ગરુડ પુરાણ · અધ્યાય 1.82

ઇતિ શ્રીગારુડે મહાપુરાણે પૂર્વખણ્ડે પ્રથમાંશાખ્યે આચારકાણ્ડે સર્વતીર્થ માહાત્મ્યં નામૈકાશીતિતમો ઽધ્યાયઃ
શ્રીગરુડમહાપુરાણમ્- 82
શ્રીગણેશાય નમઃ ।
(અથ ગયામાહાત્મ્યં પ્રારભ્યતે) ।
બ્રહ્મોવાચ ।
સારાત્સારતરં વ્યાસ ગયાભાહાત્મ્ય મુત્તમમ્ ।
પ્રવક્ષ્યામિ સમાસેન બુક્તિમુક્તિપ્રદં શૃણુ

ગયાસુરો ઽભવત્પૂર્વં વીર્યવાન્પરમઃ સ ચ ।
તપસ્તપ્યન્મહાઘોરં સર્વભૂતોપતાપનમ્

તત્તપસ્તાપિતા દેવાસ્તદ્વધાર્થં હરિં ગતાઃ ।
શરણં હરિરૂચે તાન્ ભવિતવ્યં શિવાત્મભૈઃ

પાત્યતે ઽસ્ય મહાદેહો તથેત્યૂચુઃ સુરા હરિમ્ ।
કદાચિચ્છિવપૂજાર્થં ક્ષીરાબ્ધેઃ કમલાનિ ચ

આનીય કીકટે દેશે શયનં ચાકરોદ્વલી ।
વિષ્ણુમાયાવિમૂઢો ઽસૌ ગદયા વિષ્ણુના હતઃ

અતો ગદાધરો વિષ્ણુર્ગયાયાં મુક્તિદઃ સ્થિતઃ ।
તસ્ય દેહો લિઙ્ગરૂપી સ્થિતઃ શુદ્ધે પિતામહઃ

જનાર્દનશ્ચ કાલેશસ્તથાન્યઃ પ્રપિતામહઃ ।
વિષ્ણુરાહાથ મર્યાદાં પુણ્યક્ષેત્રં ભવિષ્યતિ

યજ્ઞં શ્રાદ્ધં પિણ્ડદાનં સ્નાનાદિ કુરુતે નરઃ ।
સ સ્વર્ગં બ્રહ્મલોકં ચ ગચ્છેન્ન નરકં નરઃ

ગયાતીર્થં પરં જ્ઞાત્વા યાગં ચક્રે પિતામહઃ ।
બ્રાહ્મણાન્પૂજયામાસ ઋત્વિગર્થમુપાગતાન્

મહાનદીં રસવહાં સૃષ્ટ્વા વાપ્યાદિકં તથા ।
ભક્ષ્યભોજ્યફલાદીંશ્ચ કામધેનું તથાસૃજત્

પઞ્ચક્રોશં ગયોક્ષેત્રં બ્રાહ્મણેભ્યો દદૌ પ્રભુઃ ।
ધરમયાગેષુ લોભાત્તુ પ્રતિગૃહ્ય ધનાદિકમ્

સ્થિતા વિપ્રાસ્તદા શપ્તા ગયાયાં બ્રાહ્મણાસ્તતઃ ।
મા ભૂત્ત્રૈપુરુષી વિદ્યા મા ભૂત્ત્રૈપુરુષં ધનમ્

યુષ્માકં સ્યાદ્વારિવહા નદી પાષાણપર્વતઃ ।
શપ્તૈસ્તુ પ્રાર્થિતો બ્રહ્માનુગ્રહં કૃતવાન્પ્રભુઃ

લોકાઃ પુણ્યા ગયાયાં હિ શ્રાદ્ધિનો બ્રહ્મલોકગાઃ ।
યુષ્માન્યે પૂજયિષ્યન્તિ તૈરહં પૂજિતઃ સદા

બ્રહ્મજ્ઞાનં ગયાશ્રાદ્ધં ગોગૃહે મરણં તથા ।
વાસઃ પુંસાં કુરુક્ષેત્રે મુક્તિરેષા ચતુર્વિધા

સમુદ્રાઃ સરિતઃ સર્વા વાપીકૂપહ્રદાસ્તથા ।
સ્નાતુકામા ગયાતીર્થં વ્યાસ યાસ યાન્તિ ન સંશયઃ

બ્રહ્મહત્યા સુરાપાનં સ્તેયં ગુર્વઙ્ગનાગમઃ ।
પાપં તત્સંગજં સર્વં ગયાશ્રાદ્ધાદ્વિનશ્યતિ

અસંસ્કૃતા મૃતા ય ચ પશુચોરહતાશ્ચ યે ।
સર્પદષ્ટા ગયાશ્રાદ્ધાન્મુક્તાઃ સ્વર્ગં વ્રજન્તિ તે

ગયાયાં પિણ્ડદાનેન યત્ફલં લભતે નરઃ ।
ન તચ્છક્યં મયા વક્તું વર્ષકોટિશતૈરપિ