ગરુડ પુરાણ · અધ્યાય 1.14

ઇતિ શ્રીગારુડે પૂર્વખણ્ડે પ્રથમાંશાખ્યે આચારકાણ્ડે વિષ્ણુપઞ્જરસ્તોત્રં નામ ત્રયોદશો ઽધ્યાયઃ
શ્રીગરુડમહાપુરાણમ્- 14
હરિરુવાચ ।
અથ યોગં પ્રવક્ષ્યામિ ભુક્તિમુક્તિકરં પરમ્ ।
ધ્યાયિભિઃ પ્રોચ્યતે ધ્યેયો ધ્યાનેન હરિરીશ્વરઃ

તચ્છૃણુષ્વ મહેશાન સર્વપાપવિનાશનમ્ ।
વિષ્ણુઃ સર્વેશ્વરો ઽનન્તઃ ષડ્ભિર્ભૂપરિવર્જિતઃ

વાસુદેવો જગન્નાથો બ્રહ્માત્માસ્મ્યહમેવ હિ ।
દેહિદેહસ્થિતો નિત્યઃ સર્વદેહવિવર્જિતઃ

દેહધર્ંમવિહીનશ્ચ ક્ષરાક્ષરવિવર્જિતઃ ।
ષડ્વિધેષુ સ્થિતો દ્રષ્ટા શ્રોતા ઘ્રાતા હ્યતીન્દ્રિયઃ

તદ્ધર્ંમરહિતઃ સ્રષ્ટા નામગોત્રવિવર્જિતઃ ।
મન્તા મનઃ સ્થિતો દેવો મનસા પરિવર્જિતઃ

મનોધર્ંમવિહીનશ્ચ વિજ્ઞાનં જ્ઞાનમેવ ચ ।
બોદ્ધા બુદ્ધિસ્થિતઃ સાક્ષી સર્વજ્ઞો બુદ્ધિવર્જિતઃ

બુદ્ધિધર્ંમવિહીનશ્ચ સર્વઃ સર્વગતો મનઃ ।
સર્વપ્રાણિવિનિર્મુક્તઃ પ્રાણધર્ંમવિવર્જિતઃ

પ્રાણપ્રાણો મહાશાન્તો ભયેન પરિવર્જિતઃ ।
અહઙ્કારાદિહીનશ્ચ તદ્ધર્ંમપરિવર્જિતઃ

તત્સાક્ષી તન્નિયન્તા ચ પરમાનન્દરૂપકઃ ।
જાગ્રત્સ્વપ્નસુષુપ્તિસ્થસ્તત્સાક્ષી તદ્વિવર્જિતઃ

તુરીયઃ પરમો ધાતા દૃગ્રૂપો ગુણવર્જિતઃ ।
મુક્તો બુદ્ધો ઽજરો વ્યાપી સત્ય આત્માસ્મ્યહં શિવઃ

એવં યે માનવા વિજ્ઞા ધ્યાયન્તીશં પરં પદમ્ ।
પ્રાપ્નુયુસ્તે ચ તદ્રૂપં નાત્ર કાર્યા વિચારણા

ઇતિ ધ્યાનં સમાખ્યાતં તવ શઙ્કર સુવ્રત ।
પઠેદ્ય એતત્સતતં વિષ્ણુલોકં સ ગચ્છતિ