ગરુડ પુરાણ · અધ્યાય 1.101

ઇતિ શ્રાગારુડે મહાપુરાણે પૂર્વખણ્ડે પ્રથમાંશાખ્યે આચારકાણ્ડે યાજ્ઞવલ્ક્લોક્તગણપતિકલ્પનિરૂપણં નામ શતતમો ઽધ્યાયઃ
શ્રીગરુડમહાપુરાણમ્- 101
યાજ્ઞવલ્ક્ય ઉવાચ ।
શ્રીકામઃ શાન્તિકામો વા ગ્રહદૃષ્ટ્યભિચારવાન્ ।
ગ્રહયઞ્જ્ઞં સમં કુર્યાદ્ગહાશ્ચૈતે બુધૈઃ સ્મૃતાઃ

સૂર્યઃ સોમો મઙ્ગલશ્ચ બુધશ્ચૈવ બૃહસ્પતિઃ ।
શુક્રઃ શનૈશ્ચરો રાહુઃ કેતુર્ગ્રહગણાઃ સ્મૃતાઃ

તામ્રકાત્સ્ફાટિકાદ્રક્તચન્દનાત્સ્વર્ણકાદુભૌ ।
રજતાદયસઃ સીસાત્કાંસ્યાદ્વર્ણાન્નિબોધત

રક્તઃ શુક્લસ્તથા રક્તઃ પીતઃ પીતઃ સિતોસિતઃ ।
કૃષ્ણઃ કૃષ્ણઃ ક્રમાદ્વર્ણા દ્રવ્યાણિ મુનયસ્તતઃ

સ્થાપયેદ્ગહવર્ણાનિ હોમાર્થં પ્રલિખેત્પટે ।
સ્નાપયેદ્ધોમયેચ્ચૈવ ગ્રહદ્રવ્યૈર્વિધાનતઃ ।
સુવર્ણાનિ પ્રદેયાનિ વાસાંસિ સુસુમાનિ ચ

ગન્ધાશ્ચ બલયશ્ચૈવ ધૂપો દેયશ્ચગુગ્ગુલુઃ ।
કર્તવ્યાસ્તત્ર મન્ત્રૈશ્ચ ચરવઃ પ્રતિદૈવતમ્

આકૃષ્ણેન ઇમન્દેવા અગ્નિર્મૂર્ધાદિવઃ કકુત્ ।
ઉબ્દુધ્યસ્વેતિ જુહુયાદેભિરેવ યથાક્રમમ્

બૃહસ્પતેપરિદીયેતિ સર્વે અન્નાત્પરિસુતમ્ ।
શન્નોદેવી કયાનશ્ચ કેતુઙ્ક્રણ્વન્નિતિ ક્રમાત્

અર્કઃ પલાશઃ ખદિરસ્ત્વપામાર્ગો ઽથ પિપ્પલઃ ।
ઔદુમ્બરઃ શમી દૂર્વા કુશાશ્ચ સમિધઃ ક્રમાત્

હોતવ્યા મધુસર્પિર્ભ્યાં દધ્ના ચૈવ સમન્વિતઃ ।
ગુડૌદનં પાયસં ચ હવિષ્યં ક્ષીરષાષ્ટિકમ્

દધ્યોદનં હવિઃ પૂપાન્માંસં ચિત્રાન્નમેવ ચ ।
દદ્યાદ્ગહક્રમાદેતાન્ ગ્રહેભ્યો ભાજનં તતઃ

ધેનુઃ શઙ્ખસ્તથાનડ્વાન્હેમ વાસો હયસ્તથા ।
કૃષ્ણા ગૌરાયસં છાગ એતા વૈ દક્ષિણાઃ ક્રમાત્ ।
ગ્રહાઃ પૂજ્યાઃ સદા યસ્માદ્રજ્યાદિ પ્રાપ્યતે ફલમ્