ગરુડ પુરાણ · અધ્યાય 1.3

ઇતિ શ્રીગારુડે મહાપુરાણે પૂર્વખણ્ડે પ્રથમાંશાખ્યે આચારકાણ્ડે શ્રીગરુડમહાપુરાણોત્પત્તિનિરૂપણં નામ દ્વિતીયો ઽધ્યાયઃ
શ્રીગરુડમહાપુરાણમ્- 3
સૂત ઉવાચ ।
ઇતિ રુદ્રાબ્જજો વિષ્ણોઃ શુશ્રાવ બ્રહ્મણો મુનિઃ ।
વ્યાસો વ્યાસાદહં વક્ષ્યેહં તે શૌનક નૈમિષે

મુનીનાં શૃણ્વતાં મધ્યે સર્ગાદ્યં દેવપૂજનમ્ ।
તીર્થં ભુવનકોશં ચ મન્વન્તરમિહોચ્યતે

વર્ણાશ્રમાદિધર્માશ્ચ દાનરાજાદિધર્મકાઃ ।
વ્યવહારો વ્રતં વંશા વૈદ્યકં સનિદાનકમ્

અઙ્ગાનિ પ્રલયો ધર્મકામાર્થજ્ઞાનમુત્તમમ્ ।
સપ્રપઞ્ચં નિષ્પ્રપઞ્ચં કૃતં વિષ્ણોર્નિગદ્યતે

પુરાણે ગારુડે સર્વં ગરુડો ભગવાનથ ।
વાસુદેવપ્રસાદેન સામર્થ્યાતિશયૈર્યુતઃ

ભુત્વા હરેર્વાહનં ચ સર્ગાદીનાં ચ કારણમ્ ।
દેવાન્વિજિત્ય ગરુડો હ્યમૃતાહરણં તથા

ચક્રે ક્ષુધા હૃતં યસ્ય બ્રહ્માણ્ડમુદરે હરેઃ ।
યં દૃષ્ટ્વા સ્મૃતમાત્રેણ નાગાન્દીનાં ચ સંક્ષયઃ

કશ્યપો ગારુડાદ્વૃક્ષં દગ્ધં ચાજીવયદ્યતઃ ।
ગરુડઃ સ હરિસ્તેન પ્રોક્તં શ્રીકશ્યપાય ચ

તચ્છ્રીમદ્રારુડં પુણ્યં સર્વદં પઠતસ્તવ ।
વક્ષ્યે વ્યાસં નમસ્કૃત્ય શૃણુ શૌનક તદ્યથા