ગરુડ પુરાણ · અધ્યાય 1.134

ઇતિ શ્રીગારુડે મહાપુરાણે પૂર્વખણ્ડે પ્રથમાંશાખ્યે આચારકાણ્ડે મહાનવમીવ્રતં નામ ત્રયસ્ત્રિંશદુત્તરશતતમો ઽધ્યાયઃ
શ્રીગરુડમહાપુરાણમ્- 134
બ્રહ્મોવાચ ।
મહાકૌશિકમન્ત્રશ્ચ કથ્યતે ઽત્ર મહાફલઃ

(મહાકૌશિકમન્ત્રઃ)-ઓં મહાકૌશિકાય નમઃ ।
ઓં હૂં હૂં પ્રસ્ફુર લલ લલ કુલ્વ કુલ્વ ચુલ્વ ચુલ્વ ખલ્લ ખલ્લ મુલ્વ મુલ્વ ગુલ્વ ગુલ્વ તુલ્વ પુલ્લ પુલ્લ ધલ્વ ધુલ્વ ધુમ ધુમ ધમધમ મારય મારય ધકધક વજ્ઞાપયજ્ઞાપય વિદારયવિદારય કમ્પકમ્પ કમ્પયકમ્પય પૂરયપૂરય આવેશયાવેશય ઓં હ્રીં ઓં હ્રીં હં વં વં હું તટતટ મદમદ હ્રીં ઓં હૂં નૈરૃતાયા નમઃ નિરૃતયે દાતવ્યમ્ ।
મહાકૌશિકમન્ત્રેણ મન્ત્રિતં બલિમર્પયેત્

તસ્યાગ્રતો નૃપઃ સ્નાયાચ્છત્રં કૃત્વા ચ પૈષ્ટિકમ્ ।
ખડ્ગેન ઘાતયિત્વા તુ દદ્યાત્સ્કન્દવિશાખયોઃ

માતૄણાં ચૈવ દેવીનાં પૂજા કાર્યા તથા નિશિ ।
બ્રહ્માણી ચૈવ માહેશી કૌમારી વૈષ્ણવી તથા

વારાહી ચૈવ માહેન્દ્રી ચામુણ્ડા ચણ્ડિકા તથા ।
જયન્તી મઙ્ગલા કાલી ભદ્રકાલી કપાલિની

દુર્ગા ક્ષમા શિવા ધાત્રી સ્વાહા સ્વધા નમો ઽસ્તુ તે ।
ક્ષીરાદ્યૈઃ સ્નાપયેદ્દેવીં કન્યકાઃ પ્રમદાસ્તથા

દ્વિજાતી (દી) નથ પાષણ્ડાનન્નદાનેન પૂજયેત્ ।
ધ્વજપત્રપતાકાદ્યૈ રથયાત્રાસુ વસ્ત્રકૈઃ ।
મહાનવમ્યાં પૂજેયં જયરાજ્યાદિદાયિકા