Garuda Purana · Chapter 1.178

iti śrīgāruḍe mahāpurāṇe pūrvakhaṇḍe prathamāṃśākhye ācārakāṇḍe netrāñjanādinirūpaṇaṃ nāma saptasaptatyuttaraśatatamo 'dhyāyaḥ
śrīgaruḍamahāpurāṇam- 178
hariruvāca /
brahmadaṇḍīvacākuṣṭhaṃ priyaṅgarnāgakeśaram /
dadyāttāmbūlasaṃyuktaṃ strīṇāṃ mantreṇa tadvaśam /
oṃ nārāyaṇyai svāhā

tāmbūlaṃ yasya dīyeta sa vaśī syātsumantrataḥ /
oṃ hariḥ hariḥ svāhā

godantaṃ haritālañca saṃyuktaṃ kākajihvayā /
cūrṇokṛtya yasya śire dīyate sa vaśī bhavet /
śvetasarṣapanirmālyaṃ yadgṛhe tadvināśakṛt

vaibhī takaṃ śākhoṭakaṃ mūlaṃ patreṇa saṃyutam /
sthāpyate yadgṛhadvāre tatra vai kalaho bhavet

khañjarīṭasya māṃsaṃ tu madhunā saha peṣayet /
ṛtukāleyonilepātpuruṣo dāsatāmiyāt

aguruṃ gugguluṃ caiva nīlotpalasamanvitam /
guḍena dhūpayitvā tu rājadvāre priyo bhavet

śvetāpa rājitāmūlaṃ piṣṭaṃ rocanayā yutam /
yaṃ paśyettilakenaiva vaśī karyānnṛpālaye

kākajaṅghā vacā kuṣṭhaṃ nimbapatraṃ sukuṅkumam /
ātmaraktasamāyuktaṃ vaśī bhavati mānavaḥ

āraṇyasya biḍālasya gṛhitvā rudhiraṃ śubham /
karañjataile tadbhāvyaṃ rudrāgnau kajjalaṃ tataḥ /
pātayetpadmapatreṇa hādṛśyaḥ syāttadañjanāt

oṃ namaḥ khaḍgavajrapāṇaye mahāyakṣasenāpataye svāhā /
oṃ rudraṃ hrāṃ hrīṃ varaśaktā tvaritāvidyā /
oṃ mātaraḥ stambhayasvāhā /
sahasraṃ parijapyāttu vidyeyaṃ cauravāriṇī /
mahāsugandhikāmūlaṃ śukraṃ stambhetkaṭau sthitam

oṃ namaḥ sarvasattvebhyo namaḥ siddhiṃ kuru kuru svāhā /
saptābhimantritaṃ kṛtvā karavīrasya puṣpakam /
strīṇāmagre bhrāmayacca kṣaṇādvai sā vaśe bhavet

brahmadaṇḍīṃ vacāṃ patraṃ madhunā saha peṣayet /
aṅgalepācca vanitā nānyaṃ bhartāramicchati

brahmadaṇḍīśikhā vaktre kṣiptā śukrasya stambhanam /
mūlaṃ jayantyā vaktrasthaṃ vyavahāre jayapradam

bhṛṅgarājasya mūlaṃ tu piṣṭaṃ śukreṇa saṃyutam /
akṣiṇī cāñjayitvā tu vaśī karyānnaraṃ kila

aparājitāśikhāntu nīlotpalasamanvitām /
tāmbūlena pra (dānā) dadyācca vaśīkaraṇamuttamam

aṅguṣṭhe ca pade gulphe jānau ca jaghane tathā /
nābhau vakṣasi kukṣau ca kakṣe kaṇṭhe kapolake

oṣṭhe netre lalāṭe ca mūrdhni candrakalāḥ sthitāḥ /
strīṇāṃ pakṣe site kṛṣṇe ūrdhvādhaḥ saṃsthitā nṛṇām

vāmāṅge dakṣiṇāṅge ca kramādrudra dravādikṛt /
catuḥ ṣaṣṭi kalāḥ proktāḥ kāmaśāstre vaśīkarāḥ /
āliṅganādyā nārīṇāṃ kamārīṇāṃ vaśīkarāḥ

rocanāgandhupuṣpāṇi nimbapuṣpaṃ priyaṅgavaḥ /
kuṅkamaṃ candanañcaiva tilakena jagadvaśet

oṃ hrīṃ gauri devi saubhāgyaṃ putravaśādi dehi me /
oṃ hrīṃ lakṣmi ! devi saubhāgyaṃ sarvaṃ trailokyamohanam

sagandhasya haridrāyāḥ kuṅkamānāṃ ca lepataḥ /
vaśayedrudra dhūpaśca tathāpuṣpasugandhayoḥ

durālabhā vacā kuṣṭhaṃ kuṅkumañca śatāvarī /
tilatailena saṃyuktaṃ yonilepādvaśī naraḥ

nimbakāṣṭhasya dhūmena dhūpayitvā bhagaṃ vadhūḥ /
subhagāsyātsāti rudra patirdāso bhaviṣyati

māhiṣaṃ navanītañca kaṣṭañca madhuyaṣṭikā /
saubhāgyaṃ bhagalepātsyāt patirdāso bhavettathā

madhuyaṣṭiśca gokṣīraṃ tathā ca kaṇṭakārikā /
etāni samabhāgāni pibeduṣṇena vāriṇā /
caturbhāgāvaśeṣeṇa garbhasambhavamuttamam

mātuluṅgasya bījāni kṣīreṇa saha bhāvayet /
tatpītvā labhate garbhaṃ nātra kāryā vicāraṇā

mātuluṅgasya bījāni mūlānyeraṇḍakasya ca /
ghṛtena saha saṃyojya pāyayetputrakākṣiṇī

paśvagandhā mṛta dugdha kvathitaṃ mutrakārakam /
palāśasya tu bījāni kṣaudreṇa saha peṣayet /
rajasvalā tu pītvā syātmuṣpagarbhavivarjitā