ગરુડ પુરાણ · અધ્યાય 1.36

ઇતિ શ્રીગારુડે મહાપુરાણે પૂર્વખણ્ડે પ્રથમાંશાખ્યે આચારકાણ્ડે ગાયત્ત્રીન્યાસનિરૂપણં નામ પઞ્ચત્રિંશો ઽધ્યાયઃ
શ્રીગરુડમહાપુરાણમ્- 36
હરિરુવાચ ।
સન્ધ્યાવિધિં પ્રવક્ષ્યામિ શૃણુ રુદ્રાઘનાશનમ્ ।
પ્રાણાયામત્રયં કૃત્વા સન્ધ્યાસ્નાનમુપક્રમેત્

સપ્રણવાં સવ્યાહૃતિં ગાયત્ત્રીં શિરસા સહ ।
ત્રિઃ પઠેદાયતપ્રણઃ પ્રાણાયામઃ સ ઉચ્યતે

મનોવાક્રાયજં દોષં પ્રાણાયામૈર્દહેદ્દ્વિજઃ ।
તસ્માત્સર્વેષુ કાલેષુ પ્રાણાયામપરો ભવેત્

સાયમગ્નિશ્ચ મેત્યુક્તા પ્રાતઃ સૂર્યેત્યપઃ પિબેત્ ।
આપઃ પુનન્તુ મધ્યાહ્ને ઉપસ્પૃશ્ય યથાવિધિ

આપોહિષ્ઠેત્યૃચા કુર્યાન્માર્જનં તુ કુશોદકૈઃ ।
પ્રણવેન તુ સંયુક્તં ક્ષિપેદ્વારિ પદેપદે

રજસ્તમઃ સ્વમોહોત્થાઞ્જાગ્રત્સ્વપ્નસુષુપ્તિજાન્ ।
વાઙ્મનઃ કર્મજાન્દોષાન્નવૈતાન્નવભિર્દહેત્

સમુદ્ધૃત્યોદકં પાણૌ જપ્ત્વા ચ દ્રુપદાં ક્ષિપેત્ ।
ત્રિપડષ્ટૌ દ્વાદશધા વર્તયેદઘમર્પણમ્

ઉદુત્યઞ્ચિત્રમિત્યાભ્યામુપતિષ્ઠેદ્દિવાકરમ્ ।
દિવા રાત્રૌ ચ યત્પાપં સર્વં નશ્યતિ તત્ક્ષણાત્

પૂર્વસંધ્યાં જપંસ્તિષ્ઠેત્પશ્ચિમામુપવિશ્ય ચ ।
મહાવ્યાહૃતિસંયુક્તાં ગાયત્ત્રીં પ્રણવાન્વિતામ્

દશભિર્જન્મજનિતં શતેન તુ પુરા કૃતમ્ ।
ત્રિયુગં તુ સહસ્રેણ ગાયત્ત્રી હન્તિ દુષ્કૃતમ્

રક્તા ભવતિ ગાયત્ત્રી સાવિત્રી શુક્લવર્ણિકા ।
કૃષ્ણા સરસ્વતી જ્ઞેયા સંધ્યાત્રયમુદાહૃતમ્

ઓં ભૂર્વિન્યસ્ય હૃદયે ઓં ભુવઃ શિરસિ ન્યસેત્ ।
ઓં સ્વરિતિ શિખાયાં ચ ગાયત્ત્ર્યાઃ પ્રથમં પદમ્

વિન્યસેત્કવચે વિદ્વાન્દ્વિતીયં નેત્રયોર્ન્યસેત્ ।
તૃતીયેનાઙ્ગવિન્યાસં ચતુર્થં સર્વતો ન્યસેત્

સંધ્યાકાલે તુ વિન્યસ્ય જપેદ્વૈ વેદમાતરમ્ ।
શિવસ્તસ્યાસ્તુ સર્વાહ્ને પ્રાણાયામપરં ન્યસેત્

ત્રિપદા યા તુ ગાયત્ત્રી બ્રહ્મવિષ્ણુમહેશ્વરી ।
વિનિયોગમૃષિચ્છન્દો જ્ઞાત્વા તુ જપમારભેત્

સર્વપાપવિનિર્મુક્તો બ્રહ્મલોકમવાપ્નુયાત્ ।
પરોરજસિ સાવદોં તુરીયપદમીરિતમ્

તં હન્તિ સૂર્યઃ સન્ધ્યાયાં નોપાસ્તિં કુરુતે તુ યઃ ।
તુરીયસ્ય પદસ્યાપિ ઋષિર્નિર્મલ એવ ચ

છન્દસ્તુ દેવી ગાયત્ત્રી પરમાત્મા ચ દેવતા