ગરુડ પુરાણ · અધ્યાય 1.76

ઇતિ શ્રીગારુડે મહાપુરાણે પૂર્વખણ્ડે પ્રથમાંશાખ્યે આચારકાણ્ડે કર્કેતનપરીક્ષણં નામ પઞ્ચસપ્તતિતમો ઽધ્યાયઃ
શ્રીગરુડમહાપુરાણમ્- 76
સૂત ઉવાચ ।
હિમવત્યુત્તરદેશે વીર્યં પતિતં સુરદ્વિષસ્તસ્ય ।
સંપ્રાપ્તમુત્તમાનામાકરતાં ભીષ્મરત્નાનામ્

શુક્લાઃ શઙ્ખાબ્જનિભાઃ સ્યોનાકસન્નિભા પ્રભાવન્તઃ ।
પ્રભવન્તિ તતસ્તરુણા વજ્રનિભા ભીષ્મપાષાણાઃ

હેમાદિપ્રતિબદ્ધાઃ શુદ્ધમપિ શ્રદ્ધયા વિધત્તે યઃ ।
ભીષ્મમણિં ગ્રીવાદિષુ સુસમ્પદં સ સર્વદા લભતે

નિરીક્ષ્ય પલાયન્તે યં તમરણ્યનિવાસિનઃ સમીપઽપિ ।
દ્વીપિવૃકશરભકુઞ્જરસિંહવ્યાઘ્રાદયો હિંસ્ત્રાઃ

તસોયત્કલતષ્ટતરોર્ભવતિ ભયં ન ચાસ્તીશમુપહસન્તિ ।
ભીષ્મમણિર્ગુણયુક્તો સમ્યક્પ્રાપ્તાઙ્ગુલીકલત્રત્વઃ

પિતૄતર્પણે પિતૄણાં તૃપ્તિર્બહુવાર્ષિકી ભવતિ ।
શામ્યન્ત્યદ્ભુતાન્યપિ સર્પાણ્ડજાખુવૃશ્ચિકવિષાણિ ।
સલિલાગ્નિવૈરિતસ્કરભયાનિ ભીમાનિ નશ્યન્તિ

શૈવલબલાહકાભં પુરુષં પીતપ્રભં પ્રભાહીનમ્ ।
મલિનદ્યુતિ ચ વિવર્ણં દૂરાત્પરિવર્જયેત્પ્રાજ્ઞઃ

મૂલ્યં પ્રકલ્પ્યમેષાં વિબુધવરૈર્દૈશકાલવિજ્ઞાનાત્ ।
દૂરે ભૂતાનાં બહુ કિઞ્ચિન્નિકટપ્રસૂતાનામ્