણ્ડં દદામ્યહમ્

અસંખ્યયાતનાસંસ્થા યે નીતા યમશાસનૈઃ ।
તેષામુદ્ધરણાર્થાય ઇમં પિણ્ડં દદામ્યહમ્

જાત્યન્તરસહસ્રેષુ ભ્રમન્તિ સ્વેન કર્મણા ।
માનુષ્યં દુર્લભં યેષાં તેભ્યઃ પિણ્ડં દદામ્યહમ્

યે બાન્ધવાબાન્ધવા વા યે ઽન્યજન્મનિ બાન્ધવાઃ ।
તે સર્વેતૃપ્તિમાયાન્તુ પિણ્ડદાનેન સર્વદા

યે કેચિત્પ્રેતરૂપેણ વર્તન્તે પિતરો મમ ।
તે સર્વે તૃપ્તિમાયાન્તુ પિણ્ડદાનેન સર્વદા

યે મે પિતૃકુલે જાતાઃ કુલે માતુસ્તથૈવ ચ ।
ગુરુશ્વશુરબન્ધૂનાં યે ચાન્યે બાન્ધવા મૃતાઃ

યે મે કુલે લુપ્તપિણ્ડાઃ પુત્ત્રદારવિવર્જિતાઃ ।
ક્રિયાલો પહતા યે ચ જાત્યન્ધાઃ પઙ્ગવસ્તથા

વિરૂપા આમગર્ભાશ્ચ જ્ઞાતાજ્ઞાતાઃ કુલે મમ ।
તેષાં પિણ્ડં મયા દત્તમક્ષય્યમુપતિષ્ઠતામ્

સાક્ષિણઃ સન્તુ મે દેવા બ્રહ્મેશાનાદયસ્તથા ।
મય ગયાં સમાસાદ્ય પિતૄણાં નિષ્કતિઃ કૃતા

આગતો ઽહં ગયાં દેવ ! પિતૃકાર્યે ગદાધર ।
તન્મે સાક્ષી ભવત્વદ્ય અનૃણો ઽહમૃણત્રયાત્

મહાનદી બ્રહ્મસરો ઽક્ષયો વટઃ પ્રભાસમુદ્યન્તમહો? ગયાશિરઃ ।
સરસ્વતીધર્મકધેનુપૃષ્ઠા એતે કુરુક્ષેત્રગતા ગયાયામ્