ગરુડ પુરાણ · અધ્યાય 1.60

ઇતિ શ્રીગારુડે મહાપુરાણે પૂર્વખણ્ડે પ્રથમાંશાખ્યે આચારકાણ્ડે જ્યોતિઃ શાસ્ત્રે નક્ષત્રતદ્દેવતાદગ્ધયોગાદિનિરૂપણં નામૈકોનષષ્ટિતમો ઽધ્યાયઃ
શ્રીગરુડમહાપુરાણમ્- 60
હરિરુવાચ ।
ષડાદિત્યે દશા જ્ઞેયા સોમે પઞ્ચદશ સ્મૃતાઃ ।
અષ્ટાવઙ્ગારકે ચવ બુધૈ સ્પતદશ સ્મૃતાઃ

શનૈશ્ચરે દશ જ્ઞેયા ગુરોરેકોનવિંશતિઃ ।
રાહોર્દ્વાદશવર્ષાણિ એકવિંશતિર્ભાર્ગવે

રવેર્દશા દુઃ ખદા સ્યાદુદ્વેગનૃપનાશકૃત્ ।
વિભૂતિદા સોમદશા સુખમિષ્ટાન્નદા તથા

દુઃ ખપ્રદા કુજદશા રાજ્યાદેઃ સ્યાદ્વિનાશિની ।
દિવ્યસ્ત્રીદા બુધદશા રાજ્યદા કોશવૃદ્ધિદા

શનેર્દશા રાજ્યનાશબન્ધુદુઃ ખકરી ભવેત્ ।
ગુરોર્દશા રાજ્યદા સ્યાત્સુખધર્માદિદાયિની

રાહોર્દશા રાજ્યનાશવ્યાધિદા દુઃ ખદા ભવેત્ ।
હસ્ત્યશ્વદા શુક્રદશા રાજ્યસ્ત્રીલાભદા ભવેત્

મેષ અઙ્ગારકક્ષેત્રં વૃષઃ શુક્રસ્ય કીર્તિતઃ ।
મિથુનસ્ય બુધો જ્ઞેયઃ સોમઃ કર્કટકસ્ય ચ

સૂર્યક્ષેત્રં ભવેત્સિંહઃ કન્યા ક્ષેત્રં બુધસ્ય ચ ।
ભાર્ગવસ્ય તુલા ક્ષેત્રં વૃશ્ચિકોઙ્ગારકસ્ય ચ

ધનુઃ સુર ગુરોશ્ચૈવ શનેર્મકરકુમ્ભકૌ ।
મીનઃ સુરગુરોશ્ચૈવ ગ્રહક્ષેત્રં પ્રકીર્તિતમ્

પૌર્ણમાસ્યાદ્વયં તત્ર પૂર્વાષાઢાદ્વયં ભવેત્ ।
દ્વિરાષાઢઃ સ વિજ્ઞેયો વિષ્ણુઃ સ્વપિતિ કર્કટે

અશ્વિની રેવતી ચિત્રા ધનિષ્ઠા સ્યાદલઙ્કૃતૌ ।
મૃગાહિકપિમાર્જારશ્વાનઃ સૂકરપક્ષિણઃ

નકુલો મૂષકશ્ચૈવ યાત્રાયાં દક્ષિણે શુભઃ ।
વિપ્રકન્યા શિવા એષાં શઙ્ખભેરીવસુન્ધરાઃ

વેણુસ્ત્રીપૂર્ણકુમ્ભાશ્ચ યાત્રાયાં દર્શનં શુભમ્ ।
જમ્બૂકોષ્ટ્રખરાદ્યાશ્ચ યાત્રાયાં વામકે શુભાઃ

કાર્પાસૌષધિતૈલં ચ પક્રાઙ્ગારભુજઙ્ગમાઃ ।
મુક્તકેશી રક્તમાલ્યનગ્નાદ્યશુભમીક્ષિતમ્

હક્રાય લક્ષણં વક્ષ્યે લભત્પૂર્વે મહાફલમ્ ।
આગ્નેયે શોકસન્તાપૌ દક્ષિણે હાનિમાપ્નુયાત્

નૈરૃત્ય શોકસન્તાપૌ મિષ્ટાન્નં ચૈવ પશ્ચિમે ।
અર્થ પ્રાપ્નોતિ વાયવ્યે ઉત્તરે કલહોભવેત્

ઈશાને મરણં પ્રોક્તં હિક્કાયાશ્ચફલાફલમ્ ।
વિલિખ્ય રવિચક્રં તુ ભાસ્કરો નરસન્નિભઃ

યસ્મિન્નૃક્ષે વસદ્ભાનુસ્તદાન્દિ ત્રીણિ મસ્તકે ।
ત્રયં વક્રે પ્રદાતવ્યમેકૈકં સ્કન્ધયોર્ન્યસેત્

એકૈકં બાહુયુગ્મે તુ એકૈક હસ્તયોર્દ્વયોઃ ।
હૃદયે પઞ્ચ ઋક્ષાણિ એકં નાભૌ પ્રદાપયેત્

ઋક્ષમેકં ન્યસેદ્ગુહ્યે એકૈકં જાનુકે ન્યસેત્ ।
નક્ષત્રાણિ ચ શેષાણિ રવિપાદે નિયોજયેત્

ચરણસ્યેન ઋક્ષેણ અલ્પાયુર્જાયતે નરઃ ।
વિદશગમનં જાનૌ ગુહ્યસ્થે પરદારવાન્

નાભિસ્થેનાલ્પસન્તુષ્ટો હૃત્સ્થેન સ્યાન્મહેશ્વરઃ ।
પાણિસ્થેન ભવેચ્ચૌરઃ સ્થાનભ્રષ્ટો ભવેદ્ધજ

સ્કન્ધસ્થિતે ધનપતિર્મુખે મિષ્ટાન્નમાપ્નુયાત્ ।
મસ્તકે પદૃવસ્ત્રં સ્યાન્નક્ષત્રં યદિ સ્થિતમ્