ગરુડ પુરાણ · અધ્યાય 1.61

ઇતિ શ્રીગારુડે મહાપુરાણે પૂર્વખણ્ડં પ્રથમાંશાખ્યે આચારકાણ્ડે જ્યોતિઃ શાસ્ત્રે ગ્રહદશાદિનિરૂપણં નામ ષષ્ટિતમો ઽધ્યાયઃ
શ્રીગરુડમહાપુરાણમ્- 61
હરિરુવાચ ।
સપ્તમોપચયાદ્યસ્થશ્ચન્દ્રઃ સર્વત્ર શોભનઃ ।
શુક્લપક્ષે દ્વિતીયસ્તુ પઞ્ચમો નવમસ્તથા

સંપૂજ્યમાનો લોકૈસ્તુ ગુરુવદ્દૃશ્યતે શશી ।
ચન્દ્રસ્ય દ્વાદશાવસ્થા ભવન્તિ શૃણુ તા અપિ

ત્રિષુત્રિષુ ચ ઋક્ષેષુ અશ્વિન્યાદિ વદામ્યહમ્ ।
પ્રવાસસ્થં પુનર્દૃષ્ટં મૃતાવસ્થં જયાવહમ્

હાસ્યાવસ્થં નતા(ક્રીડા) વસ્થં પ્રમોદાવસ્થમેવ ચ ।
વિષાદાવસ્થભોગસ્થે જ્વરાવસ્થં વ્યવસ્થિતમ્

કમ્પા(ન્યા) વસ્થં સુખાવસ્થં દ્વાદશાવસ્થગં ભવેત્ ।
પ્રવાસો હાનિમૃન્યૃ ચ જયો હાસેરતિઃ સુખમ્

શોકો ભોગો જ્વરઃ કમ્પઃ સુખં ચેતિ ક્રમાત્ફલમ્ ।
જન્મસ્થઃ કુરુતે તુષ્ટિં દ્વિતીયે નાસ્તિ નિર્વૃતિઃ

તૃતીયે રાજસન્માનં ચતુર્થે કલહાગમઃ ।
પઞ્ચમેન મૃગાઙ્કેન સ્ત્રીલાભો વૈ તથા ભવેત્

ઘનધાન્યાગમઃ ષષ્ઠે રતિઃ પૂજા ચ સપ્તમે ।
અષ્ટમે પ્રાણસન્દેહો નવમે કોશસઞ્ચયઃ

દશમે કાર્યનિષ્પત્તિધ્રુવમેકાદશે જયઃ ।
દ્વાદશેન શશાઙ્કેન મૃત્યુરેવ ન સંખયઃ

કૃત્તિકાદૌ ચ પૂર્વેણ સપ્તર્ક્ષાણિ ચ વૈ વ્રજેત્ ।
મઘાદૌ દક્ષિણે ગચ્છેદનુરાધાદિ પશ્ચિમે

પ્રશસ્તા ચોત્તર યાત્રા ધનિષ્ઠાદિષુ સપ્તસુ ।
અશ્વિની રેવતી ચિત્રા ધનિષ્ઠા સમલઙ્કૃતૌ

મૃગાશ્વિચિત્રાપુષ્યાશ્ચ મૂલા હસ્તા શુભાઃ સદા ।
કન્યાપ્રદાને યાત્રાયાં પ્રતિષ્ઠાદિષુ કર્મસુ

શુક્રચન્દ્રૌ હિ જન્મસ્થૌ શુભદૌ ચ દ્વિતીયકે ।
શશિજ્ઞશુક્રજીવાશ્ચ રાશૌ રાશૌ ચાથ તૃતીયકે

ભૌમમન્દશશાઙ્કાર્કા બુધઃ શ્રેષ્ઠશ્ચતુર્થકે ।
શુક્રજીવૌ પઞ્ચમે ચ ચન્દ્રકેતુસમાહિતૌ

મન્દાકારૈ ચ કુજઃ ષષ્ઠે ગુરુચન્દ્રૌ ચ સપ્તમે ।
જ્ઞશુક્રાવષ્ટમે શ્રેષ્ઠૌ નવમસ્થો ગુરુઃ શુભઃ

અર્કાર્કિચન્દ્રા દશમે ગ્રહા એકાદશે ખિલાઃ ।
બુધો ઽથ દ્વાદશે ચૈવ ભાર્ગવઃ સુખદો ભવેત્

સિંહેન મકરઃ શ્રેષ્ઠઃ કન્યયા મેષ ઉત્તમઃ ।
તુલયા સહ મીનસ્તુ કુમ્ભેન સહકર્કટઃ

ધનુષા વૃષભઃ શ્રેષ્ઠો મિથુનેન ચ વૃશ્ચિકઃ ।
એતત્ષડષ્ટકં?પ્રીત્યૈ ભવત્યેવ ન સંશયઃ