ગરુડ પુરાણ · અધ્યાય 1.191

ઇતિ શ્રીગારુડે મહાપુરાણે પૂર્વખણ્ડે પ્રથમાંશાખ્યે આચારકાણ્ડે નવત્યધિકશતતમો ઽધ્યાયઃ
શ્રીગરુડમહાપુરાણમ્- 191
હરિરુવાચ ।
પુનર્નવાયા મૂલઞ્ચ શ્વેતં પુષ્યે સમાહૃતમ્ ।
વારિ પીતં તસ્ય પાર્શ્વ ભવનેષુ ન પન્નગાઃ

તાર્ક્ષ્યમૂર્તિં વહેદ્યો વૈ ભલ્લૂકદન્તનિર્મિતામ્ ।
સ પન્નગૈર્ન દૃશ્યેત યાવજ્જીવં વૃષધ્વજ

પિબેચ્છલ્મલિમૂલં યઃ પુષ્યર્ક્ષે રુદ્ર વારિણા ।
તસ્મિન્નપાસ્તદશના નાગાઃ સ્યુર્નાત્ર સંશયઃ

પુષ્યે લજ્જાલુકામૂલે હસ્તબદ્ધે તુ પન્નગાન્ ।
ગૃહ્ણીયાલ્લેપતો વાપિ નાત્ર કાર્યા વિચારણા

પુષ્યેશ્વેતાર્કમૂલન્તુ પીતં શીતેન વારિણા ।
નશ્યેતુ દંશકવિષં કરવીરાદિજં વિષમ્

મહાકાલસ્ય વૈ મૂલં પિષ્ટં તત્કાઞ્જિકેન વૈ ।
વોડ્રાણાં ડુણ્ડુભાનાં ચ તલ્લોપો હરતે વિષમ્

તણ્ડુલીયકમૂલં ચ પિષ્ટં તણ્ડુલવારિણા ।
ઘૃતેન સહ પીતન્તુ હરેત્સર્વાવિષાણિ ચ

નીલીલજ્જાલુકામૂલં પિષ્ટં તણ્ડુલવારિણા ।
પીતં તદ્દંશકવિષં નશ્યેદેકેન વોભયોઃ

કૂષ્માણ્ડકસ્ય સ્વરસઃ સગુડઃ સહશર્કરઃ ।
પીતઃ સદુગ્ધો હન્યાચ્ચ દંશકસ્યવિષં ચ વૈ

તથા કોદ્રવમૂલસ્ય મોહસ્ય હર એવ ચ ।
યષ્ટીમધુસમાયુક્તા તથા પીતા ચ શર્કરા

સદુગ્ધા ચ ત્રિરાત્રેણ મૂષકાનાં વિષં હરેત્ ।
ચુલુકત્રયપાનાચ્ચ વારિણઃ શીતલસ્ય વૈ

તામ્બૂલદગ્ધમુખસ્ય લાલાસ્ત્રાવો વિનશ્યતિ ।
ઘૃતં સશર્કરં ષીત્વા મદ્યપાનમદો ન વૈ

કૃષ્ણાઙ્કોલસ્ય મૂલેન પીતં સુક્વથિતં જલમ્ ।
તતો નશ્યદ્ગરવિષં ત્રિરાત્રેણ મહેશ્વર

ઉષ્ણં ગવ્યઘૃતં ચૈવ સૈન્ધવેન સમન્વિતમ્ ।
નાશયેત્તન્મહાદેવ વેદનાં વૃશ્ચિકોદ્ભવામ્

કુસુભં કઙ્કુમઞ્ચૈવ હરિતાલં મનઃ શિલા ।
કરઞ્જં પિષિતં ચૈવ હ્યર્કમૂલં ચ શઙ્કર

વિષંનૃણાં વિનશ્યેત્તુ એતેષાં ભક્ષણાચ્છિવ ।
દીપતૈલપ્રદાનાચ્ચ દંશૈરાકીટજૈઃ શિવ ।
ખર્જૂરકવિષં નશ્યેત્તદા વૈ નાત્ર સંશયઃ

દંશસ્થાનં વૃશ્ચિકસ્ય શુણ્ઠી તગરસંયુતા ।
નશ્યેન્મધુમક્ષિકાયા એતેષાં લેપતો વિષમ્

શતપુષ્પા સૈન્ધવઞ્ચ સાજ્યં વા તેન લેપયેત્ ।
શિરીષસ્ય તુ બીજંવૈ સિદ્ધ ક્ષીરેણ ઘર્ષિતમ્

તલ્લેપેન મહાદેવ નશ્યેત્કુક્કુરજં વિષમ્ ।
જ્વલિતાગ્નિર્વારિસેકો તથા દર્દુરજં વિષમ્

ધત્તૂરકરસોન્મિશ્રં ક્ષીરાદ્યગુડપાનતઃ ।
શૂનાં વિષં વિનશ્યેત્તુ શશાઙ્કાઙ્કિતશેખર

વટનિમ્બશમીનાઞ્ચ વલ્કલૈઃ ક્વથિતં જલમ્ ।
તત્સેકાન્મુખદન્તાનાં નશ્યેદ્વૈ વિષવેદના

લેપનાદ્દેવદારોશ્ચ ગૈરિકસ્ય ચ લેપનાત્ ।
નાગેશ્વરો દરિદ્રે દ્વે તથા મઞ્જિષ્ઠકા હર ।
એભિર્લેપાદ્વિનશ્યેત્તુ લૂતાવિષમુમાપતે

કરઞ્જસ્ય તુ બીજાનિ વરુણચ્છદમેવ ચ ।
તિલાશ્ચ સર્ષપા હન્યુર્વિષં વૈ નાત્ર સંશયઃ

ઘૃતં કુમારીપત્રં વૈ દત્તં સલવણં હર ।
તુરઙ્ગમશરીરાણાં કણ્ડૂર્નશ્યેદ્દશાહતઃ