ગરુડ પુરાણ · અધ્યાય 1.119

ઇતિ શ્રીગારુડે મહાપુરાણે પૂર્વખણ્ડે પ્રથમાંશાખ્યે આચારકાણ્ડે ઽખણ્ડદ્વાદશીવ્રતકથનંનામાષ્ટાદશોત્તર શતતમો ઽધ્યાયઃ
શ્રીગરુડમહાપુરાણમ્- 119
બ્રહ્મોવાચ ।
અગસ્ત્યાર્ઘ્યવ્રતં વક્ષ્યે ભુક્તિમુક્તિપ્રદાયકમ્ ।
અપ્રાપ્તે ભાસ્કરે કન્યાં સતિ ભાગે ત્રિભિર્દિનૈઃ

અર્ઘ્યં દદ્યાદગસ્ત્યાય મૂર્તિં સંપૂજ્ય વૈ મુને ! ।
કાશપુષ્પમયીં કુમ્ભે પ્રદોષે કૃતજાગરઃ

દધ્યક્ષતાદ્યૈઃ સંપૂજ્ય ઉપોષ્ય ફલપુષ્પકૈઃ ।
પઞ્ચવર્ણસમાયુક્તં હેમરૌપ્યસમન્વિતમ્

સપ્તધાન્યયુતં પાત્રં દધિચન્દનચર્ચિતમ્ ।
અગસ્ત્યઃ ખનમાનેતિ મન્ત્રેણાર્ઘ્યં પ્રિદાપયેત્

ખાસપુષ્પપ્રતીકાશ અગ્નિમારુતસમ્ભવ ! ।
મિત્રાવારુણયોઃ પુત્ત્રો કુમ્ભયોને નમો ઽસ્તુ તે

શૂદ્રસ્ત્ર્યાદિરનેનૈવ ત્યજેદ્ધાન્યં ફલં રસમ્ ।
દદ્યાદ્દ્વિજાતયે કુમ્ભં સહિરણ્યં સદક્ષિણમ્ ।
ભોજયેચ્ચ દ્વિજાન્સપ્ત વર્ષં કૃત્વા તુ સર્વભાક્