ગરુડ પુરાણ · અધ્યાય 1.16

ઇતિ શ્રીગારુડે મહાપુરાણે પૂર્વખણ્ડે પ્રથમાંશાખ્યે આચારકાણ્ડે શ્રીવિષ્ણુસહસ્રનામસ્તોત્રનિરૂપણં નામ પઞ્ચદશો ઽધ્યાયઃ
શ્રીગરુડમહાપુરાણમ્- 16
રુદ્ર ઉવાચ ।
પુનર્ધ્યાનં સમાચક્ષ્વ શઙ્ખચક્રગદાધર ।
વિષ્ણોરીશસ્ય દેવસ્ય શુદ્ધસ્ય પરમાત્મનઃ

હરિરુવાચ ।
શૃણુ રુદ્ર ! હરેર્ધ્યાનં સંસારતરુનાશનમ્ ।
દૃશિરૂપમનન્તં ચ સર્વવ્યાપ્યજમવ્યયમ્

અક્ષરં સર્વગં નિત્યં મહબ્દ્રહ્માસ્તિ કેવલમ્ ।
સર્વસ્ય જગતો મૂલં સર્વગં પરમેશવરમ્

સર્વભૂતહૃદિસ્થં વૈ સર્વભૂતમહેશ્વરમ્ ।
સર્વાધારં નિરાધારં સર્વકારણકારણમ્

અલેપકં તથા મુક્તં મુક્તયોગિવિચિતિતમ્ ।
સ્થૂલદેહવિહીનં ચ ચક્ષુષા પરિવર્જિતમ્

વાગિન્દ્રિયવિહીનં ચ પ્રાણિધર્ંમવિવર્જિતમ્ ।
પાદેન્દ્રિયવિહીનં ચ વાગ્ધર્મપરિવર્જિતમ્ ।
પાયૂપસ્થવિહીનં ચ સર્વૈંન્દ્રિય વિવર્જિતમ્

મનોવિરહિતં તદ્વન્મનોધર્ંમવિવર્જિતમ્ ।
બુદ્ધ્યા વિહીનં દેવેશં ચેતસા પરિવર્જિતમ્

અહઙ્કારવિહીનં વૈ બુદ્ધિધર્ંમવિવર્જિતમ્ ।
પ્રાણેન રહિતં ચૈવ હ્યપાનેન વિવર્જિતમ્

વ્યાનાખ્યવાયુહીનં વૈ પ્રાણધર્ંમવિવર્જિતમ્ ।
હરિરુવાચ ।
પુનઃ સૂર્યર્ચનં વક્ષ્યે યદુક્તં ભૃગવે પુરા

ઓં ખખોલ્કાય નમઃ ।
સૂર્યસ્ય મૂલમન્ત્રો ઽયં ભુક્તિમુક્તિપ્રદાયકઃ

ઓં ખખોલ્કાય ત્રિદશાય નમઃ ।
ઓં વિચિ ઠઠ શિરસે નમઃ ।
ઓં જ્ઞાનિને ઠઠ શિખાયૈ નમઃ ।
ઓં સહસ્રરશ્મયે ઠઠ કવચાય નમઃ

ઓં સર્વતેજો ઽધિપતયે ઠઠ અસ્ત્રાય નમઃ ।
ઓં જ્વલજ્વલ પ્રજ્વલપ્રજ્વલ ઠઠ નમઃ

અગ્નિપ્રાકારમન્ત્રો ઽયં સૂર્યસ્યાઘવિનાશનઃ ।
ઓં આદિત્યાય વિદ્મહે,વિશ્વભા વાય ધીમહિ, તન્નઃ સૂર્ય પ્રચોદયાત્

સકલીકરણં કુર્યાદ્રાયત્ર્યા ભાસ્કરસ્ય ચ ।
ધર્ંમાત્મને ચ પૂર્વસ્મિન્યમા યેતિ ચ દક્ષિણે

દણ્ડનાયકાય તતો દૈવતાયેતિ ચોત્તરે ।
શ્યામપિઙ્ગલમૈશાન્યામાગ્નેય્યાં દીક્ષિતં યજેત્

વજ્રપાણિં ચ નૈરૃત્યાં ભૂર્ભુવઃસ્વશ્ચ વાયવે ।
ઓં ચન્દ્રાય નક્ષત્રાધિપતયે નમઃ ।
ઓં અઙ્ગારકાય ક્ષિતિસુતાય નમઃ ।
ઓં બુધાય સોમસુતાય નમઃ ।
ઓં વાગીશ્વરાય સર્વવિદ્યાધિપતયે નમઃ ।
ઓં શુક્રાય મહર્ષયે ભૃગુસુતાય નમઃ ।
ઓં શનૈશ્ચરાય સૂર્યાત્મજાય નમઃ ।
ઓં રાહવે નમઃ ।
ઓં કેતવે નમઃ

પૂર્વાદીશાનપર્યન્તા એતે પૂજ્યા વૃષધ્વજ ।
ઓં અનૂકાય નમઃ ।
ઓં પ્રથમનાથાય નમઃ ।
ઓં બુદ્ધાય નમઃ

ઓં ભગવન્નપરિમિતમયૂખમાલિન્ ! સકલજગત્પતે ! સપ્તાશ્વવાહન ! ચતુર્ભુજ ! પરમસિદ્ધિપ્રદ ! વિસ્ફુલિઙ્ગપિઙ્ગલ ! તત એહ્યેહિ ઇદમર્ઘ્યં મમ શિરસિ ગતં ગૃહ્ણગૃહ્ણ તેજોગ્રરૂપમ્ અનગ્ન ! જ્વલજ્વલ ઠઠ નમઃ

અનેનાવાહ્ય મન્ત્રેણ તતઃ સૂર્યં વિસર્જયેત્ ।
ઓં નમો ભગવતે આદિત્યાય સહસ્ર કિરણાય ગચ્છ સુખં પુનરાગમનાયેતિ