ગરુડ પુરાણ · અધ્યાય 1.37

ઇતિ શ્રીગારુડે મહાપુરાણે પૂર્વખણ્ડે પ્રથમાંશાખ્યે આચારકાણ્ડે સંધ્યાવિધિર્નામ ષટ્ત્રિંશો ઽધ્યાયઃ
શ્રીગરુડમહાપુરાણમ્- 37
હરિરુવાચ ।
ગાયત્ત્રી પરમા દેવી ભુક્તિમુક્તિપ્રદા ચ તામ્ ।
યો જપેત્તસ્ય પાપાનિવિનશ્યન્તિ મહાન્ત્યપિ

ગાયત્ત્રીકલ્પમાખ્યાસ્યે ભુક્તિમુક્તિપ્રદં ચ તત્ ।
અષ્ટોત્તરં સહસ્રં વા અથવાષ્ટશતં જપેત્

ત્રિસન્ધ્યં બ્રહ્મલોકીસ્યાચ્છતં જપ્ત્વા જલં પિબેત્ ।
સંધ્યાયાં સર્વપાપઘ્નીં દેવીમાવાહ્ય પૂજયેત્

ભૂર્ભુવઃ સ્વઃ સ્વમન્ત્રેણ યુતાં દ્વાદશનામભિઃ ।
ગાયત્ર્યૈ નમઃ ।
સાવિત્ર્યૈ સરસ્વત્યૈ નમોનમઃ

વેદમાત્રે ચ સાંકૃત્યૈ બ્રહ્માણી કૌશિકી ક્રમાત્ ।
સાધ્વ્યૈ સર્વાર્થસાધિન્યૈ સહસ્રાક્ષ્યૈ ચ ભૂર્ભુવઃ

સ્વરેવં જુહુયા દગ્નૌ સમિદાજ્યં હવિષ્યકમ્ ।
અષ્ટોત્તરસહસ્રં વાપ્યથવાષ્ટશન્ત ઘૃતમ્

ધર્મકામાદિસિદ્ધ્યર્થં જુહુયાત્સર્વકર્મસુ ।
પ્રતિમાં ચન્દનસ્વર્ણનિર્મિતાં પ્રતિપૂજ્ય ચ

યથા લક્ષં તુ જપ્તવ્યં પયોમૂલફલાર્શનૈઃ ।
અયુતદ્વયહોમેન સર્વકામાનવાપ્નુયાત્

ઉત્તરે શિખરે જાતા ભૂમ્યાં પર્વત વાસિની ।
બ્રહ્મણા સમનુજ્ઞાતા ગચ્છ દેવિ યથાસુખમ્