ગરુડ પુરાણ · અધ્યાય 1.186

ઇતિ શ્રીગારુડે મહાપુરાણે પૂર્વખણ્ડે પ્રથમાંશાખ્યે આચારકાણ્ડે મન્ત્રતન્ત્રવૈદ્યપ્રયોદૃપઞ્ચાશીત્યધિશતતમો ઽધ્યાયઃ
શ્રીગરુડમહાપુરાણમ્- 186
હરિરુવાચ ।
પીતઃ સારો ગુડૂચ્યાશ્ચ મધુના ચ પ્રમેહનુત્ ।
પીતં ગોહાલિકામૂલં તિલદધ્યાજ્યસંયુતમ્

નિરુદ્ધમૂત્રં ક્વથિતં નિવર્તયતિ શઙ્કર ।
તથા હિક્કાં હરેત્પીતં સૌવર્ચલયુતઞ્ચ વૈ

ગોરક્ષકર્કટીમૂલં પિષ્ટં શીતોદકેન ચ ।
પીતં દિનત્રયેણૈવ નાશયેદ્રુદ્ર શર્કરામ્

પિષ્ટ્વા વૈ માલતીમૂલં ગ્રીષ્મકાલે સમાહિતમ્ ।
સાધિતં છાગદુગ્ધેન પતિં શર્કસ્યાન્વિતમ્ ।
હરેન્મૂત્રનિરોધઞ્ચ હરેદ્વૈ પાણ્ડુશર્કરામ્

દ્વિજયષ્ટ્યાશ્ચ વૈ મૂલં પિષ્ટં તણ્ડુલવારિણા ।
ગણ્ડમાલાં હરેલ્લેપાદસાધ્યં ગલગણ્ડકમ્

રસાઞ્જનં હરીતક્યાશ્ચૂર્ણં તેનૈવ ગુણ્ઠનાત્ ।
નાશયેત્પુરુષો વ્યાધીન્નાત્ર કાર્યા વિચારણા

કરવીરમૂલલેપાદ્વૈ લેપાત્પૂગફલસ્ય ચ ।
પુંવ્યાધિર્નશ્યતે રુદ્ર યોગમન્યં વદામ્યહમ્

દન્તીમૂલં હરિદ્રા ચ ચિત્રકં તસ્ય લેપનાત્ ।
ભગન્દરવિનાશઃ સ્યાદન્યં યોગં વદામ્યહમ્ ।
જલૌકાજગ્ધરક્તઞ્ચ ભગન્દરમુમાપતે

ત્રિફલાજલઘૃષ્ટઞ્ચ માર્જારાસ્થિ વિલેપિતમ્ ।
તતો ન પ્રસ્ત્રવેદ્રક્તં નાત્ર કાર્યા વિચારણા

હરિદ્રાનેકવારઞ્ચ સ્નુહીક્ષીરેણ ભાવિતા ।
વટિકાર્ઽશોવિનાશાય તલ્લેપાદ્વૃષભધ્વજ ।
ઘોષાફલં સૈન્ધવઞ્ચ પિષ્ટ્વા ચાર્શોહરં પરમ્

ગવ્યાજ્યં સાધિતં પીતં પલાશક્ષારવારિણા ।
ત્રિગુણેન ત્રિકટુકં અર્શાંસિ ક્ષપયેચ્છિવ

બિલ્વસ્ય ચ ફલં દગ્ધં રક્તાર્શઃ પ્રવિનાશનમ્ ।
જગ્ધવા કૃષ્ણતિલાનેવ નવનીતયુતાનપિ

શુણ્ઠીચૂર્ણં યવક્ષારયુક્તં તુલ્યગુડાન્વિતમ્ ।
અગ્નિવૃદ્ધિં કરોત્યેવ પ્રત્યૂષે વૃષભધ્વજ

શુણ્ઠ્યા ચ ક્વથિતં વારિ પીતં ચાગ્નિં કરોતિ વૈ ।
હરીતકીં સૈન્ધવઞ્ચ ચિત્રકં રુદ્ર પિપ્પલી

ચૂર્ણમુષ્ણોદકેનૈષાં પીતં ચાતિક્ષુધાકરમ્ ।
સાજ્યં સૂકરમાંસં વૈ પીતં ચાતિક્ષુધાકરમ્