ગરુડ પુરાણ · અધ્યાય 1.18

ઇતિ શ્રીગારુડે મહાપુરાણે પૂર્વખણ્ડે પ્રથમાંશાખ્યે આચારકાણ્ડે સૂર્યાર્ચન વિધિર્નામ સપ્તદશો ઽધ્યાયઃ
શ્રીગરુડમહાપુરાણમ્- 18
સૂત ઉવાચ ।
ગરુડોક્તં કશ્યપાય વક્ષ્યે મૃત્યુઞ્જયાર્ચનમ્ ।
ઉદ્ધારપૂર્વકં પુણ્યં સર્વદેવમયં મતમ્

ઓઙ્કારં પૂર્વમુદ્ધૃત્ય જુ(હુ)ઙ્કાંરં તદનન્તરમ્ ।
સવિસર્ગં તૃતીયં સ્યાન્મૃત્યુદારિદ્રયમર્દનમ્

ઈશવિષ્ણવર્કદેવ્યાદિકવચં સર્વસાધકમ્ ।
અમૃતેશં મહામન્ત્રન્ત્ર્યક્ષરં પૂજનં સમમ્ ।
જપનાન્મૃત્યુહીનાઃ સ્યુઃ સર્વપાપવિવર્જિતાઃ

શતજપ્યાદ્વેદફલં યજ્ઞતીર્થફલં લભેત્ ।
અષ્ટોત્તરશતાજ્જાપ્યાત્રિસન્ધ્યં મૃત્યુ શત્રુજિત

ધ્યાયેચ્ચ સિતપદ્મસ્થં વરદં ચાભયં કરે ।
દ્વાભ્યાં ચામૃતકુમ્ભં તુ ચિન્તયેદમૃતેશ્વરમ્

તસ્યૈવાઙ્ગગતાં દેવીમમૃતામૃતભાષિણી(વિનિ) મ્ ।
કલશં દક્ષિણે હસ્તે વામહસ્તે સરોરુહમ્

જપેદષ્ટસહસ્રં વૈ ત્રિસન્ધ્યં માસમેકતઃ ।
જરામૃત્યુમહાવ્યાધિશત્રુચ્છિવશાન્તિદમ્

આહ્વાનં સ્થાપનં રોધં સન્નિધાનં નિવેશનમ્ ।
પાદ્યમા ચમનં સ્નાનમર્ઘ્યં સ્રગનુલેપનમ્

દીપાંબરં ભૂષણં ચ નૈવદ્યં પાનવીજનમ્ ।
માત્રામુદ્રાજપધ્યાનં દક્ષિણા ચાહુતિઃ સ્તુતિઃ

વાદ્યં ગતિં ચ નૃત્યં ચ ન્યાસયોગં પ્રદક્ષિણમ્ ।
પ્રણતિર્મન્ત્રશય્યા ચ વન્દનં ચ વિસર્જનમ્

ષડઙ્ગાદિપ્રકારેણ પૂજનં તુ ક્રમોદિતમ્ ।
પરમેશમુખોદ્રીતં યો જાનાતિ સ પૂજકઃ

અર્ઘ્યપાત્રાર્ચનં ચાદાવસ્ત્રેણૈવ તુ તાડનમ્ ।
શોધનં કવચેનૈવ અમૃતીકરણં તતઃ

પૂજા ચાધારશક્ત્યાદેઃ પ્રાણાયામં તથાસને ।
પીઠસુદ્ધિં તતઃ કુર્યાચ્છોષણાદ્યૈસ્તતઃ સ્મરેત્

આત્માનં દેવરૂપં ચ કરાઙ્ગન્યાસકં ચરેત્ ।
આત્માનં પૂજયેત્પશ્ચાજ્યો તીરૂપં હૃદબ્જતઃ

મૂર્તૌ વા સ્થણ્ડિલે વાપિ ક્ષિપેત્પુષ્પં તુ ભાસ્વરમ્ ।
આહ્વાનદ્વારપૂજાર્થં પૂજા ચાધારશક્તિતઃ

સાન્નિધ્યકરણં દેવે પરિવારસ્ય પૂજનમ્ ।
અઙ્ગષટ્કસ્ય પૂજા વૈ કર્તવ્યા ચ વિપશ્ચિતૈઃ

ધર્માદયશ્ચ શક્રાદ્યાઃ સાયુધાઃ પરિવારકાઃ ।
યુગવેદમુહૂર્તાશ્ચ પૂજેયં ભુક્તિમુક્તિકૃત્

માતૃકાશ્ચ ગણાંશ્ચાદૌ નન્દિગઙ્ગે ચ પૂજયેત્ ।
મહાકાલં ચ યમનાં દેહલ્યાં પૂજયેત્પુરા

ઓં અમૃતેશ્વર ઓં ભૈરવાય નમઃ ।
એવં ઓં જું હંસઃ સૂર્યાય નમઃ

એવં શિવાય કૃષ્ણાય બ્રહ્મણે ચ ગણાય ચ ।
ચણ્ડિકાયૈ સરસ્વત્યૈ મહાલક્ષ્માદિ પૂજયેત્