ગરુડ પુરાણ · અધ્યાય 1.64

ઇતિ શ્રીગારુડે મહાપુરાણે પૂર્વખણ્ડે પ્રથમાંશાખ્યે આચારકાણ્ડે જ્યોતિઃ શાસ્ત્રે સામુદ્રિકે પુંલ્લક્ષણનિરૂપણં નામ ત્રિષષ્ટિતમો ઽધ્યાયઃ
શ્રીગરુડમહાપુરાણમ્- 64
હરિરુવાચ ।
યસ્યાસ્તુ કુઞ્ચિતાઃ કેશા મુખં ચ પરિમણ્ડલમ્ ।
નાભિશ્ચ દક્ષિણાવર્તા સા કન્યા કુલવર્ધિની

યા ચ કાઞ્ચનવર્ણાભા રક્તહસ્તસરોરુહા ।
સહસ્રાણાં તુ નારીણાં ભવેત્સાપિ પતિવ્રતા

વક્રકેશા ચ યા કન્યા મણ્ડલાક્ષી ચ યા ભવેત્ ।
ભર્તા ચ મ્રિયતે તસ્યા નિયતં દુઃ ખભાગિની

પૂર્ણચન્દ્રમુખી કન્યા બાલસૂર્યસમપ્રભા ।
વિશાલનેત્રા બિમ્બોષ્ઠી સા કન્યા લભતે સુખમ્

રેખાભિર્બહુભિઃ ક્લેશં સ્વલ્પાભિર્ધનહીનતા ।
રક્તાભિઃ સુખમાપ્નોતિ કૃષ્ણાભિઃ પ્રેષ્યતાંવ્રજેત્

કાર્યે ચ મન્ત્રી સત્સ્ત્રી સ્યાત્સતી (ખી) સ્યાત્કરણેષુ ચ ।
સ્ત્રેહેષુ ભાર્યા માતા સ્યાદ્વેશ્યા ચ શયને શુભા

અઙ્કુશં કુણ્ડલં ચક્રં યસ્યાઃ પાણિતલે ભવેત્ ।
પુત્રં પ્રસૂયતે નારી નરેન્દ્રં લભતે પતિમ્

યસ્યાસ્તુ રોમશૌ પાર્શ્વૌ રોમશૌ ચ પયોધરૌ ।
અન્નતૌ ચાધરોષ્ઠૌ ચ ક્ષિપ્રં મારયતે પતિમ્

યસ્યાઃ પાણિતલે રેખા પ્રાકારસ્તોરણં ભવેત્ ।
અપિ દાસકુલે જાતા રાજ્ઞીત્વમુપગચ્છતિ

ઉદ્વૃત્તા કપિલા યસ્ય રોમરાજી નિરન્તરમ્ ।
અપિ રાજકુલે જાતા દાસીત્વમુપગચ્છતિ

યસ્યા અનામિકાઙ્ગુષ્ઠૌ પૃથિવ્યાં નૈવ તિષ્ઠતઃ ।
પતિં મારયતે ક્ષિપ્રં સ્વેચ્છાચારેણ વર્તતે

યસ્યા ગમનમાત્રેણ ભૂમિકમ્પઃ પ્રજાયતે ।
પતિં મારયતે ક્ષિપ્રં સ્વેચ્છાચારેણ વર્તતે

ચક્ષુઃ સ્નેહેન સૌભાગ્યં દન્તસ્નેહેન ભોજનમ્ ।
ત્વચઃ સ્નેહેન શાય્યાં ચ પાદસ્નેહેન વાહનમ્

સ્નિગ્ધોન્નતૌ તામ્રનખૌ નાર્યાશ્ચ ચરણૌ શુભૌ ।
મત્સ્યાઙ્કુશાબ્જચિહ્નૌ ચ ચક્રલાઙ્ગલલક્ષિતૌ

અસ્વેદિનૌ મૂદુતલૌ પ્રશસ્તૌ ચરણૌ સ્ત્રિયાઃ ।
શુભે જઙ્ઘે વિરોમે ચ ઊરૂ હસ્તિકરોપમૌ

અશ્વત્થપત્રસદૃશં વિપુલં ગુહ્યમુત્તમમ્ ।
નાભિઃ પ્રશસ્તા ગમ્ભીરા દક્ષિણાવર્તિકા શુભા ।
અરોમા ત્રિવલી નાર્યા હૃત્સ્તનૌ રોમવર્જિતૌ