ગરુડ પુરાણ · અધ્યાય 1.33

ઇતિ શ્રીગારુડે મહાપુરાણે પૂર્વખણ્ડે પ્રથમાંશાખ્યે આચારકાણ્ડે પઞ્ચતત્ત્વા(વિષ્ણવર્) ચ નવિધિર્નામ દ્વાત્રિંશો ઽધ્યાયઃ
શ્રીગરુડમહાપુરાણમ્- 33
રુદ્ર ઉવાચ ।
સુદર્શનસ્ય પૂજાં મે વદ શઙ્ખગદાધર ।
ગ્રહરોગાદિકં સર્વં યત્કૃત્વા નાશમેતિ વૈ

હરિરુવાચ ।
સુદર્શનસ્ય ચક્રસ્ય શૃણુ પૂજાં વૃષધ્વજ ।
સ્નાનમાદૌ પ્રકુર્વીત પૂજયેચ્ચ હરિં તત

મૂલમન્ત્રેણ વૈ ન્યાસં મૂલમન્ત્રં શૃણુષ્વચ ।
સહસ્રારં હું ફટ્ નમો મન્ત્રઃ પ્રણવપૂર્વકઃ

કથિતઃ સર્વદુષ્ટાનાં નાશકો મન્ત્રભેદકઃ ।
ધ્યાયેત્મુદર્શનં દેવં હૃદિ પદ્મે ઽમલે શુભે

શઙ્કચક્રગદાપદ્મધરં સૌમ્યં કિરીટિનમ્ ।
આવાહ્ય મણ્ડલે દેવં પૂર્વોક્તવિધિના હર

પૂજયેદ્રન્ધપુષ્પાદ્યૈરુપચારૈર્મહેશ્વર ।
પૂજયિત્વા જપેન્મન્ત્રં શતમષ્ટોત્તરં નરઃ

એવં યઃ કુરુતે રુદ્ર ! ચક્રસ્યાર્ચનમુત્તમમ્ ।
સર્વરોગવિનિર્મુક્તો વિષ્ણુલોકં સમાપ્નુયાત્

એતત્સ્તોત્રં જપેત્પશ્ચાત્સર્વવ્યાધિવિનાશનમ્ ।
નમઃ સુદર્શનાયૈવ સહસ્રાદિત્યવર્ચસે

જ્વાલામાલાપ્રદીપ્તાય સહસ્રારાય ચક્ષુષે ।
સર્વદુષ્ટવિનાશાય સર્વપાતકમર્દિને

સુચક્રાય વિચક્રાય સર્વમન્ત્રવિભેદિને ।
પ્રસવિત્રે જગદ્ધાત્રે જગદ્વિધ્વંસિને નમઃ

પાલનાર્થાય લોકાનાં દુષ્ટાસુરવિનાશિને ।
ઉગ્રાય ચૈવ સૌમ્યાય ચણ્ડાય ચ નમોનમઃ

નમશ્ચક્ષુઃ ક્વરૂપાય સંસારભયભેદિને ।
માયાપઞ્જરભેત્રે ચ શિવાય ચ નમોનમઃ

ગ્રહાતિગ્રહરૂપાય ગ્રહાણાં પતેય નમઃ ।
કાલાય મૃત્યવે ચૈવ ભીમાય ચ નમોનમઃ

ભક્તાનુગ્રહદાત્રે ચ ભક્તગોપ્ત્રે નમોનમઃ ।
વિષ્ણુરૂપાય શાન્તાય ચાયુધાનાં ધરાય ચ

વિષ્ણુશસ્ત્રાય ચક્રાય નમો ભૂયો નમોનમઃ ।
ઇતિ સ્તોત્રં મહાપુણ્યં ચક્રસ્ય તવ કીર્તિતમ્

યઃ પઠેત્પરયા ભક્ત્યા વિષ્ણુલોકં સ ગચ્છતિ ।
ચક્રપૂજાવિધિં યશ્ચ પઠેદ્રુદ્ર જિતોન્દ્રિયઃ ।
સ પાપં ભસ્મસાત્કૃત્વા વિષ્ણુલોકાય કલ્પતે