ગરુડ પુરાણ · અધ્યાય 1.53

ઇતિ શ્રીગારુડે મહાપુરાણે પૂર્વખણ્ડે પ્રથમાંશાખ્યે આચારકાણ્ડે પ્રાયશ્ચિત્તનિરૂપણં નામ દ્વિપઞ્ચાશત્તમો ઽધ્યાયઃ
શ્રીગરુડમહાપુરાણમ્- 53
સૂત ઉવાચ ।
એવં બ્રહ્માબ્રવીચ્છ્રુત્વા હરેરષ્ટનિધીંસ્તથા ।
તત્ર પદ્મમહાપદ્મૌ તથા મકરકચ્છપૌ

મુકુન્દકુ(ન) ન્દૌ નીલશ્ચ શઙ્ખશ્ચૈવાપરો નિધિઃ ।
સત્યામૃદ્ધૌ ભવન્ત્યેતે સ્વરૂપં કથયામ્યહમ્

પદ્મેન લક્ષિતશ્ચૈવ સાત્ત્વિકો જાયતે નરઃ ।
દાક્ષિણ્યસારઃ પુરુષઃ સુવર્ણાદિકસંગ્રહમ્

રુપ્યાદિ કુર્યાદ્દદ્યાત્તુ યતિદૈવાદિયજ્વનામ્ ।
મહાપદ્માઙ્કિતો દદ્યાદ્ધનાદ્યં ધાર્મિકાય ચ

નીધી પદ્મમહાપદ્મૌ સાત્ત્વિકૌ પુરુષૌ સ્મૃતી ।
મકરેણાઙ્કિતઃ ખડ્ગબાણકુન્તાદિસંગ્રહી

દદ્યાચ્છ્રુતાય મૈત્રીં ચ યાતિ નિત્યં ચ રાજભિઃ ।
દ્રવ્યાર્થં શત્રુણા નાશં સંગ્રામે ચાપિ સંવ્રજેત્

મકરઃ કચ્છપશ્ચૈવ તામસૌ તુ નિધી સ્મૃતૌ ।
કચ્છપી વિશ્વસેન્નૈવ ન ભુઙ્કેન (ના) દદાતિ ચ

નિધાનમુર્વ્યાં કુરુતે નિધિઃ સોપ્યેકપૂરુષઃ ।
રાજસેનમુકુન્દેન લક્ષિતા રાજ્યસંગ્રહી

ભુક્તભોગો ગાયનેભ્યો દદ્યાદ્વેશ્યાદિકાસુ ચ ।
રજસ્તમોમયો નન્દી આધારઃ સ્યાત્કુલસ્ય ચ

સ્તુતઃ પ્રીતો ભવતિ વૈ બહુભાર્યા ભવન્તિ ચ ।
પૂર્વમિત્રેષુ શૈથિલ્યં પ્રીતિમન્યૈઃ કરોતિ ચ

નીલન ચાઙ્કિતઃ સત્ત્વતેજસા સંયુતો ભવેત્ ।
વસ્ત્રધાન્યાદિસંગ્રાહી તડાગાદિ કરોતિ ચ

ત્રિપૂ(પૌ) રુષો નિધિશ્ચૈવ આમ્રારામાદિ કારયેત્ ।
એકસ્ય સ્યાન્નિધિઃ શઙ્ખઃ સ્વયં ભુઙ્ક્તે ધનાદિ(ન્ત)કમ્

કદન્નભુક્પરિજનો ન ચ શોભનવસ્ત્રધૃક્ ।
સ્વપોષણપરઃ શઙ્ખી દદ્યાત્પરનરે વૃથા

મિશ્રાવલોકનાન્મિશ્રસ્વભાવફલદાયિનઃ ।
નિધીનાં રૂપમુક્તં તુ હરિણાપિ હરાદિકે ।
હરિર્ભુવનકોશાદિ યથોવાચ તથા વદે