ગરુડ પુરાણ · અધ્યાય 1.179

ઇતિ શ્રીગારુડે મહાપુરાણે પૂર્વખણ્ડે પ્રથમાંશાખ્યે આચારકાણ્ડે હ્યષ્ટસપ્તત્યધિકશતતમો ઽધ્યાયઃ
શ્રીગરુડમહાપુરાણમ્- 179
હરિરુવાચ ।
હરિતાલં યવક્ષાંરં પત્રાઙ્ગં રક્તચન્દનમ્ ।
જાતિહિઙ્ગુલકં લાક્ષાં પક્ત્વા દન્તાન્પ્રલેપયેત્

હરીતકીકષાયેણ મૃષ્ટ્વા દન્તાન્પ્રલેપયેત્ ।
દન્તાઃ સ્યુર્લોહિતાઃ પુંસઃ શ્વેતા રુદ્ર ન સંશયઃ

મૂલકં સ્વિદ્ય મન્દાગ્નૌ રસં તસ્ય પ્રપૂરયેત્ ।
કર્ણયોઃ પૂરણાત્તેન કર્ણસ્ત્રાવો વિનશ્યતિ

અર્કપત્રં ગૃહીત્વા તુ મન્દાગ્નૌ તાપયેચ્છનૈઃ ।
નિષ્પીડ્ય પૂરયેત્કર્ણૌ કર્ણશૂલં વિનશ્યતિ

પ્રિયઙ્ગુમધુકા ચૈવ ધાતક્યુત્પલપાઙ્ક્તિભિઃ ।
મઞ્જિષ્ઠા લોધ્રલાક્ષાભિઃ કપિત્થસ્વરસેન ચ ।
પચેત્તૈલં તથા સ્ત્રીણાં નશ્યેત્ક્લેદઃ પ્રપૂરણાત્

શુષ્કમૂલકશુણ્ઠીનાં ક્ષારો હિઙ્ગુમહૌષધમ્ ।
સતપુષ્પાવચા કુષ્ઠં દારુ શિગ્ર રસાઞ્જનમ્

સૌવર્ચલં યવક્ષારં તથા સર્જકસૈન્ધવમ્ ।
તથા ગ્રન્થિર્વિડં મુસ્તં મધુયુક્તં ચતુર્ગુણમ્

માતુલું ગરસસ્તદ્વત્કદલ્યાશ્ચ રસો હિ તૈઃ ।
પક્વતૈલં હરેદાશુ સ્ત્રાવાદીંશ્ચ ન સંશયઃ

કર્ણયોઃ કૃમિનાશઃ સ્યાત્કટુતૈલસ્ય પૂરણાત્ ।
હરિદ્રા નિમ્બપત્રાણિ પિપ્પલ્યો મરિચાનિ ચ

વિડઙ્ગભદ્રં મુસ્તઞ્ચ સપ્તમં વિશ્વભેષજમ્ ।
ગોમૂત્રેણ ચ પિષ્ટ્વૈવ કૃત્વા ચ વટિકાં હર ! ।
અજીર્ણહૃદ્ભવેચ્ચૈકં દ્વયં વિષૂચિકાપહમ્

પટોલં મધુના હન્તિ ગોમૂત્રેણ તથાબુદમ્ ।
એષા ચ શઙ્કરી વર્તિઃ સર્વનેત્રામયા પહા