ગરુડ પુરાણ · અધ્યાય 1.193

ઇતિ શ્રીગારુડે મહાપુરાણે પૂર્વખણ્ડે પ્રથમાંશાખ્યે આચારકાણ્ડે દ્વિનવત્યધિક શતતમો ઽધ્યાયઃ
શ્રીગરુડમહાપુરાણમ્- 193
હરિરુવાચ ।
પલાણ્ડુજીરકે કુષ્ઠમશ્વગન્ધાજમોદકમ્ ।
વચા ત્રિકટુકઞ્ચૈવ લવણં ચૂર્ણમુત્તમમ્

બ્રાહ્મીરસૈર્ભાવિતઞ્ચ સર્પિર્મધુસમન્વિતમ્ ।
સપ્તાહં ભક્ષિતં કુર્યાન્નિર્મલાઞ્ચ મતિં પરામ્

સિદ્ધાર્થકં વચા હિઙ્ગુ કરઞ્જં દેવદારુ ચ ।
મઞ્જિષ્ઠા ત્રિફલા વિશ્વં શિરીષો રજનીદ્વયમ્

પ્રિયઙ્ગુનિમ્બત્રિક્રટુ ગોમૂત્રેણૈવ ઘર્ષિતમ્ ।
નસયમાલેપનઞ્ચૈવ તથા ચોદ્વર્તનં હિતમ્

અપસ્મારવિષોન્માદશોષાલક્ષ્મીજ્વરાપહમ્ ।
ભૂતેભ્યશ્ચભયં હન્તિ રાજદ્વારેષુ યોજનાત્

નિમ્બં કુષ્ઠં હરિદ્રે દ્વે શિગ્રુ સર્ષપજં તથા ।
દેવદારુ પટોલઞ્ચ ધાન્યં તક્રેણ ઘર્ષિતમ્

દેહં તૈલાક્ત ગાત્રં વૈ નયેદુદ્વર્તનેન ચ ।
પામાઃ કુષ્ઠાનિ નશ્યેયુઃ કણ્ડૂં હન્તિ ચ નિશ્ચિતમ્

સામુદ્રં સૈન્ધવં ક્ષારો રાજિકા લવણં વિડમ્ ।
કટુલોહરજશ્ચૈવં ત્રિવૃત્સૂરણકં સમમ્ ।
દધિગોમૂત્રપયસા મન્દપાવકપાચિતમ્

બલાગ્નિવર્ધકં ચૂર્ણં પિબેદુષ્ણેન વારિણા ।
જીર્ણે ઽજીર્ણે તુ ભુઞ્જતિ માંસ્યાદિઘૃતમુત્તમમ્

નાભિશૂલં મૂત્રશૂલં ગુલ્મપ્લીહભવઞ્ચ યત્ ।
સર્વશૂલહરં ચૂર્ણં જઠરાનલદીપનમ્ ।
પરિણામસમુત્થસ્ય શૂલસ્ય ચ હિતં પરમ્

અભયામલકં દ્રાક્ષા પિપ્પલી કણ્ટકારિકા ।
શૃઙ્ગી પુનર્નવા શુણ્ઠી જગ્ધા કાસં નિહન્તિ વૈ

અભયામલકં દ્રાક્ષા પાઠા ચૈવ વિભીતકમ્ ।
શર્કરાયા સમં ચૈવ જગ્ધં જ્વરહરં ભવેત્

ત્રિફલા બદરં દ્રાક્ષા પિપ્પલી ચ વિરેકકૃત્ ।
હરીતકી સોષ્ણાનીરલવણઞ્ચ વિરેકકૃત્

કૂર્મમત્સ્યાશ્વમહિષગોશૃગાલાશ્ચ વાનરાઃ ।
વિડાલબર્હિકાકાશ્ચ વરાહોલૂકકુક્કુટાઃ

હંસ એષાઞ્ચ વિણ્મૂત્રં માંસં વા રોમ શોણિતમ્ ।
ધૂપં દદ્યાજ્જ્વરાર્તેભ્ય ઉન્મત્તેભ્યશ્ચ શાન્તયે

એતાન્યૌષધજાતાનિ કથિતાનિ ઉમાપતે ।
નિઘ્નન્તિ તાશ્ચ રોગાંશ્ચ વૃક્ષમિન્દ્રાશનિર્યથા

ઔષધંભગવાન્વિષ્ણુઃ સંસ્મૃતો રોગનુદ્ભવેત્ ।
ધ્યાતો ઽર્ચિતઃ સ્તુતો વાપિ નાત્ર કાર્યા વિચારણા