ગરુડ પુરાણ · અધ્યાય 1.63

ઇતિ શ્રીગારુડે મહાપુરાણે પૂર્વખણ્ડે પ્રથમાંશાખ્યે આચારકાણ્ડે જ્યોતિઃ શાસ્ત્રે ગ્રહાણાં શુભાશુભસ્થાનાદિનિરૂપણં નામૈકપષ્ટિતમો ઽધ્યાયઃ
ઇતિ શ્રીગારુડે મહાપુરાણે પૂર્વખણ્ડે પ્રથમાંશાખ્યે આચારકાણ્ડે જ્યોતિઃ શાસ્ત્રે લગ્નઘટિકા પ્રમાણાદિનિરૂપણં નામ દ્વિષષ્ટિતમો ઽધ્યાયઃ
શ્રીગરુડમહાપુરાણમ્- 63
શ્રીગરુડમહાપુરાણમ્- 63
હરિરુવાચ ।
નરસ્ત્રીલક્ષણં વક્ષ્યે સંક્ષપાચ્છૃણુ શઙ્કર ।
અસ્વેદિનૌ મૃદુતલૌ કમલોદરસન્નિભૌ

શ્લિષ્ટાઙ્ગુલી તામ્રનખૌ સુગુલ્ફૌ શિરયોજ્ઝિતૌ ।
કૂર્મોન્નતૌ ચ ચરણૌ સ્યાતાં નૃપવરસ્ય હિ

વિરૂક્ષપાણ્ડુરનખૌ વક્રૌ ચૈવ શિરાનતૌ ।
સૂર્પાકારૌ ચ ચરણૌ સંખુષ્કૌ વિરલાઙ્ગુલી

દુઃ ખદારિદ્યદૌ સ્યાતા નાત્ર કાર્યાં વિચારણા ।
અલ્પરોમયુતા શ્રેષ્ઠા જઙ્ઘા હસ્તિકરોપમા

રોમૈકૈકં કૂપકે સ્યાદ્ભૂપાનાં તુ મહાત્મનામ્ ।
દ્વેદ્વે રોમ્ણી પણ્ડિતાનાં શ્રોત્રિયાણાં તથૈવ ચ

રોમત્રયં દરિદ્રાણાં રોગી નિર્માંસજાનુકઃ ।
અલ્પલિઙ્ગી ચ ધનવાન્સ્યાચ્ચ પુત્રાદિવર્જિતઃ

સ્થૂલલિઙ્ગો દરિદ્રઃ સ્યાદ્દુખ્યેકવૃષ્ણી ભવેત્ ।
વિષમેસ્ત્રીચઞ્ચલો વૈ નૃપઃ સ્યાદ્વૃષણે સમે

પ્રલમ્બવૃષણો ઽલ્પાયુર્નિર્દ્રવ્યઃ કુમણિર્ભવેત્ ।
પાણ્ડુરૈર્મલિનૈશ્ચૈવ મણિભિશ્ચ સુખી નરઃ

નિઃ સ્વાઃ સશબ્દમૂત્રાઃ સ્યુર્નૃપા નિઃશબ્દધારયા ।
ભોગાઢ્યાઃ સમજઠરા નિઃ સ્વાઃ સ્યુર્ઘટસન્નિભાઃ

સર્પોદરા દરિદ્રાઃ સ્યૂ રેખાભિશ્ચાયુરુચ્યતે ।
લલાટે યસ્ય દૃશ્યન્તે તિસ્રો રેખાઃ સમાહિતાઃ

સુખી પુત્રસમાયુક્તઃ સ ષષ્ટિં જીવતે નરઃ ।
ચત્વારિંશચ્ચ વર્ષાણિ દ્વિરેખાદર્શનાન્નરઃ

વિંશત્યબ્દં ત્વેકરેખા આકર્ણાન્તાઃ શતાયુષઃ

સપ્તત્યાયુર્દ્વિરેખા તુ ષષ્ટ્યાયુસ્તિસૃભિર્ભવેત્ ।
વ્યક્તાવ્યક્તાભી રેખાભિર્વિંશત્યાયુર્ભવેન્નરઃ

ચત્વારિંશચ્ચ વર્ષાણિ હીનરેખસ્તુ જીવતિ ।
ભિન્નાભિશ્ચૈવ રેખાભિરપમૃત્યુર્નરસ્ય હિ

ત્રિશૂલં પટ્ટિશં વાપિ લલાટે યસ્ય દૃશ્યતે ।
ધનપુત્ર સમાયુક્તઃ સ જીવેચ્છરદઃ શતમ્

તર્જન્યા મધ્યમાઙ્ગુલ્યા આયૂરેખા તુ મધ્યતઃ ।
સંપ્રાપ્તા યા ભવેદ્રુદ્ર ! સ જીવેચ્છરદઃ શતમ્

પ્રથમા જ્ઞાનરેખા તુ હ્યઙ્ગુષ્ઠાદનુવર્તતે ।
મધ્યમામૂલગા રેખા આયૂરેખા અતઃ પરમ્

કનિષ્ઠિકાં સમાશ્રિત્ય આયૂરેખા સમાવિશેત્ ।
અચ્છિન્ના વા વિભક્તા વા સ જીવેચ્છરદઃ શતમ્

યસ્ય પાણિતલે રેખા આયુસ્તસ્ય પ્રકાશયેત્ ।
શતવર્ષાણિ જીવેચ્ચ ભોગી રુદ્ર ! ન સંશયઃ

કનિષ્ઠિકાં સમાશ્રિત્ય મધ્યમાયામુપાગતા ।
ષષ્ઠિવર્ષાયુષં કુર્યાદાયૂરેખા તુ માનવમ્