ગરુડ પુરાણ · અધ્યાય 1.178

ઇતિ શ્રીગારુડે મહાપુરાણે પૂર્વખણ્ડે પ્રથમાંશાખ્યે આચારકાણ્ડે નેત્રાઞ્જનાદિનિરૂપણં નામ સપ્તસપ્તત્યુત્તરશતતમો ઽધ્યાયઃ
શ્રીગરુડમહાપુરાણમ્- 178
હરિરુવાચ ।
બ્રહ્મદણ્ડીવચાકુષ્ઠં પ્રિયઙ્ગર્નાગકેશરમ્ ।
દદ્યાત્તામ્બૂલસંયુક્તં સ્ત્રીણાં મન્ત્રેણ તદ્વશમ્ ।
ઓં નારાયણ્યૈ સ્વાહા

તામ્બૂલં યસ્ય દીયેત સ વશી સ્યાત્સુમન્ત્રતઃ ।
ઓં હરિઃ હરિઃ સ્વાહા

ગોદન્તં હરિતાલઞ્ચ સંયુક્તં કાકજિહ્વયા ।
ચૂર્ણોકૃત્ય યસ્ય શિરે દીયતે સ વશી ભવેત્ ।
શ્વેતસર્ષપનિર્માલ્યં યદ્ગૃહે તદ્વિનાશકૃત્

વૈભી તકં શાખોટકં મૂલં પત્રેણ સંયુતમ્ ।
સ્થાપ્યતે યદ્ગૃહદ્વારે તત્ર વૈ કલહો ભવેત્

ખઞ્જરીટસ્ય માંસં તુ મધુના સહ પેષયેત્ ।
ઋતુકાલેયોનિલેપાત્પુરુષો દાસતામિયાત્

અગુરું ગુગ્ગુલું ચૈવ નીલોત્પલસમન્વિતમ્ ।
ગુડેન ધૂપયિત્વા તુ રાજદ્વારે પ્રિયો ભવેત્

શ્વેતાપ રાજિતામૂલં પિષ્ટં રોચનયા યુતમ્ ।
યં પશ્યેત્તિલકેનૈવ વશી કર્યાન્નૃપાલયે

કાકજઙ્ઘા વચા કુષ્ઠં નિમ્બપત્રં સુકુઙ્કુમમ્ ।
આત્મરક્તસમાયુક્તં વશી ભવતિ માનવઃ

આરણ્યસ્ય બિડાલસ્ય ગૃહિત્વા રુધિરં શુભમ્ ।
કરઞ્જતૈલે તદ્ભાવ્યં રુદ્રાગ્નૌ કજ્જલં તતઃ ।
પાતયેત્પદ્મપત્રેણ હાદૃશ્યઃ સ્યાત્તદઞ્જનાત્

ઓં નમઃ ખડ્ગવજ્રપાણયે મહાયક્ષસેનાપતયે સ્વાહા ।
ઓં રુદ્રં હ્રાં હ્રીં વરશક્તા ત્વરિતાવિદ્યા ।
ઓં માતરઃ સ્તમ્ભયસ્વાહા ।
સહસ્રં પરિજપ્યાત્તુ વિદ્યેયં ચૌરવારિણી ।
મહાસુગન્ધિકામૂલં શુક્રં સ્તમ્ભેત્કટૌ સ્થિતમ્

ઓં નમઃ સર્વસત્ત્વેભ્યો નમઃ સિદ્ધિં કુરુ કુરુ સ્વાહા ।
સપ્તાભિમન્ત્રિતં કૃત્વા કરવીરસ્ય પુષ્પકમ્ ।
સ્ત્રીણામગ્રે ભ્રામયચ્ચ ક્ષણાદ્વૈ સા વશે ભવેત્

બ્રહ્મદણ્ડીં વચાં પત્રં મધુના સહ પેષયેત્ ।
અઙ્ગલેપાચ્ચ વનિતા નાન્યં ભર્તારમિચ્છતિ

બ્રહ્મદણ્ડીશિખા વક્ત્રે ક્ષિપ્તા શુક્રસ્ય સ્તમ્ભનમ્ ।
મૂલં જયન્ત્યા વક્ત્રસ્થં વ્યવહારે જયપ્રદમ્

ભૃઙ્ગરાજસ્ય મૂલં તુ પિષ્ટં શુક્રેણ સંયુતમ્ ।
અક્ષિણી ચાઞ્જયિત્વા તુ વશી કર્યાન્નરં કિલ

અપરાજિતાશિખાન્તુ નીલોત્પલસમન્વિતામ્ ।
તામ્બૂલેન પ્ર (દાના) દદ્યાચ્ચ વશીકરણમુત્તમમ્

અઙ્ગુષ્ઠે ચ પદે ગુલ્ફે જાનૌ ચ જઘને તથા ।
નાભૌ વક્ષસિ કુક્ષૌ ચ કક્ષે કણ્ઠે કપોલકે

ઓષ્ઠે નેત્રે લલાટે ચ મૂર્ધ્નિ ચન્દ્રકલાઃ સ્થિતાઃ ।
સ્ત્રીણાં પક્ષે સિતે કૃષ્ણે ઊર્ધ્વાધઃ સંસ્થિતા નૃણામ્

વામાઙ્ગે દક્ષિણાઙ્ગે ચ ક્રમાદ્રુદ્ર દ્રવાદિકૃત્ ।
ચતુઃ ષષ્ટિ કલાઃ પ્રોક્તાઃ કામશાસ્ત્રે વશીકરાઃ ।
આલિઙ્ગનાદ્યા નારીણાં કમારીણાં વશીકરાઃ

રોચનાગન્ધુપુષ્પાણિ નિમ્બપુષ્પં પ્રિયઙ્ગવઃ ।
કુઙ્કમં ચન્દનઞ્ચૈવ તિલકેન જગદ્વશેત્

ઓં હ્રીં ગૌરિ દેવિ સૌભાગ્યં પુત્રવશાદિ દેહિ મે ।
ઓં હ્રીં લક્ષ્મિ ! દેવિ સૌભાગ્યં સર્વં ત્રૈલોક્યમોહનમ્

સગન્ધસ્ય હરિદ્રાયાઃ કુઙ્કમાનાં ચ લેપતઃ ।
વશયેદ્રુદ્ર ધૂપશ્ચ તથાપુષ્પસુગન્ધયોઃ

દુરાલભા વચા કુષ્ઠં કુઙ્કુમઞ્ચ શતાવરી ।
તિલતૈલેન સંયુક્તં યોનિલેપાદ્વશી નરઃ

નિમ્બકાષ્ઠસ્ય ધૂમેન ધૂપયિત્વા ભગં વધૂઃ ।
સુભગાસ્યાત્સાતિ રુદ્ર પતિર્દાસો ભવિષ્યતિ

માહિષં નવનીતઞ્ચ કષ્ટઞ્ચ મધુયષ્ટિકા ।
સૌભાગ્યં ભગલેપાત્સ્યાત્ પતિર્દાસો ભવેત્તથા

મધુયષ્ટિશ્ચ ગોક્ષીરં તથા ચ કણ્ટકારિકા ।
એતાનિ સમભાગાનિ પિબેદુષ્ણેન વારિણા ।
ચતુર્ભાગાવશેષેણ ગર્ભસમ્ભવમુત્તમમ્

માતુલુઙ્ગસ્ય બીજાનિ ક્ષીરેણ સહ ભાવયેત્ ।
તત્પીત્વા લભતે ગર્ભં નાત્ર કાર્યા વિચારણા

માતુલુઙ્ગસ્ય બીજાનિ મૂલાન્યેરણ્ડકસ્ય ચ ।
ઘૃતેન સહ સંયોજ્ય પાયયેત્પુત્રકાક્ષિણી

પશ્વગન્ધા મૃત દુગ્ધ ક્વથિતં મુત્રકારકમ્ ।
પલાશસ્ય તુ બીજાનિ ક્ષૌદ્રેણ સહ પેષયેત્ ।
રજસ્વલા તુ પીત્વા સ્યાત્મુષ્પગર્ભવિવર્જિતા