ગરુડ પુરાણ · અધ્યાય 1.13

ઇતિ શ્રીગારુડે મહાપુરાણે પૂર્વખણ્ડે પ્રથમાંશાખ્યે આચારકાણ્ડે પૂજાનુક્રમનિરૂપણં નામ દ્વાદશો ઽધ્યાયઃ
શ્રીગરુડમહાપુરાણમ્- 13
હરિરુવાચ ।
પ્રવક્ષ્યામ્યધુના હ્યેતદ્વૈષ્ણવં પઞ્જરં શુભમ્ ।
નમોનમસ્તે મોવિદં ચક્રં ગૃહ્ય સુદર્શનમ્

પ્રાચ્યાં રક્ષસ્વ માં વિષ્ણો ! ત્વામહં શરણં ગતઃ ।
ગદાં કૌમોદકીં ગૃહ્ણ પદ્મનાભ નમો ઽસ્ત તે

યામ્યાં રક્ષસ્વ માં વિષ્ણો ! ત્વામહં શરણં ગતઃ ।
હલમાદાય સૌનન્દે નમસ્તે પુરુષોત્તમ

પ્રતીચ્યાં રક્ષ માં વિષ્ણો ! ત્વામહ શરણં ગતઃ ।
મુસલં શાતનં ગૃહ્ય પુણ્ડરીકાક્ષ રક્ષ મામ્

ઉત્તરસ્યાં જગન્નાથ ! ભવન્તં શરણં ગતઃ ।
ખડ્ગમાદાય ચર્ંમાથ અસ્ત્રશાસ્ત્રાદિકં હરે !

નમસ્તે રક્ષ રક્ષોઘ્ન ! ઐશાન્યાં શરણં ગતઃ ।
પાઞ્ચજન્યં મહાશઙ્ખમનુઘોષ્યં ચ પઙ્કજમ્

પ્રગૃહ્ય રક્ષ માં વિષ્ણો આગ્ન્યેય્યાં રક્ષ સૂકર ।
ચન્દ્રસૂર્યં સમાગૃહ્ય ખડ્ગં ચાન્દ્રમસં તથા

નૈરૃત્યાં માં ચ રક્ષસ્વ દિવ્યમૂર્તે નૃકેસરિન્ ।
વૈજયન્તીં સ્મપ્રગૃહ્ય શ્રીવત્સં કણ્ઠભૂષણમ્

વાયવ્યાં રક્ષ માં દેવ હયગ્રીવ નમો ઽસ્તુ તે ।
વૈનતેયં સમારુહ્ય ત્વન્તરિક્ષે જનાર્દન !

માં રક્ષસ્વાજિત સદા નમસ્તે ઽસ્ત્વપરાજિત ।
વિશાલાક્ષં સમારુહ્ય રક્ષ માં ત્વં રસાતલે

અકૂપાર નમસ્તુભ્યં મહામીન નમો ઽસ્તુ પ્તે ।
કરશીર્ષાદ્યઙ્ગુલીષુ સત્ય ત્વં બાહુપઞ્જરમ્

કૃત્વા રક્ષસ્વ માં વિષ્ણો નમસ્તે પુરુષોત્તમ ।
એતદુક્તં શઙ્કરાય વૈષ્ણવં પઞ્જરં મહત્

પુરા રક્ષાર્થમીશાન્યાઃ કાત્યાયન્યા વૃષધ્વજ ।
નાશાયામાસ સા યેન ચામરાન્મહિષાસુરમ્

દાનવં રક્તબીજં ચ અન્યાંશ્ચ સુરકણ્ટકાન્ ।
એતજ્જપન્નરો ભક્ત્યા શત્રૂન્વિજયતે સદા