ગરુડ પુરાણ · અધ્યાય 1.133

ઇતિ શ્રીગારુડે મહાપુરાણે પૂર્વખણ્ડે પ્રથમાંશાખ્યે આચારકાણ્ડે બુધાષ્ટમીવ્રતનિરૂપણં નામ દ્વાત્રિંશદુત્તરશતતમો ઽધ્યાયઃ
શ્રીગરુડમહાપુરાણમ્- 133
બ્રહ્મોવાચ ।
અશોકકલિકા હ્યષ્ટૌ યે પિબન્તિ પુનર્વસૌ ।
ચૈત્રે માસિ સિતાષ્ટમ્યાં ન તે શોકમવાપ્નુયુઃ

ત્વામશોક ! હરાભીષ્ટ ! મધુમાસસમુદ્ભવ ।
પિબામિ શોકસન્તપ્તો મામશોકં સદા કુરુ

(ઇત્યશોકાષ્ટમીવ્રતમ્) ।
બ્રહ્મોવાચ ।
શુક્લાષ્ટમ્યામાશ્વયુજે ઉત્તરાષાઢયા યુતા ।
સા મહાનવમીત્યુક્તા સ્નાનદાનાદિ ચાક્ષયમ્

નવમી કેવલા ચાપિ દુર્ગાં ચૈવ તુ પૂજયેત્ ।
મહાવ્રતં મહાપુણ્યં શઙ્કરાદ્યૈરનુષ્ઠિતમ્

અયાચિતાદિ ષષ્ઠ્યાદૌ રાજા શત્રુજયાયા ચ ।
જપહોમસમાયુક્તઃ કન્યાં વા ભોજયેત્સદા

દુર્ગેદુર્ગે રક્ષિણિ સ્વાહા મન્ત્રો ઽયં પૂજનાદિષુ ।
દીર્ઘાકારાદિમાત્રાભિર્નવ દેવ્યો નમો ઽન્તિકાઃ

ષડ્ભિઃ પદૈર્નમઃ સ્વાહા વષડાદિહૃદાદિકમ્ ।
અઙ્ગુષ્ઠાદિકનિષ્ઠાન્તં ન્યસ્ય વૈ પૃજયેચ્છિવામ્

અષ્ટમ્યાં નવ ગેહાનિ દારુજાન્યેકમેવ વા ।
તસ્મિન્દેવી પ્રકર્તવ્યા હૈમી વારાજતાપિ વા

શૂલે ખઙ્ગે પુસ્તકે વા પટે વા મણ્ડલે (પે) યજેત્ ।
કપાલં ખેટકં ઘણ્ટાં દર્પણં તર્જનીં ધનઃ

ધ્વજં ડમરુકં પાશં વામહસ્તેષુ બિભ્રતી ।
શક્તિં ચ મુદ્ગરં શૂલં વજ્રં ખઙ્ગં તથાઙ્કુશમ્

શરં ચક્રં શલાકાં ચ દુર્ગામાયુધસંયુતામ્ ।
શેષાઃ ષોડશહસ્તાં સ્યુરઞ્જનં ડમરું વિના

રુદ્રચણ્ડા પ્રચણ્ડા ચ ચણ્ડોગ્રા ચણ્ડનાયિકા ।
ચણ્ડા ચણ્ડવતી ચૈવ ચણ્ડરૂપાતિચણ્ડિકા

નવમી ચોગ્રચણ્ડા ચ મધ્યમાગ્નિપ્રભાકૃતિઃ ।
રોચના ત્વરુણા કૃષ્ણા નીલં ધૂમ્રા ચ શુક્રકા

પાતા ચ પાણ્ડુરા પ્રોક્તા આલીઢં હરિતં તથા ।
મ (મા) હિષો ઽસ્ય સ ખડ્ગાગ્રપ્રકચગ્રહમુષ્ટિકઃ

જપ્ત્વા દશાક્ષરીં વિદ્યાં નાસૌ કેનાપિ બધ્યતે ।
પઞ્ચ (ઞ્ચા) દશાઙ્ગુલં ખડ્ગં ત્રિશૂલં ચ તતો યજેત્ ।
લિઙ્ગસ્યાં પૂજયેદ્વાપિ પાદુકે ઽથ જલે ઽપિ વા

વિચિત્રાં રક્ષયેત્પૂજામષ્ટમ્યામુપવાસયેત્ ।
પઞ્ચાબ્દં મહિષં બસ્તં રાત્રિશેષે ચ ઘાતયેત્

વિધિવત્કાલિકાલીતિ તદુત્થરુધિરાદિકમ્ ।
નેરૃત્યાં પૂતનાં ચૈવ વાયવ્યાં પાપરાક્ષસીમ્

દદ્યાચ્ચરક્યૈ ચૈશાન્યામાગ્નેય્યાં ચ વિદારિકામ્