ગરુડ પુરાણ · અધ્યાય 1.189

ઇતિ શ્રીગારુડે મહાપુરાણે પૂર્વખણ્ડે પ્રથમાંશાખ્યે આચારકાણ્ડે વ્રણાચિ દૃમાષ્ટાશીત્યધિકશતતમો ઽધ્યાયઃ
શ્રીગરુડમહાપુરાણમ્- 189
હરિરુવાચ ।
શ્વેતાપરાજિતાપુષ્પરસેનાક્ષ્ણોશ્ચ પૂરણે ।
પટલં નાશમાયાતિ નાત્ર કાર્યા વિચારણા

મૂલં ગોક્ષુરકસ્યૈવ ચર્વિત્વા નીલલોહિત ।
દન્તકીટવ્યથા નશ્યેત્સુરાસુરવિમર્દન્

નારી પુષ્પાદિને પીત્વા ગોક્ષીરેણોપવાસતઃ ।
શ્વેતાર્કસ્ય તુ વૈ મૂલં તસ્યાસ્તદ્ગુલ્મશૂલનુત્

શ્વેતાર્કપુષ્પં વિધિના ગૃહીતં પૂર્વમન્ત્રિતમ્ ।
ઋતુશુદ્ધા ચ લલના કટૌ બદ્ધ્વા પ્રસૂયતે

હસ્તબદ્ધં પલાશસ્ય અપામાર્ગસ્ય વા હર ।
મૂલં સર્વજ્વરહરં ભૂતપ્રેતાદિનુદ્ભવેત્

પીતં વૃશ્ચિકમૂલઞ્ચ પ્રાતઃ પર્યુષિતામ્બુના ।
સાર્ધં વિનાશયેદ્દાહજ્વરઞ્ચ પરમેશ્વર

શિખાયાઞ્ચૈવ તદ્બદ્ધં ભવેદૈકાહિકાહિનુત્ ।
પીતં પર્યુષિતાદ્ભિશ્ચ ભવેત્સર્વવિષાપહૃત્

યસ્ય લજ્જાલુકામૂલં દીયતે ચ સ્વરેતસા ।
સાર્ધં સ વૈરં સંયાતિ પુમાન્સ્ત્રી વા ન સંશયઃ

પિષ્ટ્વા ગવ્યઘૃતેનૈવ પાઠામૂલં પિબેત્તુ યઃ ।
સર્વં વિષં વિનશ્યેચ્ચ નાત્ર કાર્યા વિચારણા

મૂલં પર્યુષિતોદેન શિરીષસ્ય યથા તથા ।
રક્તચિત્રકમૂલસ્ય રસસ્ય ભરણાદ્ધર ।
કર્ણયોઃ કામલાવ્યાધિનાશઃ સ્યાન્નાત્ર સંશયઃ

શ્વેતકોકિલાક્ષમૂલં છાગીક્ષીરેણ સંયુતમ્ ।
ત્રિસપ્તાહેન વૈ પીતં ક્ષયરોગં ક્ષયં નયેત્

નારિકેલસ્ય વૈ પુષ્પં છાગક્ષીરેણ સંયુતમ્ ।
પિબેચ્ચ ત્રિવિધસ્તસ્ય રક્તવાતો વિનશ્યતિ

કુર્યાત્સુદર્શનામૂલં માલ્યેન સુસમાહૃતમ્ ।
કણ્ઠબદ્ધ ત્ર્યાહિકાદિગ્રહભૂતવિનાશનમ્

પુષ્પં ધવલગુઞ્જાયા ગૃહીતં મૂલમેવ ચ ।
મુખે તુ નિહિતં રુદ્ર હરેન્નાનાવિષં બહુ

હસ્તે બદ્ધં કાણ્ડયુક્તં કણ્ઠે બદ્ધં ગ્રહાદિહૃત્ ।
કૃષ્ણાયાન્તુ ચતુર્દશ્યાં કટિબદ્ધં સમાહૃતમ્ ।
સિંહાદિશ્વાપદાદ્ભીતિં હરેચ્ચ નીલલોહિત

વિષ્ણુક્રાન્તામૂલમીશ કર્ણબદ્ધન્તુ ધારયેત્ ।
પટ્ટસૂત્રેણ ભૂતેશ મકરાદિભયં ન વૈ