ગરુડ પુરાણ · અધ્યાય 1.194

ઇતિ શ્રીગારુડે મહાપુરાણે પૂર્વખણ્ડે પ્રથમાંશાખ્યે આચારકાણ્ડે ત્રિનવત્યધિકશતતમો ઽધ્યાયઃ
શ્રીગરુડમહાપુરાણમ્- 194
હરિરુવાચ ।
સર્વવ્યાધિહરં વક્ષ્યે વૈષ્ણવં કવચં શુભમ્ ।
યેન રક્ષા કૃતા શમ્ભોર્દૈત્યાન્ક્ષપયતઃ પુરા

પ્રણમ્ય દેવમીશાનમજં નિત્યમનામયમ્ ।
દેવં સર્વેશ્વરં વિષ્ણું સર્વવ્યાપિનમવ્યયમ્

બધ્નામ્યહં પ્રતિસરં નમસ્કૃત્ય જનાર્દનમ્ ।
અમોઘાપ્રતિમં સર્વં સર્વદુઃ ખનિવારણમ્

વિષ્ણુર્મામગ્રતઃ પાતુ કૃષ્ણો રક્ષતુ પૃષ્ઠતઃ ।
હરિર્મે રક્ષતુ શિરો હૃદયઞ્ચ જનાર્દનઃ

મનો મમ હૃષીકેશો જિહ્વાં રક્ષતુ કેશવઃ ।
પ્રાતુ નેત્રે વાસુદેવઃ શ્રોત્રે સઙ્કર્ષણો વિભુઃ

પ્રદ્યુમ્નઃ પાતુ મે ઘ્રાણમનિરુદ્ધસ્તુ ચર્મ ચ ।
વનમાલી ગલસ્યાન્તં શ્રીવત્સો રક્ષતામધઃ

પાર્શ્વં રક્ષતુ મે ચક્રં વામં દૈત્યનિવારણમ્ ।
દક્ષિણન્તુ ગદા દેવી સર્વાસુરનિવારિણી

ઉદરં મુસલં પાતુ પૃષ્ઠં મે પાતુ લાઙ્ગલમ્ ।
ઊર્ધ્વં રક્ષતુ મે શાર્ઙ્ગં જઙ્ઘે રક્ષતુ નન્દકઃ

પાર્ષ્ણો રક્ષતુ શઙ્ખશ્ચ પદ્મં મે ચરણાવુભૌ ।
સર્વકાર્યાર્થસિદ્ધ્યર્થં પાતુ માં ગરુડઃ સદા

વરાહો રક્ષતુ જલે વિષમેષુ ચ વામનઃ ।
અટવ્યાં નરસિંહશ્ચ સર્વતઃ પાતુ કેશવઃ

હિરણ્યગર્ભો ભગવાન્હિરણ્યં મે પ્રયચ્છતુ ।
સાંખ્યાચાર્યસ્તુ કપિલો ધાતુસામ્યં કરોતુ મે

શ્વેતદ્વીપનિવાસી ચ શ્વેતદ્વીપં નયત્વજઃ ।
સર્વાન્સૂદયતાં શત્રૂન્મધુકૈટભમર્દનઃ

સદાકર્ષતુ વિષ્ણુશ્ચ કિલ્બિષં મમ વિગ્રહાત્ ।
હંસો મત્સ્યસ્તથા કૂર્મઃ પાતુ માં સર્વતોદિશમ્

ત્રિવિક્રમસ્તુ મે દેવઃ સર્વપાપાનિ કૃન્તતુ ।
તથા નારાયણો દેવો બુદ્ધિં પાલયતાં મમ

શેષો મે નિર્મલં જ્ઞાનં કરોત્વજ્ઞાનનાશનમ્ ।
વડવામુખો નાશયતાં કલ્મષં યત્કૃતં મયા

પદ્ભ્યાં દદાતુ પરમં સુખં મૂર્ધ્નિ મમ પ્રભુઃ ।
દત્તાત્રેયઃ પ્રકુરુતાં સપુત્રપશુબાન્ધવમ્

સર્વાનરીન્નાશયતુ રામઃ પરશુના મમ ।
રક્ષોઘ્નસ્તુ દશરથિઃ પાતુ નિત્યં મહાભુજઃ

શત્રીન્હલેન મે હન્યાદ્રામો યાદવનન્દનઃ ।
પ્રલમ્બકેશિચાણૂરપૂતનાકંસનાશનઃ ।
કૃષ્ણસ્ય યો બાલભાવઃ સ મે કામાન્પ્રયચ્છતુ

અન્ધકારતમોઘોરં પુરુષં કૃષ્ણષિઙ્ગલમ્ ।
પશ્યામિ ભયસન્ત્રસ્તઃ પાશહસ્તમિવાન્તકમ્

તતો ઽહં પુણ્ડરીકાક્ષમચ્યુતં શરણં ગતઃ ।
ધન્યો ઽહં નિર્ભયો નિત્યં યસ્ય મે ભગવાન્હરિઃ

ધ્યાત્વા નારાયણં દેવં સર્વોપદ્રવનાશનમ્ ।
વૈષ્ણવં કવચં બદ્ધ્વા વિચરામિ મહીતલે

અપ્રધૃષ્યો ઽસ્મિ ભૂતાનાં સર્વદેવમયો હ્યહમ્ ।
સ્મરણાદ્દેવદેવસ્ય વિષ્ણોરમિતતેજસઃ

સિદ્ધિર્ભવતુ મે નિત્યં યથામન્ત્રમુદાહૃતમ્ ।
યો માં પશ્યતિ ચક્ષુર્ભ્યાં યઞ્ચઃ પશ્યામિ ચક્ષુષા ।
સર્વેષાં પાપદુષ્ટાનાં વિષ્ણુર્બધ્નાતુ ચક્ષુષી

વાસુદેવસ્ય યચ્ચક્રં તસ્ય ચક્રસ્ય યે ત્વરાઃ ।
તે હિ ચ્છિન્દન્તુ પાપાન્મે મમ હિંસન્તુ હિંસકાન્

રાક્ષસેષુ પિશાચેષુ કાન્તારેષ્વટવીષુ ચ ।
વિવાદે રાજમાર્ગેષુ દ્યૂતેષુ કલહેષુ ચ

નદીસન્તારણે ઘોરે સંપ્રાપ્તે પ્રાણસંશયે ।
અગ્નિચૌરનિપાતેષુ સર્વગ્રહનિવારણે

વિદ્યુત્સર્પવિષોદ્વેગે રોગે વૈ વિઘ્નસઙ્કટે ।
જપ્યમેતજ્જપેન્નિત્યં શરીરે ભયમાગતે

અયં ભગવતો મન્ત્રો મન્ત્રાણાં પરમો મહાન્ ।
વિખ્યાતં કવચં ગુહ્યં સર્પપાપપ્રણાશનમ્ ।
સ્વમાયાકૃતિનિર્માણં કલ્પાન્તગહનં મહત્

અનાદ્યન્ત ! જગદ્બીજ ! પદ્મનાભ ! નમો ઽસ્તુ તે ।
ઓં કાલાય સ્વાહા । ઓં કાલપુરુષાય સ્વાહા । ઓં કૃષ્ણાય સ્વાહા ।
ઓં કૃષ્ણરૂપાય સ્વાહા । ઓં ચણ્ડાય સ્વાહા । ઓં ચણ્ડરૂપાય સ્વાહા ।
ઓં પ્રચણ્ડાય સ્વાહા । ઓં પ્રચણરૂપાય સ્વાહા । ઓં સર્વાય સ્વાહા ।
ઓં સર્વરૂપાય સ્વાહા । ઓં નમો ભુવનેશાય ત્રિલોકધાત્રે ઇહ વિટિ સિવિટિ સિવિટિ સ્વાહા। ઓં નમઃ અયોખેતયે યે યે સંજ્ઞાપય દૈત્યદાનવયક્ષરાક્ષસભૂતપિશાચકૂષ્માણ્ડાન્તાપસ્મારકચ્છર્દનદુદ્ધર્રાણામેકાહિકદ્વ્યાહિકત્ર્યાહિકચાતુર્થિકમૌહૂર્તિકદિનજ્વરરાત્રિજ્વરસન્ધ્યાજ્વરસર્વજ્વરાદીનાં લૂતાકીટકણ્ટકપૂતનાભુજઙ્ગસ્થાવરજઙ્ગમવિષાદી નામિદં શરીરં મમ પથ્યં ત્વં કુરુ સ્ફુટ સ્ફુટ સ્ફુટ પ્રકોટ લફટ વિકટદંષ્ટ્ર પૂર્વતો રક્ષતુ ઓં હૈ હૈ હૈ હૈ દિનકરસહસ્રકાલસમાહતો જય પશ્ચિમતો રક્ષ ઓં નિવિ નિવિ પ્રદીપ્તજ્વલનજ્વાલાકાર મહાકપિલ ઉત્તરતો રક્ષ ઓં વિલિ વિલિ મિલિ મિલિ ગરુડિ ગરુડિ ગૌરીગાન્ધારીવિષમોહવિષમવિષમાં મહોહયતુ સ્વાહા દક્ષિણતો રક્ષ માં પશ્ય સર્વભૂતભયોપદ્રવેભ્યો રક્ષ રક્ષ જય જય વિજય તેન હીયતે રિપુત્રાસાહઙ્કૃતવાદ્યતો ભયનુદભયતો ઽભયં દિશતુચ્યુતં ।
તદુદરમખિલં વિશન્તુ યુગપરિવર્તસહસ્રસંખ્યેયો ઽસ્તંહંસમિવ પ્રવિશન્તિ રશ્મયઃ ।
વાસુદેવસઙ્કર્ષણપ્રદ્યુમ્નાશ્ચાનિરુદ્ધકઃ ।
સર્વજ્વરાન્મમઘ્નન્તુ વિષ્ણુર્નારાયણો હરિઃ