ગરુડ પુરાણ · અધ્યાય 1.35

ઇતિ શ્રીગારુડે મહાપુરાણે પૂર્વખણ્ડે પ્રથમાંશાખ્યે આચારકાણ્ડે હયગ્રીવપૂજાવિધિર્નામ ચતુસ્ત્રિંશો ઽધ્યાયઃ
શ્રીગરુડમહાપુરાણમ્- 35
હરિરુવાચ ।
ન્યાસાદિકં પ્રવક્ષ્યામિ ગાયત્ત્ર્યાઃ શૃણુ શઙ્કર ।
વિશ્વામિત્રઋષિશ્ચૈવ સવિતા ચાથ દેવતા

બ્રહ્મશીર્ષા રુદ્રશિખા વિષ્ણોર્હૃદયસંશ્રિતા ।
વિનિયોગૈકનયના કાત્યાયનસગોત્રજા

ત્રૈલોક્યચરણા જ્ઞેયા પૃથિવીકુક્ષિસંસ્થિતા ।
એવં જ્ઞાત્વા તુ ગાયત્ત્રીં જપેદ્દ્વાદશલક્ષકમ્

ત્રિપદાષ્ટાક્ષરા જ્ઞેયા ચતુષ્પાદા ષડક્ષરા ।
જેપ ચ ત્રિપદા ગ્રોક્તા અર્ચને ચ ચતુષ્પદા

ન્યાસે જપે તથા ધ્યાને અગ્નિકાર્યે તથાર્ચને ।
ગાયત્ત્રીં વિન્યસેન્નિત્યં સર્વપાપગ્રણાશિનીમ્

પાદાંસુષ્ઠે ગુલ્ફમધ્યે જઙ્ઘયોર્વિદ્ધિ જાનુનોઃ ।
ઊર્વોર્ગુહ્યે ચ વૃષણે નાડ્યાં નાભૌ તનૂદરે

સ્તનયોર્હૃદિ કણ્ઠૌષ્ઠમુખે તાલુનિ ચાંસયોઃ ।
નેત્રે ભુવાર્લલાટે ચ પૂર્વસ્યાં દક્ષિણોત્તરે

પશ્ચમે મૂર્ધ્નિ ચાકારં ન્યસેદ્વર્ણાન્વદામ્યહમ્ ।
ઇન્દ્રનીલં ચ વહ્નિં ચ પીતં શ્યામં ચ કાપિલમ્

શ્વેતં વિદ્યુત્પ્રભં તારં કૃષ્ણં રક્તં ક્રમેણ તત્ ।
શ્યામં શુક્લં તથા પીતં શ્વેતં વૈ પદ્મરાગવત્

શઙ્ખવર્ણં પાણ્ડુરં ચ રક્તં ચાસવસન્નિભમ્ ।
અર્કવર્ણસમં સૌમ્યં શઙ્ખાભં શ્વેતમેવ ચ

યદ્યત્સ્પૃશતિ હસ્તેન યચ્ચ પશ્યતિ ચક્ષુષા ।
પૂતં ભવતિ તત્સર્વં ગાયત્ત્ર્યા ન પરં વિદુઃ