ગરુડ પુરાણ · અધ્યાય 1.17

ઇતિ શ્રીગારુડે મહાપુરાણે પૂર્વખણ્ડે પ્રથમાંશાખ્યે આચારકાણ્ડે હરિધ્યાનસૂર્યાર્ચનયોર્નિરૂપણં નામ ષોડશો ઽધ્યાયઃ
શ્રીગરુડમહાપુરાણમ્- 17
હરિરુવાચ ।
પુનઃ સૂર્યાર્ચનં વક્ષ્યે યદુક્તં ધનદાય હિ ।
અષ્ટપત્રં લિખેત્પદ્મં શુચૌ દેશે સકર્ણિકમ્

આવાહનીં તતો બદ્ધા મુદ્રામાવાહયેદ્રવિમ્ ।
ખખોલ્કં સ્થાપ્ય મુદ્રાં તુ સ્થાપયેન્મન્ત્રરૂપિણીમ્

આગ્નેય્યાં દિશિ દેવસ્ય હૃદયં સ્થાપયેચ્છિવ ! ।
ઐશાન્યાં તુ શિરઃ સ્થાપ્યં નૈરૃત્યાં વિન્યસેચ્છિખામ્

પૌરન્દર્યાં ન્યસેદ્ધર્ંમમેકાગ્રસ્થિતમાનસઃ ।
વાયવ્યાં ચૈવ નેત્રં તુ વારુણ્યામસ્ત્રમેવ ચ

ઐશાન્યાં સ્થાપયેત્સોમં પૌરન્દર્યાં તુ લોહિતમ્ ।
આગ્નેય્યાં સોમતનયં યામ્યાં ચૈવ બૃહસ્પતિમ્

નૈરૃત્યાં દાનવગુરું વારુણ્યાં તુ શનૈશ્ચરમ્ ।
વાયવ્યાં ચ તથા કેતું કૌબેર્યાં રાહુમેવ ચ

દ્વિતીયાયાં તુ કક્ષાયાં સૂર્યાન્દ્વાદશ પૂજયેત્ ।
ભગઃ સૂર્યોર્ઽય્યમા ચૈવ મિત્રો વૈ વરુણસ્તથા

સવિતા ચૈવ ધાતા ચ વિવસ્વાંશ્ચ મહાબલઃ ।
ત્વષ્ટા પૂષા તથા ચેન્દ્રો દ્વાદશો વિષ્ણુરુચ્યતે

પૂર્વાદાવર્ચયેદ્દેવાનિન્દ્રાદીઞ્છ્રદ્ધયા નરઃ ।
જયા ચ વિજયા ચૈવ જયન્તિ ચાપરાજિતા ।
શેષશ્ચ વાસુકિશ્ચૈવ નાગાનિત્યાદિ પૂજયેત્