ગરુડ પુરાણ · અધ્યાય 1.187

ઇતિ શ્રીગારુડે મહાપુરાણે પૂર્વખણ્ડે પ્રથમાંશાખ્યે આચારકાણ્ડે ષડશીત્યધિકશતતમો ઽધ્યાયઃ
શ્રીગરુડમહાપુરાણમ્- 187
હરિરુવાચ ।
હસ્તિકર્ણપલાશસ્ય પત્રાણિ? ચૂર્ણયેદ્ધર ।
સર્વરોગવિનિર્મુક્તં ચૂર્ણં પલશતં શિવ

સક્ષીરં ભક્ષીતં કુર્યાત્સપ્તાહેન વૃષધ્વજ ।
નરં શ્રુતિધરં રુદ્ર મૃગેન્દ્રગતિવિક્રમમ્

પદ્મરાગપ્રતીકાશંયુક્તં દશશતાયુષા ।
ષોડશાબ્દાકૃતિં રુદ્ર સતતં દુગ્ધભોજનાત્

મધુસર્પિઃસમાયુક્તં દુગ્ધમાયુષ્કરં ભવેત્ ।
તજ્જગ્ધં મધુના સાર્ધં દશવર્ષ સહસ્રિણમ્

કુર્યાન્નરં શ્રુતિધરં પ્રમદાજનવલ્લભમ્ ।
દધ્ના નિત્યં ભક્ષિતન્તુ વજ્રદેહકરં ભવેત્

કેશરાજિસમાયુક્તં નરં વર્ષસહસ્રિણમ્ ।
તચ્ચ કાઞ્જિકસંયુક્તં નરં કુર્યાચ્ચ ભક્ષિતમ્

શતવર્ષં દિવ્યદેહં વલીપલિતવર્જિતમ્ ।
જગ્ધં ત્રિફલયા ક્ષૌદ્રં ચક્ષુષ્મન્તં કરોતિ વૈ

અન્ધઃ પશ્યેત્તુ ચૂર્ણસ્ય સાજ્યસ્યૈવ તુ ભક્ષણાત્ ।
મહિષીક્ષીરસંયુક્તસ્તલ્લેપઃ કૃષ્ણકેશકૃત્

ખલ્વાટસ્ય ચ વૈ કેશા ભવન્તિ વૃષભધ્વજ ।
તૈલયુક્તેન ચૂર્ણેન વલીપલિતનાશનમ્

તદુદ્વર્તનમાત્રેણ સર્વરાગઃ પ્રમુચ્યતે ।
સચ્છાગક્ષીરચૂર્ણેન દૃષ્ટિઃ સ્યાન્માસતો ઽઞ્જનાત્

પલાશસ્ય ચ બીજાનિ શ્રાવણે વિતુષાણિ ચ ।
ગૃહીત્વા નવનીતેન તેષાં ચૂર્ણં ચ ભક્ષયેત્

કર્ષાર્ધમેકં સેવેત નત્વા નિત્યં હરિં પ્રભુમ્ ।
પુરાણષષ્ટિધાન્યસ્ય પથ્યમમ્બુ પિબન્હર ।
જીવેદ્વર્ષસહસ્રાણિ વલીપલિતવર્જિતઃ

ભૃઙ્ગરાજસ્ય વૈ મૂલં પુષ્યર્ક્ષે તુ સમાહૃતમ્ ।
વિધાય તસ્ય ચૂર્ણં વૈ સસૌવીરઞ્ચ ભક્ષયેતં

માસમાત્રપ્રયોગેણ વલીપલિતવર્જિતઃ ।
શતાનિ પઞ્ચ જીવેચ્ચ નરો નાગબલો ભવેત્ ।
ભવેચ્છ્રુતિધરો રુદ્ર પુષ્યર્ક્ષે ચૈવ ભક્ષણાત્