ગરુડ પુરાણ · અધ્યાય 1.207

ઇતિ શ્રીગારુડે મહાપુરાણે પૂર્વખણ્ડે પ્રથમાન્- આચારદૃ નામ ષડુત્તરદ્વિશતતમો ઽધ્યાયઃ
શ્રીગરુડમહાપુરાણમ્- 207
સૂત ઉવાચ ।
વાસુદેવં ગુરું નત્વા ગણં શમ્ભું સરસ્વતીમ્ ।
માત્રાવર્ણપ્રભેદેન ચ્છન્દો વક્ષ્યે ઽલ્પબુદ્ધયે

સર્વાદિમધ્યાન્તગલૌ મ્નૌ ભ્યૌ જ્રૌ સ્તૌ ત્રિકા ગણાઃ ।
આર્યા ચતુષ્કલાદ્યન્તસર્વમધ્યે ચતુર્ગણાઃ

વ્યઞ્જનાન્તો વિસર્ગાન્તૌ દીર્ઘો યુક્તપરો ગુરુઃ ।
સાનુસ્વારશ્ચ પાદાન્તો વા ઇત્યુક્તો દ્વિમાત્રકઃ

યદા નાપિ ક્રમં યોગે લઘુતાપિ ક્વચિદ્ગુરોઃ ।
શ્લોકચાર્યાદિસંજ્ઞા સ્યાદ્યતિર્વિચ્છેદસંજ્ઞિકા

જ્ઞેયઃ પાદશ્ચ તુર્યાંશો યુક્ સમં વિષમન્ત્વયુક્ ।
સમમર્ધસમં વૃત્તં વિષમઞ્ચ તૃતીયકમ્