ગરુડ પુરાણ · અધ્યાય 1.19

ઇતિ શ્રીગારુડે મહાપુરાણે પૂર્વખણ્ડે પ્રથમાંશાવ્યે આચારકાણ્ડે ઽમૃતેશમૃત્યુઞ્જયપૂજનં નામાષ્ટાદશો ઽધ્યાયઃ
શ્રીગરુડમહાપુરાણમ્- 19
સૂત ઉવાચ ।
પ્રાણેશ્વરં ગારુડં ચ શિવોક્તં પ્રવદામ્યહમ્ ।
સ્થાનાન્યાદૌ પ્રવક્ષ્યામિ નાગદષ્ટો ન જીવતિ

ચિતાવલ્મીકશૈલાદૌ કપે ચ વિવરે તરોઃ ।
દંશે રેખાત્રયં યસ્ય પ્રચ્છન્નં સ ન જીવતિ

ષષ્ઠ્યાં ચ કર્કટે મેષે મૂલાશ્લેષામઘાદિષુ ।
કક્ષાશ્રોણિગલે સન્ધૌ શઙ્ખકર્ણોદરાદિષુ

દણ્ડી શસ્ત્રધરો ભિક્ષુર્ન ગ્નાદિઃ કાલદૂતકઃ ।
બાહૌ ચ વક્ક્રે ગ્રીવાયાં દષ્ટાયાં ન હિ જીવતિ

પૂર્વં દિનપતિર્ભુઙ્ક્તે અર્ધયામં તતો ઽપરે ।
શેષા ગ્રહાઃ પ્રતિદિનં ષટ્સંખ્યા પરિવર્તનૈઃ

નાગભોગઃ ક્રમાઞ્જ્ઞેયો રાત્રૌ બાણવિવર્તનૈઃ ।
શેષોર્ઽકઃ ફણિપશ્ચન્દ્રસ્તક્ષકો ભૌમ ઈરિતઃ

કર્કોટો જ્ઞો ગુરુઃ પદ્મો મહાપદ્મશ્ચ ભાર્ગવઃ ।
શઙ્ખઃ શનૈશ્ચરો રાહુઃ કુલિકશ્ચાહયો ગ્રહાઃ

રાત્રૌ દિવા સુરગુરોર્ભાગે સ્યાદમરાન્તકઃ ।
પઙ્ગોઃ કાલે દિવા રાહુઃ કુલિકેન સહ સ્થિતઃ

યામાર્ધસન્ધિસંસ્થાં ચ વેલાં કાલવતીં ચરેત્ ।
બાણદ્વિષડ્વહ્નિવાજિયુગભૂરેકભાગતઃ?

દિવા ષડેદનેત્રાદ્રિપઞ્ચત્રિમાનુષાંશકૈઃ ।
પાદાઙ્ગુષ્ઠે પાદપૃષ્ઠે પાદપૃષ્ઠે ગુલ્ફે જાનુનિ લિઙ્ગકે

નાભૌ હૃદિ સ્તનતટે કણ્ઠે નાસાપુટે ઽક્ષિણિ ।
કર્ણયોશ્ચ ભ્રુવોઃ શઙ્ખે મસ્તકે પ્રતિપત્ક્રમાત્

તિષ્ઠચ્ચન્દ્રશ્ચ જીવેચ્ચ પુંસો દક્ષિણભાગકે ।
કાયસ્ય વામભાગે તુ સ્ત્રિયા વાયુવહાત્કરાત્

અમૃતસ્તત્કૃતો મોહો નિવર્તેત ચ મર્દનાત્ ।
આત્મનઃ પરમં બીજં હંસાખ્યં સ્ફટિકામલમ્

દાતવ્યં વિષપાપઘ્નં બીજં તસ્ય ચતુર્વિધમ્ ।
વિન્દુપઞ્ચસ્વરયુતમાદ્યમુક્તં દ્વિતીયકમ્ ।
ષષ્ઠારૂઢં તૃતીયં સ્યાત્સવિસર્ગં ચતુર્થકમ્ ।
ઓં કુરુ કુલે સ્વાહા

વિદ્યા ત્રૈલોક્યરક્ષાર્થં ગરુડેન ધૃતા પુરા ।
વધેપ્સુર્નાગનાગાનાં મુખે ઽથ પ્રણવં ન્યસેત્

ગલે કુરુ ન્યસેદ્ધીમાન્કુલે ચ ગુલ્ફયોઃ સ્મૃતઃ ।
સ્વાહા પાદયુગે ચૈવ યુગહા ન્યાસ ઈરિતઃ

ગૃહે વિવિખિતા યત્ર તન્નાગાઃ સંત્યજન્તિ ચ ।
સહસ્રમન્ત્રં જપ્ત્વા તુ કર્ણે સૂત્રં ધૃતં તથા

યદ્રૃહે શર્કરા જપ્તા ક્ષિપ્તા નાગાસ્ત્યજન્તિ તત્ ।
સપ્તલક્ષસ્ય જપ્યાદ્ધિ સિદ્ધિઃ પ્રાપ્તા સુરાસુરૈઃ

ઓં સુવર્ણરેખે કુક્કુટવિગ્રહરૂપિણિ સ્વાહા ।
એવઞ્ચાષ્ટદલે પદ્મ દલે વર્ણયુગં લિખેત્

નામૈતદ્વારિધારાભિઃ સ્નાતો દષ્ટો વિષં ત્યજેત્ ।
ઓં પક્ષિ સ્વાહા

અઙ્ગુષ્ઠાદિ કનિષ્ઠાન્તં કરે ન્યસ્યાથ દેહકે ।
કે (કૈ) વક્ક્રે હૃદિ લિઙ્ગે ચ પાદયોર્ગરુડસ્ય હિ

નાક્રામન્તિ ચ તચ્છાયાં સ્વપ્ને ઽપિ વિષપન્નગાઃ ।
યસ્તુ લક્ષં જપેચ્ચાસ્યાઃ સ દૃષ્ટ્વા(ષ્ટ્યા) નાશયેદ્વિષમ્

ઓં હ્રી હ્રૌ હ્રીં ભિ(ભી) રુણ્ડાયૈ સ્વાહા ।
કર્ણે જપ્તા ત્વિયં વિદ્યા દષ્ટકસ્ય વિષં હરેત્

અ આ ન્યસેત્તુ પાદાગ્રે ઇ ઈ ગુલફે ઽથ જાનુનિ ।
ઉ ઊ એ ઐ કટિતટે ઓ નાભૌ હૃદિ ઔ ન્યસેત્

વક્ક્રે અમુત્તમાઙ્ગે અઃ ન્યસેદ્વૈ હંસસંયુતાઃ ।
હંસો વિષાદિ ચ હરેજ્જપ્તો ધ્યાતો ઽથ પૂજિતઃ

ગરુડો ઽહમિતિ ધ્યાત્વા કુર્યાદ્વિષહરાં (રીં) ક્રિયામ્ ।
હંમન્ત્રં ગાત્રવિન્યસ્તં વિષાદિહરમીરિતમ્

ન્યસ્ય હંસં વામકરે નાસામુખનિરોધકૃત્ ।
મન્ત્રો હરેદ્દષ્ટકસ્ય ત્વઙ્માંસાદિગતં વિષમ્

સ વાયુના સમાકૃષ્ય દષ્ટાનાં ગરલં હરેત્ ।
તનૌ ન્યસેદ્દષ્ટકસ્ય નીલકણ્ઠાદિ સંસ્મરેત્

પીતં પ્રત્યઙ્ગિરામૂલં તણ્ડુલદ્ભિર્વિષાપહમ્ ।
પુનર્નવાફલિનીનાં મૂલં વક્ક્રજમીદૃશમ્

મૂલં શુક્લબૃહત્યાસ્તુ કર્કોટ્યાગૈરિકર્ણિકમ્ ।
અદ્ભિર્ઘૃષ્ટઘૃતોપેતલેપો ઽયં વિષમર્દનઃ

વિષમૃદ્ધિં ન વ્રજેચ્ચ ઉષ્ણં પિબતિ યો ઘૃતમ્ ।
પઞ્ચાઙ્ગં તુ શિરીષસ્ય મૂલં ગૃઞ્જનજં તથા

સર્વાઙ્ગલેપતશચાપિ પાનાદ્વા વિષહૃદ્ભવેત્ ।
હ્રીં ગોનસાદિવિષહૃત્

હૃલ્લલાટવિસર્ગાન્તં ધ્યાતં વશ્યા દિકૃદ્ભવેત્ ।
ન્યસ્તં યોનૌ વશેત્કન્યાં કુર્યાન્મદજલાવિલમ્

જપ્ત્વા સપ્તાષ્ટસાહસ્રં ગરુત્માનિવ સર્વગઃ ।
કવિઃ સ્યાચ્છ્રુતિધરી ચ વશ્યાઃ સ્ત્રીશ્ચાયુરાપ્નુયાત્ ।
વિષહૃત્સ્યાત્કથા તદ્વન્મણિર્વ્યાસઃ સ્મૃતો ધ્રુવમ્