ગરુડ પુરાણ · અધ્યાય 1.77

ઇતિ શ્રીગારુડે મહાપુરાણે પૂર્વખણ્ડે પ્રથમાંશાખ્યે આચારકાણ્ડે વૈદૂર્યપરીક્ષણં નામ ષટ્સપ્તતિતમો ઽધ્યાયઃ
શ્રીગરુડમહાપુરાણમ્- 77
સૂત ઉવાચ ।
પુણ્યેષુ પર્વતવરેષુ ચ નિમ્નગાસુ સ્થાનાન્તરેષુ ચ તથોત્તરદેશગત્વાત્ ।
સંસ્થાપિતાઃ સ્વનખબાહુગતેઃ પ્રકાશં સંપૂજ્ય દાનવપતિં પ્રથિતે પ્રદેશે

દાશાર્ણવાગદર (વ) મેકલકાલગાદૌ ગુઞ્જાઞ્જનક્ષૌદ્રમૃણાલવર્ણાઃ ।
ગન્ધર્વવહ્નિકદલીસદૃશાવભાસા એતે પ્રશસ્તાઃ પુલકાઃ પ્રસૂતાઃ

શઙ્ખાબ્જભૃઙ્ગાર્કવિચિત્રભઙ્ગા સૂત્રૈરુર્ (વ્ય) પેતાઃ પરમાઃ પવિત્રાઃ ।
મઙ્ગલ્યયુક્તા બહુભક્તિચિત્રા વૃદ્ધિપ્રદાસ્તે પુલકા ભવન્તિ

કાકા (ક.)શ્વરાસભસૃગાલવૃકોગ્રરૂપૈર્ગૃધ્રૈઃ સમાંસરુધિરાર્દ્રમુખૈરુપેતાઃ ।
મૃત્યુપ્રદાશ્ચ વિદુષા પરિવર્જનીયા મૂલ્યં પલસ્ય કથિતં ચ શતાનિ પઞ્ચ