ગરુડ પુરાણ · અધ્યાય 1.74

ઇતિ શ્રીગારુડે મહાપુરાણે પૂર્વખણ્ડે પ્રથમાંશાખ્યે આચારકાણ્ડે વૈદૂર્યપરીક્ષણં નામ ત્રિસપ્તતિતમો ઽધ્યાયઃ
શ્રીગરુડમહાપુરાણમ્- 74
સૂત ઉવાચ ।
પતિતાયા હિમાદ્રૌ તુ ત્વચસ્તસ્ય સુરદ્વિષઃ ।
પ્રાદુર્ભવન્તિ તાભ્યસ્તુ પુષ્પ (ષ્ય) રાગા મહાગુણાઃ

આપીતપાણ્ડુરુચિરઃ પાષાણઃ પદ્મરાગસંજ્ઞસ્તુ ।
કૌકણ્ટકનામા સ્યાત્સ એવ યદિ લોહિતાપીતઃ

આલોહિતસ્તુ પીતઃ સ્વચ્છઃ કાષાયકઃ સ એકોક્તઃ ।
આનીલશુક્લવર્ણઃ સ્નિગ્ધઃ સોમાલ(ન) કઃ સગુણઃ

અત્યન્તલોહિતો યઃ સ એવ ખલુ પદ્મરાગસંજ્ઞઃ સ્યાત્ ।
અપિ ચેન્દ્રનીલસંજ્ઞઃ સ એવ કથિતઃ સુનીલઃ સન્

મૂલ્યં વૈદૂર્યમણેરિવ ગાદિતં હ્યસ્ય રત્નસારવિદા ।
ધારણફલં ચ તદ્વત્કિં તુ સ્ત્રીણાં સુતપ્રદો ભવતિ